كحل عرب

الحلقة 31

#كحل_عرب
(بيت بيوت)

((( بقلم زينب ماجد )))

الحلقة_31
(س

لا تحط نفسك شگص نوجات
وانت إحچاية العاذل تصيدك
لــِ عريان السيد خلف ||🖤

دفعه و هو يكله : جاي اكلك انا الواعدتها حجيك ويااااي .

كضاه مؤيد : انت شجاي تحجي تواعد اختي بالليل .. ولك اختي هاي مأموووون انت جاي تعرف شتحجي .

كواغد : ادخيلك ربي ، خايب روح امش اعلى سرحان جا انا موش وديتك دمش راح ينولي وليده ... امش

ايمان جرت بطة و خلتها ورى الباب و ظلت ظاضة الباب وواكفة تعايله و مؤيد يصيح : احجي وياك التحجي صدك مأموووون .

- ما جاي اجذب عليك انا عاشكها من اسنين وما كربتلها جيف هي اختك .. بس صارحتها كبل يوم وصدتني وانا مستعد اخطبها اذا هي ترضى .

ويا ما حجاها مؤيد انهد عليه بوكسيات ، مأمون ما رفع ايده ولا دافع عن نفسه ، وكعوا كلهم يدافعون .

حاكم يصيح ومحد يسمعه و البنيات التمن باكتار ايمان يلوذن بأمهن ... ومروان يذود عن اخيه .... دشت هدية وسرحان برا يصيح: هاااااه شنهي .

صاحت كواغد : حجاباتجن كل يدش ... دخلن
الما متسترة ركضت فوك و الما لابسه حجاب دورتلها شي تحطه على راسه و مروان سحب مأمون بسرعه وطلعه .

طلع مؤيد و هو يكل لسرحان : ابنك الحاط عينه النكس اعلى عرضيييي .. هاذ ابن شيخ ... انعل اعراضكم اليوم .

صرخ بيه سرحان واجاه كضاه من اردانه : مكوي عودك ولك وتصرخ بوجهيييي ردي من اسمع حسك هنا ادفننك وعلي افتهمت يو لا .

- ميل عني دميل ما اعترف بيك شيخ ب.......
بعده ما مكمل .. دفعه سرحان و للكاع و حط رجله اعلى زردومه : اسمع يخايب المثلك حدر اجدامي ما احطنه ، لخاطر اهلك اتعداك لجن لو سمعت حسك مرت الاخرى ، فلقه اعلكننننننك

ركضت ايمان وكواغد و هن يتوسلنه ، يبعد عنه ..
شال رجله منه وايمان كومت مؤيد ، يريد يصرخ وهي حاطة ايدها على حلكه .. جرته هي ولالة للحوش .

اندار سرحان لكواغد : شنهي الصاير يم ستار جنها الطلايب ما ناويه تفض ؟ مأمون اله خص بهالطلابة .

كواغد : الحجي مو مالت مكاطف يبو مأمون .. اكعد خل نستراح انسحنت ارواحنا فلك الفلكهم غير يو ينكضون دولبونا

حجتها و هي تندار لريحانة بت ستار : كومي حبوية سوي جاي لعمج .. كومي .

حاكم : كواااااااااغد

اندارتله و هو يحجي : صالي ساعة اكلكم كعدوني حاطيني ورا ظهوركم .. استحكرتوني جيف اجدامي ما يعيننييييي .

ركضت هدية كبل امها و هي تكله : محشوم بويه .. مت عيني عليك

كومته وحبته براسه و كعدته ... وهو معصب ، اندار لسرحان و كاله : ابنك يبو مأمون داز رسالة لهند و كاتب بيها ( رايد اشوفنج بالليل اطلعيلي ) ومن هالحجي .. انت ترضاها .. هو وليدنا وربيب عدنا وداريناهم مثل وليداتنا بغيابك . بس مالت يتعدى اعلى بنياتنا ويواعدهن لا لهنا وتوكف عدنا .