ثأر أدهم

بارت خامس

مساء الأمل🥀🍃

....... ثأر أدهم.......
الكاتبة🌟نبأ ميثم 🌟

.......... 💕💕💕........

خلود : يوم يوم يمه كعدي بس امي متكعد
كعدت بالكاع رجليه بعد مشيلني ماعرف شنو اسوي
لزمت حايط وكمت رحت لبيت شيخ اوكع وارجع اكوم الطريق صار شطوله....

دخلت عليهم جانوا يتريكون
ايمان : وين جنتي خاتون
خلود: الله عليكم احد يساعدني اخذ امي للمستشفى مدري شبية متكد ساعدوني نزلت دموعي...

لزمتني إيمان من أيدي حيل اكيد هاي حجة جاي تتمسكنين اهنا حتى تحصلين عطف
صرخ عليه رسول: لجج إيمان.
هدتني بعصبيه امشي اشوف امج...

طلعت كدامه بالكوه امشي وصلت للبيت
راح وكف يمه شاف نبضة وعيونه مفتوحة هل مره! باوعلي بقهر
خلود : يلا ناخذه للمستشفى احجي من بين دموعي....

رسول : ماتت
خلود : يلا ناخذه للمستشفى....
رسول : خلود ماتت

خلود: لجذب شوفه شون ماتت فاتحه عيونه احجي وابجي 
رسول : استغفر الله لازم تكونين قويه

دنيت يمه زحف ماكدر اكوم يمه كومي بعد ماعذبج ولا اشتكي من عيشة بس رجعي راح اتغير وعد راح اتغير.....

ليش مجاوبني اني منو الي خلي تكعد والله أرضى بكلشي تكوله لزمت ايده وابجي بس كعدي اني اسفه بعد ماعذبج....

احجي وابجي بعد ماعرف أشكول ماعرف شدحجي بس ردت تحجي وياي تكول كلمة..

وخرني رسول عنه واني اصرخ بلش هو مراسيم الدفن واني ابجي اجو عمامي وكرايبي علمود فاتحه....

جابوا أمي بالتابوت فقدت قوتي ذكرت ابوي قبل كم سنه جان نايم هاي نومه وهسه امي عرفت بعد ماكو اي امل رجعته شبعت صريخ وبجي وقهر...

محد واكف وياي حتى اخوي سندي ماهوه
بس رسول سوه مراسيم دفن اجو كرايب عزوني عمي كال أخذج وياي بس اني رفضت وهو مالح لأن عباله اخوي يمي .....

ضليت وحدي بالبيت صار يخنكني خنك أحس روحي تنقبض طلعت بالحديقة ودموعي تنزل خسرت كل شي....

عزام من يوم ماكتله اخذ امي للدكتور وهو مختفي عن البيت مر ثلث أيام اتعس ثلث ايام لا اكل لا شرب مالي نفس بأي شي .

يوم رابع اجت إيمان استغربت من شفته كلة خلص يجوز انقهرت علية.. ..
ايمان : ثلث ايام على فاتحه مرن انتي شوكت ناويه ترجعين تشتغلين لو حلتلج كعده

خلود : من باجر ارجع اشتغل
ايمان : اي ست حسن مو متجين...
خلت وراحت رفعت رأسي للسمه دعيت الله يخلصني من كل هذا نزلت دموعي صايرة ضعيفه وأقل شي ابجي انكسرت بوفاة امي...

مدتخيل هي راحت اكعد وحدي واتريك وحدي اشتغل وحدي اتذكر من اكلله "لشوكت أضل هيج بهاي عيشة“
هسه مستعده أضل عمر كله بس كون هيه يمي مو وحدي ماتحمل وحدي هي قوتي....