"ʙᴀʙʏ....🄱🄾 " [ COMPLETED ]✔

Part (7)

# Unicode #

Baby Bo
__________

" ဝမ်ရိပေါ် "

တံခါးကို ဒေါသတကြီးဆွဲဖွင့်ပြီး အခန်းထဲသို့ ဒုန်းစိုင်းဝင်လာခဲ့သော်လည်း ပိတ်ပိတ်မှောင်နေသော အမှောင်ထုကြီးကသာ သူ့အား ဆီးကြိုလို့နေသည်..။ ဒီအခြေအနေကြီးက နည်းနည်းတော့ ခြောက်ခြားစရာ ကောင်းလှသည်..။ အခန်းမီးနဲ့ လိုက်ကာစများကို ဆွဲဖွင့်လိုက်ပေမဲ့ တွေ့ချင်သော သူကိုမတွေ့ရပေ..။ ရေချိုးခန်းထဲ မှာလဲ ထိုပုံရိပ်လေး မရှိသောအခါ ရှောင်းကျန့် စိတ်ထဲလှိုင်းထန်လို့လာသည်..။ တစ်ယောက်တည်း ကျောင်းကိုသွားတာများလား..?

" ဒီသောက်ရူးကောင်ကတော့ ဖုန်းလဲမကိုင်ဘူး တောက်! ငါ့ ခွင့်ပြုချက်မပါပဲ ဘယ်မှမသွားရဘူးလို့ ပြောထားရက်သားနဲ့.. "

" ကို..ကို.."

" ဟင်! "

တိုးသဲ့သဲ့အသံလေးနှင့်အတူ ချပ်ခနဲပွင့်သွားသော နံရံကပ်ဗီရိုကြီး ၊ အဝတ်အထည်များကြားတွင် ဝမ်ရိပေါ်က ဒူးနှစ်ဖက်ကို လက်နှင့် ပိုက်ကာ ကွေးကွေးလေး ထိုင်နေသည်..။ မျက်နှာတစ်ပြင်လုံး ရဲတွတ်နေကာ မျက်ဝန်းထဲတွင်လည်း ရီဝေဝေ အခိုးအငွေ့များက ယှက်သန်းလို့..။

" မင်း..အဲ့ထဲဝင်ပြီး ဘာလုပ်နေတာလဲ? "

ရိပေါ် က ဝေဝါးစွာနှင့် လှပ်ခနဲ ပြုံးပြလာကာ မျက်ဝန်းအစုံကလည်း ဆုံချက်ပျောက်နေပြီး..

"အခန်းထဲမှာ တစ်ယောက်ယောက်က Bo ကို စိုက်ကြည့်နေသလိုပဲ Bo ကြောက်တယ် ကိုကို ဟီးးဟီးး ဒါပေမဲ့ တော်သေးတယ် Bo ဆီ ကိုကို ရောက်လာလို့ "

ကောင်ငယ်လေးက ပြောနေရင်းနှင့်ပင် နှာခေါင်းကို လက်နှင့်ဖွဖွပွတ်နေပြီး မီးသေနေတဲ့ စီးကရက်ကို နှုတ်ခမ်းနားတေ့ကာ..

" ဆေးလိပ်သောက်နေရရင် Bo မကြောက်တော့ဘူးလေ "

ဇဝေဇဝါ မျက်လုံးအကြည့်များနှင့် တုန်ရီနေသော လက်ချောင်းများက ဆေးကြောင်ခြင်းရဲ့ အစလား..? ရှောင်းကျန့်မှာ မိမိရှေ့မှမြင်ကွင်းကို ငေးကြောင်ကာ စိုက်ကြည့်နေပြီးမှ ဝမ်ရိပေါ်အား ဗီရိုထဲမှ ပွေ့ထုတ်လိုက်တယ်..။ ဒီမြင်ကွင်းမျိုးကို ပထမဆုံး မြင်ဖူးတာမို့..