🖤ပဟေဠိဆန်သောချစ်ခြင်းသွယ်🖤
အပိုင်း(၂၀)
အပြန်လမ်းတခုလုံးတိတ်ဆိတ်နေတာ အိမ်ရောက်သည်အထိပင်။ဘယ်လိုဖြစ်လို့ဒီအခြေနေကြီး။ဘုန်းဟာနားလည်ရခက်လိုက်တာ။ မျက်နှာကြီးက တင်းလိုက်တာ ကျောက်ပျဥ်နဲ့ထုခွဲရင်တောင်မကွဲလောက်ဘူး။
"ဟဲ့ ဘုန်း ဘာကိစ္စနောက်ကျနေတာလည်း"
အိမ်ရောက်တော့မှမေးလိုက်တော့လည်း သူက
"နောက်ကျနေတာမကောင်းဘူးလား"
အခုထိမျက်နှာကြောကကြောက်စရာ
"နင်ဘယ်လိုပြောလိုက်တာလည်း ငါ"
"ကိစ္စရှိလို့နောက်ကျသွားတာ "
တိုတိုပြတ်ပြတ်ပြောပြီး သူ့အခန်းသို့ဝင်သွားလေ၏။သာ့မှာသာတစ်ယောက်ထဲ။ အေးလေ သူလည်းကိစ္စရှိဦးမှာပေါ့ ဒါမယ့်ပြောသွားတာကြီးကလည်း။
သာနောက်နေ့ကစပြီးဆုံးဖြတ်လိုက်တာ ကားတစ်စီးမြန်မြန်ဝယ်မယ်လို့ပင်။
"ဟဲ့ စားမလား"
ညရောက်တော့ Relexအနေနဲ့tvကြည့်ချိန်မှာ အေးစက်တည်နေတယ့်သူ့ကို စကားစတယ့်အနေနဲ့ လက်ထဲက အာလူးကြော်ဘူးကိုကမ်းပေးလိုက်သည်။
ထင်သလိုသူကတုန့်ပြန်မလာတော့ သာ့စိတ်က ရိုးတိုးရွတဖြစ်လာပြီ။
"ဘုန်း နင်ဘာဖြစ်နေတာလည်း"
"မဖြစ်ပါဘူး"
လေသံက ရေခဲတိုင်းပဲ။ပုံမှန်ဒီတိုင်းမှမဟုတ်တာ။
"ငါ သဘက်ခါ ကားShowroomသွားမို့ လိုက်ခဲ့ပေးမလား"
သူက သာ့ဘက်ခေါင်းလှည့်လာပြီးတချက်ကြည့်ကာ
"အေးပေါ့ ခုတော့ငါ့ကိုမလိုတော့ဘူးလေ "
"ဟမ် ဘာကြီး ဘာကိုလဲ နင့်ကိုလိုလို့ အဖော်ခေါ်နေတာလေ"
"ဒါပဲမလား လိုက်ပို့ပေးမယ်"
💮💮💮
အခုဆို ကိုသြရှနဲ့သာနဲ့အတူလက်တွဲလုပ်နေတာ ၂ပါတ်ပင်ရှိပြီဖြစ်သည်။လူကြီးလူကောင်းဆန်သော ကိုသြရှက ခန့်ညားလှပလွန်း၍ တခါတခါ သာ့ကိုသာပင် သံသယဖြစ်မိသည်။တကယ်ဆို ၂ပါတ်ထဲနဲ့ယောက်ျားတစ်ယောက်ကိုမကြွေသင့်ဘူးမလား ။သာ့အသက်ကလည်းမငယ်တော့ ၂၅ပင်ပြည့်တော့မည်။ အခုတလော သာ့အိပ်မက်တွေက ရက်ဆက်မက်လာသည်။ သာမေ့နေတယ့် မှတ်ဉာဏ်တပိုင်းတစက တကယ်ပဲအဲ့တာလားဟုပင်သာ့ကိုသာသိချင်မိသည်။ပြီးတော့တခါမှမမြင်ဘူးသည့်ပန်းများပို့နေသောသြဇာကောင်းဆိုသည့်သူကလည်း သာ့အတွက်ပဟေဠိပင်။ ဒီနေ့ ကားက ဘီးပေါက်နေ၍ဝပ်ရှော့အပ်ခဲ့ရလို့ သာလမ်းလျှောက်ပြန်ဖို့ပဲစိတ်ကူးလိုက်မိသည်။အိမ်နဲ့လည်းသိပ်မှမဝေးတော့တာ။တခါတလေ relaxဖြစ်အောင်နာရီဝက်လောက်လမ်းလျှောက်တာလည်းတမျိုးကောင်းပါတယ်လေ။
YOU ARE READING
A mysterious love story (Completed)
Romanceငယ်စဥ်ကထဲက မိဘ၏ဆုံးမမှုတွေကြောင့် အချစ်ရေးမရှာဖို့ဆုံးဖြတ်ထားသူ ၊ မတော်တဆ အလယ်တန်းနောက်ဆုံးနှစ်မှာ ကောင်ဇိုးလေးတစ်ယောက်ကြောင့် ...... ခင်မင်ရသော သူငယ်ချင်းမလေးက ပွင့်လင်းစွာ ဝန်ခံလာခဲ့သောအခါ ... ဆုံးဖြတ်ချက်တွေတင်းမာပြီး တစုံတယောက်ကိုဒဏ်ရာတွေပေးဖို...
