"ʙᴀʙʏ....🄱🄾 " [ COMPLETED ]✔

Part (23)

##UNICODE ##

Baby Bo
_________

" နေစောင်းနေပြီ ဒါကဘယ်လဲ..? "

ရိပေါ် က ဖိနပ်ကြိုးကို စိမ်ပြေနပြေ ထိုင်ချည်ပြီးမှ အမေဖြစ်သူကို မော့ကြည့်လိုက်ကာ..

" လေညင်းခံရင်းနဲ့ ငါးသွားမျှားမလို့လေ မားးရဲ့ "

"အရမ်းမိုးမချုပ်စေနဲ့ ညစာစားဖို့အချိန်မှီ ပြန်လာခဲ့ ဒါနဲ့ ရှီဖန်းကိုရော မခေါ်သွားဘူးလား..? Bo Bo "

" ဟင့်အင်း! "

ရှည်ရှည်ဝေးဝေး ရှင်းပြမနေတော့ပဲ ရိပေါ်က မားးပါးကို ခပ်ဖွဖွနမ်းကာ မျက်လုံးမှိတ်အောင် ပြုံးပြလိုက်ပြီး..

" Bo သွားပြီ "

ဆံနွယ်ဝါလေးများကို ဝဲခါအောင် ခုန်ပေါက်ရင်းလမ်းလျှောက်သွားသော သားငယ်ကိုကြည့်ကာ လျှိုရင် မှာ မသိမသာ သက်ပြင်းချလိုက်သည်..။ မိမိသည် ပညာတတ်မဟုတ်သော်လည်း ကျောင်းပိတ်ချိန်မဟုတ်ပဲ အိမ်ပြန်လာသော Bo Bo လေးကြောင့် စိတ်ထဲထင့်မိတာအမှန်..။ ဒီကလေး ရှန်ဟိုင်းမှာ ဘာများအဆင်မပြေ ဖြစ်လာခဲ့သလဲ..?

" ဟင်း! "

" ဘာတွေများ သက်ပြင်းချနေတာလဲ အန်တီရဲ့ "

လူမရောက်ခင် အသံက အရင်ရောက်လာတယ်..။ ဝမ်မား မှာ ရှီဖန်းအား ခပ်ဖွဖွပြုံးပြလိုက်ပြီး..

" ဒီလိုပါပဲ ကလေးရေ "

"ကလေးလို့ အခေါ်ခံရတာ ေပျာ်ဖို့ကောင်းလိုက်တာဗျာ အဟဲ ဟဲ တစ်ခါမှ အခေါ်မခံရဖူးလို့ ထင်တယ် "

ရှီဖန်း က အရွှန်းဖောက်ပြီး အိမ်ရှေ့ကွပ်ပြစ်ပေါ်တွင် ဟင်းရွက်ခြွေနေသော လျှိုရင်ဘေးတွင် ဝင်ထိုင်လိုက်သည်..။ ပြီးနောက် မုန်ညှင်းထုပ်များကို လိုက်ကိုင်ရင်း လောကွတ် ထပ်လုပ်တယ်..။

"မုန်ညှင်းချဥ် လုပ်မလို့လား ကျွန်တော်လဲ ဝိုင်းလုပ်ပေးမယ်လေ "

"မလိုပါဘူးကွယ် "

"ဒါနဲ့ ရိပေါ်ကိုမတွေ့ပါလား? "

တောင်ကြည့် မြောက်ကြည့်ဖြစ်နေသော ရှီဖန်းပုံစံက ဆပ်ပြာသည် လင်ပျောက်နေတာနဲ့ တူသည်..။ ဝမ်မားမားမှာ မိမိသူငယ်ချင်း အန်းနနဲ့ ရုပ်ဆင်လှသော ထိုလူငယ်လေးကို ဂရုဏာမျက်ဝန်းများနှင့် ကြည့်လိုက်ပြီး..