"ʙᴀʙʏ....🄱🄾 " [ COMPLETED ]✔

Part (4)

##UNICODE

Baby Bo
__________

" ချပ်" ခနဲ အခန်းတံခါးဖွင်သံကြောင့် ရိပေါ်တစ်ကိုယ်လုံး တောင့်တင်းသွားသည်..။ အခန်းက လက်ဗွေစနစ် လုပ်ထားသည့်အပြင် လုံခြုံရေးပိုင်းမြင့်သည့် ဒီတိုက်ခန်းတွေမို့ သူခိုးဝင်ဖို့ဆိုတာမဖြစ်နိုင်..။ ဒါဆိုရင် မိမိမဟုတ်မှတော့ တခြားလက်ဗွေပိုင်ရှင်က ကိုကိုပေါ့..။

"ကိုကိုလား..? "

"ကျစ်! ငါမဟုတ်တော့ ဘယ်သူရှိဦးမှာလဲ..? ငါ့ကိုလာတွဲစမ်း ဝမ်ရိပေါ် "

အသံပြတ်ရှရှက ဆူအောင့်စွာထွက်လာသော်လည်း ရိပေါ်ကတော့ ပျော်မြူးစွာဖြင့် အခန်းထဲက ပြေးထွက်လာကာ နံရံကိုမှီတွယ်နေရသော ရှောင်းကျန့်ကို ကူတွဲလိုက်သည်..။

ရိပေါ့်ခန္ဓာကိုယ်သေးသေးလေးက အမူးသမား ရင်အုပ်ကျယ်ထဲ နစ်မှန်းမသိ နစ်နေသည်..။ ဒါတောင် နှာတစ်ရှုံ့ရှုံ့နှင့် နားသယ်စပ်နှင့် ဂုတ်သားတစ်လျောက်ကို နမ်းရှိုက်နေတာကြောင့် ခရီးမတွင်ပဲ ယိမ်းကာယိုင်ကာနဲ့ အခန်းထဲသို့မရောက်နိုင်..။

"ကိုကို.. Bo ကို လွှတ်ပါဦး ဒီလိုဆို အခန်းထဲမရောက်ပဲ နေလိမ့်မယ် "

" မင်းကိုနမ်းချင်လို့များထင်နေလား..? ငါက Larvendar ပန်းဆိုသိပ်ကြိုက်တာ "

"Bo သိပါတယ်..ဒါ​ပေမဲ့ ကိုကို့ခန္ဓာကိုယ်ကြီးကို Bo မှ မထိန်းနိုင်တာကို "

ရုန်းရင်းဆန်ခတ် နဲ့ အိပ်ယာပေါ်မနည်း ဆွဲတင်လိုက်ရသည်..။ အပေါ်Coat ကို ချွတ်ပေးရင်း ပြေလျော့နေသော နက်တိုင်ကို ဖြုတ်လိုက်ပြီးနောက် ခြေအိပ်နဲ့ ရှူးဖိနပ်ကိုဆွဲ ချွတ်သည်..။ ကိုကိုက သူ့ဘာသာ ရှပ်အကျီကြယ်သီးတွေကို ဆွဲဖြုတ်နေတာမို့..

"Bo ရေပတ်တိုက်ပေးဖို့ လိုသေးလား..? "

မူးနေပေမယ့် လူစိတ်ပျောက်အောင် တစ်ခါမှ ရှောင်းကျန့်မမူးဖူး..။ ခုလည်း မိမိဘေးတွင် ကျုံ့ကျုံ့လေးထိုင်ရင်း မေးခွန်းထုတ်နေသော ကောင်လေးကို မျက်လုံးများမှေးစင်းရင်း ကြည့်လိုက်မိသည်..။ ကောင်ငယ်လေးကတော့ သိဟန်မတူပဲ..

" ဒါဆို ကိုကို့ကို ရေပတ်တိုက်ပေးဖို့ Bo ရေသွားခပ်လိုက်ဦးမယ် "