"ʙᴀʙʏ....🄱🄾 " [ COMPLETED ]✔

Part (36) Ending

## Unicode ##

Baby Bo [ Final part]
______________________

အိပ်မှုံစုံမွှား တံခါးဖွင့်ပေးပြီး ရှောင်းကျန့်မှာ မျက်လုံးအဝိုင်းသား ရေရွတ်လိုက်တယ်..။

" ရီဖု..စောစောစီးစီး ဘာလာလုပ်တာလဲ? "

" ဘယ်က စောရမှာလဲ? ညနေခြောက်နာရီကျော်နေပြီလေ ရုံးဆင်းပြီးမှ လူလေးတို့ဆီ ဝင်လာတာ.."

" အမ်! "

ရှောင်းကျန့်မှာ ကြောင်တောင်တောင်နဲ့ လိမ္မော်နီရောင် သမ်းနေတဲ့ ကောင်းကင်ကြီးကို မော့ကြည့်လိုက်တယ်..။ အုပ်လိုက်ပျံသန်းနေတဲ့ ငှက်တို့က အစာရှာထွက်တာမဟုတ်ပဲ အိပ်တန်းတတ် နေကြတာတဲ့လား?

အာရုံတက်ချိန်နှင့် ဆည်းဆာချိန်ကို မှားပြီးတွက်ချက်မိပုံပင်..။ ဒါဆို တစ်နေ့ခင်းလုံး သူအိပ်နေခဲ့တာပေါ့..။

မာတု က ဝယ်လာတဲ့ ပစ္စည်းများကို ထည့်ရန်ရေခဲသေတ္တာကို ဆွဲဖွင့်လိုက်တယ်..။ သို့ပေမဲ့ ဒိတ်လွန်နေသော အစားအစာများနှင့် ပုပ်အဲ့နေသော အသီးအနှံ့များကြောင့် နှာခေါင်းရှုံ့လိုက်မိကာ..

" ဘာလို့ ဒီလောက် ညစ်ပတ်ရတာလဲ? အမှိုက်တွေ တစ်ခန်းလုံး ဖွထားတာကို အားမရလို့ ရေခဲသေတ္တာကိုပါ ချဥ်ဖတ်အိုး လုပ်ပစ်တာကတော့ တရားလွန်နေပြီနော် လူလေး "

ဧည့်ခန်းထဲက ဘီယာဗူးခွံတွေနဲ့ စားလက်စအသားကင်တွေကို ကပျာကယာ ရှင်းလိုက်ပြီး ရှောင်းကျန့်မှာ မာတုအား မျက်နှာချိုသွေးတယ်..။

" ရီဖု ဒီမှာလာထိုင် Bo ပြန်လာမှ ဝိုင်းရှင်းပေးလိုက်တော့တယ်.."

အသီးပုပ်တွေကို အိတ်ထဲထည့်နေတဲ့ မာတုလက်တွေက လေထဲမှာရပ်တန့်သွားခဲ့ပြီး..

" ရိပေါ် က ဘယ်သွားလို့လဲ? "

" ကျောင်းသွားတယ်လေ "

မာတု မျက်နှာထက် ရှုပ်ထွေးမှုတို့ ဖြတ်ပြေးသွားကာ ရှောင်းကျန့်အား လျော့ရဲစွာ ပြုံးပြလိုက်ပြီး..

" ဪ ရီဖုက အခန်းထဲမှာ ရှိမယ်ထင်တာ ဒီလောက် နောက်ကျတာတောင် ပြန်မလာသေးဘူးလား? "

" အင်း စာတမ်းပြုစုနေရလို့တဲ့.."

မာတု မှာ ဘာ့မှဆက်မပြောတော့ပဲ ကိုယ်တတ်နိုင်သလောက် အခန်းကို သန့်ရှင်းပေးလိုက်ကာ ပူပူနွေးနွေး အစားအသောက်များကိုလည်း ​ခပ်သွက်သွက်ပဲ ချက်ပြုတ်ပေးလိုက်သည်..။ သူ့မှမချက်ရင် လူလေးက ဘာ့မှ တကူးတက လုပ်စားမှာမဟုတ်..။