الفصل الواحد والعشرون
نقلت هتان بصرها نحو ريم التي تغيرت ملامحها ما إن سمعت نبرته المتعبة تلك ، ولكن هتان أكملت كلماتها بتوتر لم تستطع إخفاه : أنا عايزة أتكلم معاك في موضوع كده
عقد حمزه حاجبيه بدهشة ، ولكنه ردد بهدوء : موضوع أيه حصل بينك أنتِ ورائف حاجة تانية
نفت كلماته سريعًا ، مرددة بينما تنظر إلي ريم : لا لا أنا بس كنت عايزة أتكلم معاك بخصوص حوارك انتَ و ريم
تنهد حمزه بضيق ، مرددًا بجمود : مفيش حاجة نقدر نقولها في الحوار ده يا هتان خلاص حكايتي أنا وريم خلصت خلاص ومستحيل ترجع تاني
تحركت هتان قليلًا في الحجرة بينما تقوم بهز قدميها بضيق من كلماته تلك وتستمع إليه بأنصات تحدثت بحنق تام : يا حمزه انتَ لسه بتحبها وهي لسه بتحبك متبوظش الدنيا كده ، وبلاش تحكم علي قصتكم بالفشل بالمنظر ده
إلي هنا ولم يعد بإمكان حمزه تحمل كلماتها ، وقف بينما يصرخ بلهجة تمتلأ بالغضب : وهي كانت عملت ايه في قصتنا دي أصلًا ، هي كانت بتعمل حاجة غير أنها بتشك فيا وخلاص ، أنا جيبت أخري يا هتان من القصة دي ومش ناوي اتعب نفسي فيها تاني ، هي حتي مستنتش تسألني ليه ولا حصل أيه لا دي كل اللي كانت بتقوله طلقني وبس دي ظلمتك وظلمتني من غير حتي ما تدي فرصة لنفسها تسمع اللي حصل بالظبط
نقلت هتان بصرها نحو ريم التي بدأت البكاء بهيستيرية بينما تحاول إخفاء شهقاتها بيدها ، أوشكت هتان علي البكاء وهي تري حالة صديقتها المنهارة تلك ، رددت سريعًا : أي حد طبيعي كانت هيحس زيها يا حمزه بلاش تظلمها بالمنظر ده ، انت عارف طبع ريم كويس وعارف ان ده غصب عنها من اللي حصل قبل كده
_ هتان أسمعي هقولهالك للمرة المليون ومش ناوي أقولها تاني ، قصتي أنا وريم خلصت خلاص وكله كان بسبب شكها تعبت من كتر ما قولتلها أن أحنا قصتنا مش شبهم وهي وش راضية تصدق كلامي خليها بقي تدفع ثمن غلطاتها سلام
نطق حمزه بكلماته تلك بأنفعال شديد ، ليغلق الخط فورًا دون الانتظار لسماع ردها ، جلس علي الأريكة واضعًا رأسه بين كفيه ، بينما صدره يعلو ويهبط بسبب أنفعاله الشديد ، وهو للمرة الاولي لا يستطيع أتخاذ قرار واضح في أمر متعلق في حياته
____________________________________________________________________
أتجهت نحو ريم بسرعة البرق ما إن تأكدت من إغلاقه للخط، متمتة بحزن واضح ، بينما تربت علي كتفيها : يا ريم بس بقي متعيطيش كده طبيعي دي تكون ردة فعله
نفت ريم برأسها نافية بعنف ، بينما تنظق من بين شهقاتها : لا مفيش حاجة هتكون كويسة هو معاه حق أنا تعبته كتير أوي معايا ومبتغيرش مهما حاول يغيرني ويغير شكي ده ويقنعني أنه مستحيل يحب غيري أنا مبتغيرش يا هتان مبتغيرش مهما حصل
_ لا يا ريم كل حاجة هتكون كويسة أنتِ بس اهدي واسمعي هقولك ايه وإن شاء الله ينجح الحل ده وكل حاجة تتصلح وترجع زي الفل ، وموضوع شكك ده مش بإيدك وكلنا عارفين ده ، بس علشان خاطري أهدي شوية علشان أقدر أتكلم معاكي
أنت تقرأ
نهاية اللعبة ( الجزء الثاني من صراع الحب والألم )
Romanceكانت مجرد خدعة لنصل إلي مبتغانا ، تستطيع أعتباراها لعبة ، ينطقون بها بمنتهى البرود ، ظنُا منهم أن ما يقولونه أمر طبيعي ، هل هؤلاء البشر طبيعيون حقًا ، يقومون بتدمير حياتي تحت مسمي لعبة ، حسنًا إذًا أنتم بدأتم تلك اللعبة اللعينة بخداعى ، وأنا سأقوم...
