كحل عرب

السر و التفسير

السلام عليكم

انتهت الرواية بخير
واسعدني جدا ردودكم و تقييمكم للرواية وكنت متأكدة حتحبوها مثل ما اني انبهرت بيها و حبيتها اول موصلتني ..

تكلمت سابقا عن سر يخص خنجر

اكو شي الصراحة محبيت تغييرة ومقبلت لإنو القصة حلوة .. لكن ابطال القصة الهم بدور هذا حذفي هذا غيري .. وووو الى اخره .

لما الشيخة ملوك انطت سرحان لزهرة ترضعه
طبيعي المرضع لازم تكون عدها طفل حتى صدرها يدر وترضع احد ثاني وياه ..
الطفل اللي جانت جايبته زهرة واللي رضع وياه سرحان ... هو خنجر
خنجر اخو سرحان بالرضاعة

بالقصة كالولي سويها اخو حميد
بس محبيت التغيير بواقعيتها احلى .. بس بعد طلبهم لكن فيما بعد كالو هااا لو مبقيها مثل مكلتي احلى ..

رغم انو الموضوع ما مأثر على الرواية ابدا بينت انو علاقتهم قوية جدا ..
بس حرمني انو اشرح علاقة سرحان بزهرة .. لإنو جانت حياتها ويا سرحان تشكي خنجر لسرحان وتطلب منه انو يعدله و ما. يخلي يمشي بدرب الشقاوات .. فاضطريت اخفي دورها لهذا السبب .

سبحان الله اخوته من ابوه ما حبوه وسندوه مثل اخوه اللي رضع وياه .. دائما يندهون بعض بكلمة ( يبن امي )

خنجر لما حب بنت الشيخ مطر
سرحان كدر يخلي يتوب من هالدرب وينصلح لدرجة حتى كام يصلي .. بس لما راديون تزوجت و عافته لاجل ابن سلطان رجع لعادته واكثر وزاد بحيث سرحان بنفسه كام ينهره

اكو سالفة طاشة عليه بالسلف
طبعا كلمة (طاش) بالجنوب يعني منتشر وهالمصطلح مشتهر جدا بالريف .. جددوها الجماعة بوقتنا الحالي على اللي ينتشرون بمواقع التواصل .

السالفة هاي
من بعد ما تركته بنت الشيخ هو خربها كلش بالشرب ودرب الليل ، فسرحان بطله من المعمل وكاله اذا ما اتوب ما الك شغل يمي ..

فاخينا بالله فلس
كل ما تجي الحبيبة بنت الليل ... بالليل يكللها تعاي وبعدين انطيج ..  وجمعت جمعت الى ان مرة طالبته وكاللها .. دروحي هو انت خلك *** فلس ما الج يمي .

فهاي تخبلت راحت لسرحان باعتباره اخوه وطالبته بحقها فسرحان متخبل شلون تحجي وياه ويكللها : شطيج حك النومة .. ولي ولا تكربين .
بس ما سكتت شهرت خنجر بالسلف شهيرة والا تطوني حقي ..  فطشت عليه سالفة ( يعاشر كحا*** بالدين ) 😂😂

وهذا السبب اللي خلا كواغد وحاكم يرفضونه رغم هو تقدم لخطبة جمارة اكثر من ٥ مرات .. وتاب من بنات الليل بس شرب لكن الاهل  بقوا رافضي رفض قاطع. 

وكالو (لو يضل اخر واحد بالعالم ما ننطي بتنا )
وهذا معانات طويلة نشرحها بالجزء الثاني ان شاءالله .. هي وقصة راديون .

اما غلاف الرواية

الشجرتين .. هي العائلتين او العشيرتين
ال ثجيل وال ضاحي
عشيرة منهم عدلة وعشيرة مايلة
كتبيان بين العدل و الاعوج