كحل عرب

الحلقة 26

#كحل_عرب
(بيت بيوت )

((( بقلم زينب ماجد )))

الحلقة_26
(افتراء )

أسد شباچ حسنك لو تعديت
و أضيف إتراب جدمك وردة البيت
و أسئلك لو طفح حسنك بالعيون
حلو بطبعك يل اغنج لو تحليت
والمك لمة الخاطر بالعتاب
واسئلك من عطشتك ليش ماجيت ؟
لـ عريان السيد خلف||🖤

اندار مامون و هو يخزره : انت تتعمد هالتصرفات هاي جيف انت نكس و خايس و حاط راسك براسي

ياسر: الخايس انت احترم روحك لا افلش راسك

مأمون : اي دتعال يلا .
حجاها و هو يتناوشه كضاه من ياخت دشداشته و طكاه كله ، و هاذ تلاوة وياه .

مروان : شبيكم تسودنتوا مأمووووون يااااسر ، ابوي واكف .

سرحان ؛ هدهم مروان .. امش .

دار وجهه سرحان منهم و هو مغضب ، ومشه ، اثنينهم ميلوا ... وواحد بعد من الاخر .

مأمون : نكس

- احترم نفسك لا اشك راسك والله

- خب زلمه انت وتشك راسي روح البس شيلة امك واكعد بصفها

- شيلة امي هدية مني الك حطها اعلى خصرك و هز بيها ابغداد يا الداكوك

دفعه :- اركص بيها على كبرك افتهمتتتتت

مروان : ترا ابوي هدكم ومشى اليوم يكلب البيت على روسكم وعلي

مامون : خل اشوفك تكربها

- جا اخذ شوف الا اخلي كلبك يغدي نار وعلي

- وعلي التحلف بيه النار هاي احركك بيها واحرك كل واحد يطلع وراك

- كدها انت يالزعطوط . كد حجايييتك

دفع مروان مأمون و جراه و مأمون يصيح : تظل فضالتي لو شما تكبر ، حلكك اشكه خاااايس .

مروان : دمشي يمعود امشي شبيك انهديت

- ما سمعته يتعمد يغثني دكت الغيرة بكلبه شلون ابوي اشترالي سيارة شني حتى بابوي مشاركني وما كفاه جاي يحط عينه على الرايدها بعلي ماكو هيج نكسه

- تعرف ابوي شكد صار عصبي دمشي .

دخلنا للبيت ابوي كاعد بنص الهول ، البيت كله عرفه هو مغضب ، دنكت ليه امي هدوة و هي تطيه كلاص الماي ، عاين للطبلة بمعنى ( حطي الماي غاد )

ليلى : شماله سرحان

فخرية : ما اعرف يا ستار شصاير بالمضيف

- جا موش مرته روحي اساليه

- شني ما رايدة روحي هسه لاون نعرف شماله

طب مامون للبيت ومروان كاضه ، تكرب من ابوه ، شد السبحة سرحان و اشر عليه : لا تكرب

- انا بويه اعتذر بس.....