#كحل_عرب
(بيت بيوت )
((( بقلم زينب ماجد )))
الحلقة -6-
(انتقام جاسم )
وبكيف الظروف نعيش
محد عايش بكيفه..
لــِ عريان السيد خلف🤍
صفيت سيارتي اباب البيت و دشيت ، تلكوني الجهال (بوياااا ، عميييي ، خاليييي اجا ) دنجت راسي ليها احبنهم ، كربت ليه فخرية : هلا بجيتك شلونك ما لونك الدنيا تلايمت هنا و انت مامش .
- كلاص ماي و الحكيها بصينية اكل تراني ميت جوع .
- اي تدلل
- راديون وينها ؟
- بالهول جويعدة
- سويلي مجال خاطر ادش ليها .
فاتت جدامي واني كحيت ، كامن النسوان و فخرية صاحت : ادخل ابو مامون هلا بيك
- يا الله ، شلونكم يابه
تمشيت الراديون متلفلفه بعبايتها و كاعدة الخدود مزلغة والعيون مورمه ، دنجت ليها : عظم الله اجرج خوية و البقية بحياتج .
هزت راسها و ما ردت علي ، حجت ملوك متمدده غاد عنها : جا بعد وكت ، اخيتك ضامها الضيم وانت توك يالة بينت .
-ما جنت مرتع غاد ، بت مأمنينها ابيتي تنوخذ من باب مدرستها ومرتي نفسه و خسرت رحمها وانا بين المركز و المستشفى اولول
ملوك : اي جا احنا نعرفها اهم شي هدية ، الباكي يولي .
صبتلي ماي فخرية خذيت منها ، شربت : الحمد لله و الشكر ، شنهي ما شنهي ؟
راديون :- رابع يوم يالة تجيني خوية ، انت الاتنومس بيك هديتني باصعب ايامي .
- خوية اجي شسوي اكابلج يا خوية والطم ، شبيدي اكعد.بالمضيف اتانيهم يهدون يو اهد عليهم واكللهم عليش انتحر ابنكم .
- يريدون ياخذون جهالي
- جهالهم خوية انا بيش احكنهم واخذ الفريخات منهم ؟
- واطي جهالي ؟ وعلي يو انجتل واتكطع وصل وصل شعرة من راس جهالي ما اطيهم .
- الله كريم هسه هدي روحج وربج يدبرها .
اندكت الباب و ابن عمي صاح : ابووو مأمون
- هاااا سلامات ؟
- ال ثجيل اعلى اعتاب المضيف مسلحين
كمت من حيلي ، فزت راديون و كضت بارداني : اخافن لا جايين ياخذون ولدي مني ، دخيلك انا ما بيه فراك جهالي ... سرحااان
- ما ياخذونهم لا تخافين ، اعرفهم عليش جايين .
طلعت من البيت ، تمشيت للمضيف ، و جاسم كاض سلاحه وواكف بصدر الهوسة : ها يجاسم شنهي الراي .
- مرت سعدون اجتنا و اهي تنخانا وتكول انت متبعها خاطر تاخذ بت حرمتك .
- جيت والله جابك و هاي ازلامنا تشهد ويا ربعنا انا سرحان ال ضاحي ما اتبعلي مرة ولا هي اطباعي لجن حط تهايمكم الباطلة اعلى كتر و خلني اكلك ، حضر عمامك عدي وياكم كوام .
أنت تقرأ
كحل عرب
Ficción Generalجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
