#كحل_ عرب
(الفوضى)
((( بقلم زينب ماجد )))
الحلقة_54
( زرع الشك )
كالو طاح
كتلهم فلايرتاح
وماترتاح
لأن سدَّيت اذانك من ضميرك صاح..!
لـ عريان السيد خلف||🖤
أيمان : مؤيد
- ها يمه
- دعوفوا هالسم هذا يا ابني مدكلي انت ومروان شلون بيكم مو راح تضيعوها روحكم بهالسم .
- يمه هسه كاعدين شرايدة من عدنا
تنهد مروان وهو منزعج ، مؤيد اشر لأمه تطلع، تنهدت وهي تكللهم : ميفيد وياكم لو شما احجي ...
طلعت شاحنة ومدتها بديها وهي تشوفها لمؤيد : المن هاي الشاحنة ، مشتري تليفون ؟
باوعلها مؤيد وعقد حاجبه : مالتك مروان
- لا هاي ماتي مشكلة بالدكمة
- جا مالمن ؟
رفع راسه الها ، وهو يمد ايده حتى ياخذها ويبتدر بالسؤال : وين لكيتيها ؟
- فوك بغرفة البنات ورى البردة .
-هااا ، عوفي يمي
جراها وخلا على كتره ، طبت نانة : مؤيد خل اروح اشتري بساع وارجع كبل لا تطفى الكهرباء
- ممنوع طبي
- شني ضامة فلوس اريد اشتري
- طبييي
- لعد كوم انت اشتريلي
ايمان : امشي طبي هناك ، شباب ديشربون واكفة على روسهم شنو
- واني شاربة وياهم ؟ لا تشترولي ولا تخلوني اشتري ترى طكت روحي
- طكت روحها ام السان ، امشيييي
مؤيد : اطيني لا تصرعين راسي ، شتريدون غير المشترى
- يمه حبيبي اخوية الغالي فدوة فدوة فدوة
الأء وهي تنتجي ع الباب تباوعلها وكاضة دفترها وقلم الرصاص: اللوكي شحصل ؟
نانة : كلشي يحصل مو مثل الذبان ما يحصل غير حمسة بالنعال
ضحك مروان : خرب عرضج على هالرد .
الاء : سفيهة
مشى مؤيد حتى يشتريلنا ونانة طلعت من عندي .. ومؤيد كاعد لابس قميص أبيض وفاتحة لنص ، زيانه حفر و شعره سرح نازل على كصته .. شكله حيل حلو ، و الكعدة اللي هو بيها حبيت تفاصيلها ، ساعته الفضية المبينة غالية ، وفتحة رجليه وهو ثاني رجل وكاسر رجل وصدره طالع ، وسامته تتشكل لوحة لرجل وسيم بائس يحاول نسيان شي بالمشروب .
بلا ما ادري كعدت اشمر بالقلم وارسم هيئته .. واركز بتفاصيله .. باوعلي عرف دا ارسمه ، ابتسم : جاي ترسميني
- على كعدتك بس اخطها ، وبعدين فوك ارسم التفاصيل .
جاي احجي وياه انتبهت للشاحنة بالكاع ، عفت الرسم وسديت الدفتر وكمت شلت الشاحنة: يلا اخذ راحتك
أنت تقرأ
كحل عرب
General Fictionجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
