#كحل_عرب
(بيت بيوت )
(((بقلم زينب ماجد )))
الحلقة_33
( تمارة )
يگضيني الشرار وطبعي أظلْ بارد
لـ عريان السيد خلف||🖤
بطة : لزمت الورقة ومأمون لازم ايدي الثانية بقوة و هن يصفكن ، همس : فرحانة
هزيت راسي خفيف بمعنى ( اي ) واتبسمت .. ظل ابالي اقرأ الورقة بس الناس كلها واكفة ما اكدر افتح واقرأ، احس اللي داز المكتوب ياسر ، بس اذا هو شرايد مني بحيث دازلي وانا بهالموقف ؟
ظليت كامشتها بيدي ..كربت هدوة و هي تكومنا وجابت حلقات الخطوبة ، صاحت عمة مأمون ( الف الصلاة والسلام عليك يا رسول محمد ) هلهلن
وظلت تصفك وهن وياها ( اول منبدي وش نكول لا اله الا الله الف الصلاة اعلى الرسول لا اله الا الله ) وكفونا كدام بعض ، وهدوة و امي و عمة مأمون واكفة هي الجرت الحلقات واطتنياها ..
الورقة جانت بيدي اليمنى ، و عمته حجت : ايدج اليمنى
انتبهت امي وتساعدني و هي تستر اديه حتى لا اطلع دلع، سحبت الورقة من ايدي و ظلت لازمته ، مأمون مبتسم يباوعلي ، اخذ اصبعي ولبسني الحلقة .
هلهلن بصوت عالي، وهدوة اطتني الحلقة مالته كالتلي لبسيها اله ، رفعلي ايدي اليمنى ، باوعت بعيونه بوده ياكلني والفرحة بوجهه ما تنخفي .. حطيت المحبس بيده .. تقرب لزم حنجي و باسني بكصتي و هو يكلي : بعلي ما جاي اصدك انت الي.
تبسمت ورجعنا كعدنا على الكرويته و هو لازم ايدي عاصرها بأيده .. ويتنهد و كل شوي يهمس كلمه ما اسمعها من الهوسة .
تمنيت اللي بصفي الجنت اتمناه يمكن هسه احساسي و فرحتي غير .. ويمكن ما تنوصف .
...
كواغد : لا تفشلونا جدام الوادم يمه ماي جاي ودوا .
لالة :عمه البدوانية كلهم خلصوا كبل لا يقرون الفاتحة بس صالي ساعة اصيحن اعلى وحيد ياخذ الجاي برا .. ازلام جثيرة بالباب ما كفاهم البيت
- لا عيب يمه ودن
نوسة : اخذ انا حبوبة
- بزواكاتج هاي يحبوبه لا فشله شوفللجن وحيد من الويلاد وودنه .
- شعلي حبوبه البس عباتي واطلع اطي الصينية الواحد من الولد .
- لا صيحي على مؤيد خل ياخذ .
نوسة صبيت الجاي وذبيت الربطة على راسي و العباية على جتافي و طلعت اودي الجاي بالحوش لمؤيد .
وكفت اصيح ( مؤيد .. مؤيد) الجاي برد وحسي راح ومؤيد ماهوه .. نزلت الجاي للكاع و حطيت عبايتي على راسي و طلعت خاطر اطي الصينية لواحد من معارفنا يوزع .
اول ما طلعت ولن تمار كدام عيني .. صدت عينه علي .. انا ما ترددت كلتله : مروان وين بس يوزع الجاي .
أنت تقرأ
كحل عرب
Ficción Generalجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
