كحل عرب

الحلقة 13

#كحل_عرب
(بيت بيوت )

((( بقلم زينب ماجد )))

الحلقة_ 13
( حرب وانتفاضة )

اااخ ويا مَرارة ليشنه بـ طَرف اللِسن
لـِ عريان السيد خلف||🖤

نوسة : جوتني بايدي وانا كمت اناشغ وابجي وهي تهدد بيه ، وانا شايله ايدي واومي اعلى وجهي .

دشت جدتي واحنا اعلى هالحال صاحت : شمالج وياه

فزت مرت عمي بسرعة : لا عمة انا هيج عبن ما تعرف تشيل بالغراض بربدتهن جاي انصحنها .

-انا سمعتج بذني هاي تكليلها مرت الاخرى يو حجيتي اجويج اعلى حلكج واخليج خرسة .

تحجي وانا انفخ على ايدي وابجي واعاين على الحرك ، تكربت جدتي مني : شو .. هاي حاركتها ولج

- لا يا عمه هيج شويونه بس ردت اعلمنها

- انعل ابيج الكوا*** انت ياعي وتعلمينها شنهي امها ابوها .. لاصيحن جدها اخلي يجلدج يالخايسة .

خذتني وطلعت بيه للبستان و انا صدري ينشغ ودموعي جفن بعيني ، جن فرحت ساعة الشفت جدتي فزعتلي .. خذتني لجدي .. ابوي جان كاعد يم جدي
صاحت : خب نويصر ، يناصر

- هااا

- تعال ليه شوف الحية شعاملة بالبت .

- ياهي هاي

- مرت عودة ام اللثك حاركه البت بيدها

- اهااا عليش

- تكلي اعلمنها

اندار علي : عليش عملت وياج هجي ؟

- ما ترضى احجي تكول بس تحجين اجويج على حلكج

حجت جدتي : يعني موش اعلى الصحون

- لا بتها الغسلت الصحون انا غسلت افراش ابوي

فلاح: انا هاي لا ما اكثر العودة براثها ما اهيدن

كام و جدي جراه : شنهو الما ترصى تحجينه كولي

- جدي وعلي تجويني

- ما تجويج انعل والديها احجي شنهو الما ترضى تحجينه.

- انا من انامن بالليل نجم يمد ايده علي .. رديت انامن يم ابوي و هم يجي يسوي حركات ما احبنها

لطمت جدتي اعلى وجهي : دهر الدهرج خايبة وسااااكته .. كونه كربج .

- البارحة جراني لورا البيت من كمت ابجي اجت مرت عمي حجيتلها تكلي اذا تحجين اجويج وظلت تكرص بيه .
نزلت ثوبي وطلعت اثار الكرص البزندي لجدتي . كامت جدتي تلطم و تكله : اشوف ينااااصر .

كملت الحجي : واليوم جيف حجيت البتها اجت جوتني وتكلي بس تحجين بعد اسويج خرسة

ابوي هد كبل جدي ، وجدي شال العودة وركض وراه .. جرتني