"လာ ဒီမှာထိုင်စမ်း"
သာဝင်ထိုင်လိုက်တော့
"ငါကတော့ငါ့မြေးလေးတော်လှတော်လှနဲ့ဟမ် ဘယ်အဝေးကလူကိုသွားကြိုက်ရတာတုန်း"
"ဟမ် ဖွားကလည်းသူကအဝေးကမဟုတ်ပါဘူး ဒီမန္တလေးကပဲကို ပြီးတော့..."
သာ့ရဲ့လျှောက်လွှဲချက်တွေကိုအဖွားက
"တော်စမ်း ငါသူ့ကိုစိတ်မဝင်စားဘူး "ဟူသောစကားနဲ့ပိတ်ပစ်လိုက်သည်။ သာစိတ်ဝင်စားဖို့ပဲလိုတာကိုဖွားကလည်း ဟုစိတ်ထဲကသာတွေးနေမိသည်။
"မြေးသူ့ကိုချစ်တာလား .."
အဖွားကလေသံပြန်ပျော့သွားကာမေးလာသည်မို့သာခေါင်းသွက်သွက်ညိတ်လိုက်သည်။
"ဟုတ် ဖွား သူလဲသာ့ကိုအရမ်းချစ်..."
"ငါသူ့အကြောင်းမသိချင်ပါဘူးဆို."
ပိတ်အော်လိုက်တယ့်ဖွားစကားမှာသာ့မှာ ပါးစပ်ကိုအလျင်မြန်ပိတ်လိုက်ရသည်။
"ဟင်း.."
ငြိမ်သက်နေသောအခန်းထဲမှာဖွားရဲ့သက်ပြင်းချသံကကြီးစိုးသွားသည်။
"ဖွားမြေးကိုပွင့်ပွင့်လင်းလင်းပဲမေးတော့မယ် သားဘုန်းအပေါ်မြေးဘယ်လိုမှမခံစားရဘူးလား"
ဘုရားရေ ။ ဘာတွေဖြစ်နေတာလဲ။ သာ့ကမ္ဘာကြီးပြောင်းပြန်လည်နေတာတော့မဟုတ်ဘူးမလား။
"အာ ဖွားကလည်းပေါက်ပေါက်ရှာရှာ သာနဲ့ဘုန်းက သူငယ်ချင်းတွေလေဘာခံစားရမှာလဲ"
သာ့အပြောကိုအဖွားက ခေါင်းကို တစ်ချက်ခေါက်လိုက်ပြီး
"တုံးလိုက်တာမြေးရယ် ဟမ် အမှန်ဆိုဒါတွေကမြေးအမေလုပ်ရမယ့်အလုပ် သူ့မလဲ ယောက်ျားနားပဲကပ်နေရတာ ဟင်း .."
သာ့စိတ်ထဲတွင်တော့ တခုခုမှားနေပြီလို့ခံစားနေရ၏။
"ဖွားသိတယ် မြေးနဲ့ဘုန်းအတူနေနေတယ်ဆိုတာကို"
"ရှင်!"
"ဟုတ်တယ် ပြောရရင် ဒါလည်းဖွားစီစဥ်ထားတာပဲ ဒီအိမ်က သားဘုန်းရဲ့အိမ်လေ တကယ်တော့ ဖွားကိုသူ့ခမျာလာခွင့်တောင်းရှာတယ် မြေးလေးနဲ့သဘောတူဖို့ရယ် ပြီးတော့ မြေးကိုသူသဘောကျနေကြောင်းကော သူ့အဒေါ်တွေနဲ့ရော အားလုံးစီစဥ်ပြီးတော့မှ မြေးက ဒီရောက်လာတာ"
YOU ARE READING
A mysterious love story (Completed)
Romanceငယ်စဥ်ကထဲက မိဘ၏ဆုံးမမှုတွေကြောင့် အချစ်ရေးမရှာဖို့ဆုံးဖြတ်ထားသူ ၊ မတော်တဆ အလယ်တန်းနောက်ဆုံးနှစ်မှာ ကောင်ဇိုးလေးတစ်ယောက်ကြောင့် ...... ခင်မင်ရသော သူငယ်ချင်းမလေးက ပွင့်လင်းစွာ ဝန်ခံလာခဲ့သောအခါ ... ဆုံးဖြတ်ချက်တွေတင်းမာပြီး တစုံတယောက်ကိုဒဏ်ရာတွေပေးဖို...
