كحل عرب

مشاركة

مشاركة شعرية من بنوته حبت تشاركنا الرواية بأبيات شعرية من كتاباتها .

سرحان :غريب بكاع الله مالي ديره
لا ام ولا اخ وعشيره
و ولفي لضيعيته مالي غيره
وراحت بالي خويه منين اجيبنهه.

خنجر :راحت بالك انت لضيعته
عفت دربك ومورك ضيعتهه
غركت بشط عشكهه ضيعتهه
وغركتو ثنينكم بدنيا لرديه.

سرحان :لاواني لدهر من زغري لاواني
حرت مابين اهلي وبين خلاني
غريب ومامش احد يعرف مجاني
وبنص صدري لصواب يلوج بيه.

خنجر : انا كتلك ياخوي ابتعد عنهم
لا تهوه ولا تدنه لدربهم
خفت تذبل وردتك من تفكم
وشتحصل غريب بغربتك هاي.

سرحان
: غريب وبس عشكهم فرح جلاي
صارو زادي همه علاجي ودواي
ماأدري لدهر يتكابل وياي
هضموني لجن مالح خبزهم.

خنجر
:لملح غزر لجنه منك بيك
اعشك كتلك انا لمنك وبيك
لنصبولك وكعتك منك وبيك
ول الله لمشتكه من اهل البلية.

سرحان :
لمشتكه لله يخويه لمشتكاله
لجن ضنيت أليه وانا لاله
كلبي لرفض ينسه يكلي لا له
عشكهم فات كلبي وسكن بيه .

#صمت_القلب