ဟင့်အင်း ခင်ဗျားကို....(U&Z) - Completed

အပိုင်း ၁ (U&Z)

(Unicode)

*အိုက်ဝမ်...

ဆိတ်ငြိမ်တဲ့ ထပ်မြင့် ကော်ဖီဆိုင်လေး တခုထဲကို ခေါ်သံနှင့် အတူ လှပ ကျော့ရှင်းစွာ လှမ်းလျှောက်လာတဲ့ မိန်းမချောလေး တစ်ယောက်.....
သွယ်လှတဲ့ ခန္ဓာ ကိုယ်ပေါ်မှာ အဝါနုရောင် ဝတ်စုံ ဇာဂါဝန်အတိုကို ဝတ်ဆင်ထားသည်။

သူမ လှမ်းခေါ်လိုက်တဲ့ ကောင်လေးကတော့ သူမအသံကို မကြားနိုင်ဘဲ တနေရာကို ​ေငးကြည့်နေခဲ့သည်။ နုနယ်ပျိုမျစ် ခြင်းတို့က ထို လူသားအား ဖန်ဆင်းရန် နတ်တပါးရဲ့ အားထုတ်ထားမှုများလား ထင်ရအောင် ငယ်ရွယ်တဲ့ ယောကျာ်းလေး တယောက်ရဲ့ ချောမောခြင်းနဲ့ နုပျိုခြင်း ပုံစံက ထင်ရှားလှသည်။

*အိုက်ဝမ်...

ထပ်မံ ခေါ်လိုက်တဲ့ သူမ အသံကြားမှ ရုတ်တရက် အသိဝင်လာသူလို သူမ ဘက်ကို လှည့်ကြည့်လာသည်။

*သဲ...ရောက်လာပြီလား...လာလေ ထိုင်...

*ဘာတွေများ ဒီလောက် ငေးနေရတာလဲ ကိုရယ်...သဲ ကို့ကို ခေါ်နေတာ ကြာပြီ...

*အဟင်း...ဘာမှ ထွေထွေ ထူးထူး မရှိပါဘူး...

သူမ အမေးကို အရေးမကြီးသလို ပြန်ဖြေနေတဲ့ ကောင်လေးကို ယုံရှင်း မြတ်နိုးစွာ ကြည့်နေမိသည်။ စားပွဲမှာ ဝင်ထိုင်တော့ ထိုလူသားလေးက သူမ ရှေ့ကို မီနူးကဒ်လေး တိုးပေးလေသည်။

ဝမ်ရိပေါ်.....
သူမ မြတ်နိုးရတဲ့ လူသားလေး...အေးစက်စက်နေတတ်ပေမယ့် နွေးထွေးတဲ့ နှလုံးသားပိုင်ရှင်.....တနည်း ပြောရရင် သူမ သိပ်ချစ်ရတဲ့ ကောင်လေးပေါ့.....

*ညနေကျရင် မာမီက အိမ်ကို လာခဲ့ပါဦးတဲ့...သူ့ သားမက်လောင်းလေးကို ညစာနဲ့ ကျွေးမွေးဧည့်ခံချင်လို့ပါတဲ့ရှင့်...

သူမက ရွတ်နောက်နောက် ပြောတော့ ဝမ်က ခပ်ဖွဖွရယ်ရင်း ခေါင်ညိမ့်ပြသည်။

*ညနေ ကုမ္ပဏီ က အပြန် တန်းပြီးလာခဲ့ပါမယ်ဗျာ...

❣ ❣❣ ❣❣❣

ကော်ဖီဆိုင်လေးက ထွက်တော့ ယုံရှင်းက သူမ ကားလေးဆီ လှမ်းလျှောက်သွားသည်။ ရိပေါ် က ကားဆီ လိုက်ပို့ပေးရင်း သူမ ကားထွက်သွားသည်အထိ ရပ်ကြည့်နေခဲ့သည်။