ثأر أدهم

بارت ١٤

مساء الخير

الف شخص يشوف بارت نجمه بس ١٠٠ ليش؟
اذا ضل هيج تفاعل راح انشر بين يوم ويوم
والي يتفاعل الف شكر وسعيدة جدا بتعليقات بعض😘

....... ثأر أدهم.......
الكاتبة🌟نبأ ميثم 🌟

.......... 💕💕💕........

شيخه: رسول المن تبيعه صدك تحجي......
رسول :والله اكو عصابة تشتري أطفال وين ميخاذوه خلي ياخذوه يشغلوهه بملهى تكبر وياخذون أعضاء جسمه..... بعد هاي أمه وتبرت منه!...

شيخه :لا لا مسويه شنو هذا حجي تخبلت لك هاي بنتك من لحمك ودمك....
رسول :قسمت بالله وإيمان كلش زين تعرف اني شنو ومنو وشااسوي وحجي إذا صدك أو جذب.....

ايمان :عاد أخذه وخلي نخلص تره طلعت كلبي صوته زرف اذني....
شال رسول طفلة وهي تصرخ بين اديه
رسول : آخر كلام هذا إيمان؟

ايمان : اي مراح اغير رأي
ديطلع من بيت لحكت رسول
خلود : رسول اوكف رسول

رسول :هااا شصاررر....
خلود : رسول صدك راح تبيعه!
رسول : ابيعه انطيه مهم افض شغله من الله ياخذجن واخلص.....

خلود : انته تخبلت بنتك عرضك وشرفك!.
رسول : شسوي شسوي أمه عديمة الاحساس متريده....
خلود : على اساس انته مو عديم الاحساس!....

رسول : احتمري نفسج خلود!.
خلود : إذا بعته مو راح تتعذب وتضل تدعي عليك من تكبر ليش هيج تسوي!.....

رسول : اريد اروح دخلي جوه...
مشه صحت جيبه خلص اني اربيه اعتبره وحده من بناتي!.
رسول : بس انتي ما مجبورة!.

خلود : صح ما مجبورة بس عندي احساس حرامات نخليه تتربه بعيد وأماكن مو زينه وابوه شيخ مناقصة شي كادر كل شي يامنله ويوفرله بس شنو والله ابيعه لأن أمه متريده....

رسول : خلود اني ماااضل وياجن هاي كلبه طيب وذيج كلبه سم وتذبن حجي تره عندي كومه مصايب تريدين طفلة اخذيه بلا نفس!.

أخذت طفله من ايده ونبي كلش حلوه ليش هيج ظلم وحقد واصل مرحلة جبيره عند بيت شيخ مااعرف!.....

دخلت للبيت إيمان شافت طفلة بيدي مااحجت شي جانت طفله مزركه من بجي رضعته من صدري ويه أدهم وهيج صارت بنتي بالرضاعه دعيت ربي يوفقني وميخلني أقصر عنهم بشي اجت زهراء كعدت يمي

زهراء :الله حلو ....
خلود : هاي اختج جديدة
زهراء : خلي ابوسه... تقربت منه مو باسته وإنما خنكته.....

زهراء :العب بيه!...
خلود :ياا ممنوع تكسيه ابسطج....
زهراء : تعلت.... عود زعلت...

خلود :يمه تعل تعاي ابوسج طايحه حظ وصيري عاقلة....
اجت امل ثانيه مكابلاتي وكاعدات وادهم نايم دخل رسول للغرفة...

راحت زهراء يمه
رسول :بابا شوف طفل جديد....
أبتسم رسول وكل شي ماحجه اني هم ماعلقت

خلود :شنو اسم لبنيه؟
رسول : سمته إيمان عذاب
شهكت يم اسم الله شنو هل اسم؟
اني راح اصيحله هبه مالي دخل بيكم خطيه تعقدون طفلة من هسه!.