كحل عرب

تتمة

#كحل_عرب
(الفوضى )

(((بقلم زينب ماجد )))

الحلقة_تكملة60
(العرس)

يـ الزفـة عرس
ضحكتك 
تـالي الـليل
ويـا عـين الـصگر بـالزعـل من تحتد ..
لـِ عريان السيد خلف||

الاء: قفل الخط بوجهي فزيت ، عزا العزاني بالله هذا اذا اجا عصبي مو يفوت كول بالبيت ، وابوي موجود والله يخرب العرس كله و تصير هوسة .

كمت من مكاني بسرعة نانة طبت نزعت قميصها ، واني البس بنعالي ما اندل وين احط رجلي، صاحت : هييي ذبانة شبيج نثولي

- حمزة صار عصبي متصل ٥٥ مرة وما رادة

- حيل كون يبرد كلبي بيج ويستوج حتى تبطلين ثول

- انجبي درووووحي

خذيت الموبايل ونزلت جوا ، حجيت : ماما بابا وين ؟

- طب للغرفة دينام ليش

- حمزة جاي

- اي طلعيله شوفي شيريد

- يريد يشرب من دمي شيريد ، عصبي لإن ما رديت عليه

- شنو تايهتلها ويشرب من دمج ، دطلعي وشوفي

- زين خل ادخله للديوانية حتى نحجي بهدوء لا يروح يتصايح بالخوش ويطلع بابا ، ووو بعد ما ادري

- اي ماشي دخليه بس ليتأخر ليروح ابوج يعرف وتصيرلنا هوسة مبينه حيل

- ماشي ماما ماشي

طلعت كاضةالتليفون ومنتظرته ، سمعت صوت السيارة صفت ابابنا ، ركضت ، فتحتها ، نزل : بعدي فتحي الباب وطلعي مفرعى ، بعد .. شو تعاي ليجاي خاف هناك محد يشوفج

ضحكت : غير منتظرتك يا حبيبي

- منتظرة كتلتج .

- لا عفية والله موهيجي حمزة حباب والله مدريت والله

- بت ... اسغفرك ربي لج ليش اطلعين الساني الزفر انت ،بال٥٥ اتصال اي ما رن ما حسيتي على روحج من العصر لليل اني ادك

- حقك شتحجي حقك بس والله جنت فرحانه بالملابس كومة اشتريت ، كلشي كلشي احبه

- ومنين

حطيت ايدي بيده وكده للدوانية : هم اهلي جمعولي

- اهلج لو مأمون

- لا مأمون شنو اهلي

- بس ميخالف نيشانج اني اكمله .

- حبيبي الاصلع الحلو ..
دخلنا للدوانية ، حجه : اي وهالحبيب شممحصل

- شتحصل يعني ابويه جوا

- وشلي غرض بيه
حجاها وهو يبوسني بخدي : كومي جيبيلي كلاص ماي كلبي نشف من وراج