"ʙᴀʙʏ....🄱🄾 " [ COMPLETED ]✔

Part (26)

##UNICODE##

Baby Bo
__________

" ထိုင် "

ရိပေါ် က ထိုလူလက်ပြသော ဆိုဖာတွင် ဝင်ထိုင်လိုက်တယ်..။ အခန်းထဲမှာ နှစ်ယောက်တည်းသာ ရှိနေတာမို့ စိတ်လှုပ်ရှားမှုကို ချုပ်ထိန်းရန် ခေါင်းကိုတွင်တွင် ငုံ့ထားပြီး လက်ဖဝါးပြင်ကို ပွတ်ချေနေမိသည်..။ Air-com ခန်းထဲမှာ ချွေးစို့နေတာတော့ အမှန်ပဲ..။

" ရိပေါ် "

"ဗျာ! "

မဝံ့မရဲ မော့ကြည့်မိတော့ မားးကိုယ်တိုင် အတည်ပြုထားတဲ့ မာတုဆိုသော မိမိ၏ အဖေရင်းဆိုသူကို တွေ့လိုက်ရတယ်..။ ဖိအားပါသော အကြည့်စူးစူးများနှင့် လူကို အစုန်အဆန် ကြည့်လာခဲ့ပြီး

" DNA စစ်ကြည့်လို့သာ ယုံရတယ် ငါ့မှာသားတစ်ယောက်ရှိမယ်လို့ အိပ်မက်တောင် မမက်ဖူးဘူး "

မာတု မှာ ကုယန်း ပြောပြတဲ့ သတင်းကြောင့် ရှန်ဟိုင်းကို အလောတကြီး ပြန်လာရသည်လေ..။ အသက် ၅၀ ကျော်မှ မိမိမှာ သားတစ်ယောက် ရှိနေတဲ့အဖြစ်က သူ့လို လူကိုတော့ Shock အကြီးကြီးရစေသည်..။

"_______"

" အဟက်! တကယ့်ကို Surprise အကြီးစားပဲကွာ "

ဘာရည်ရွယ်ချက်နဲ့ ပြောလိုက်လဲ မသိမပေယ့် ထိုစကားများက ရိပေါ့်နားထဲ ဂလုန်ဆန်၍ ဝင်သွားခဲ့သည်..။ ဘယ်သူကရော သူ့ကို အဖေ တော်ချင်နေလို့လဲ..? မား အတင်းလွှတ်လိုက်လို့သာ ရှန်ဟိုင်းကို ပြန်လိုက်ခဲ့ရတာ..။

" လူလေး နဲ့ အခြေအနေ ဘယ်လိုရှိလဲ ပြန်အဆင်ပြေသွားပြီလား..? "

"လူလေး___!"

သံယောင်လိုက်ကာ ရေရွတ်ပြီးမှ လူလေးဆိုတာ ကိုကို့ ကိုပြောမှန်း နားလည်သွားသည်..။သူတို့နှစ်ယောက် ကိစ္စတွေကို လူကြီးတွေတောင် သိနေကြပြီတဲ့..။ လူက ထူထူပူပူဖြစ်သွားသော်လည်း ခပ်တည်တည်နဲ့ပင် ခေါင်းခါလိုက်တယ်..။ ချစ်နေသေးပေမယ့် ထို ဇာတ်လမ်းကို ပြတ်ဆက်ဖို့အတွက် ရိပေါ့်မှာ ယုံကြည်ချက် ရှိမနေတော့..။ ထို့ကြောင့်

" ကျွန်တော်တို့ ဆက်ဆံရေးက ပြတ်စဲသွားတာ ကြာပါပြီ "

" သေချာလို့လား..? "