مساء الكرز🍒🍓
....... ثأر أدهم.......
الكاتبة🌟نبأ ميثم 🌟
.......... 💕💕💕........
ايمان : انتي شون هيج تنصدمين برسول؟
خلود : تره مو قصدي مشفته
ايمان : اي مو عميه
خلود :هاي شبيج وياي تره مااكلته!.
ايمان: شوفي لج إذا انتي وعمتي بالجن شي احب اكلج تبتعدين عني تره لعب وياي مو سهل!.
خلود : وانتي منو كلج اريد العب وياج؟
ايمان: عيني عليج عافتني ومشت جنه مخبله ثابرتني ثبيرة برسول....
بعده بلشوا الخطار يجوهم للعصر اندكت باب فتحته طلعن بنات فاتن لي جوه ورافعات خشمهن عبالك ملكات....
اجت إيمان تشبك وتحضن بيهن طلعت أخته ونسوان أخوة نفس خشم يابس....
كعدن صاحتني إيمان اجيب شي يشربنه رحت للمطبخ احضر بالعصر والكيك شفت رسول دخل
باوعتلهن اكلنه اكل بالسلام وهو هم رحب بيهن....
وديت عصير ورجعت للمطبخ اشتغل شفت امي كاعده
خلود : يمه بيج شي
ام خلود : لا يمه مابيه شي
خلود : صارلج شهر مو على بعضج شبيج يوم
أم خلود : ماعرف كلبي يوجعني
سكتت محجيت شي وبكلبي غصه ابنه عنده فلوس ومياخذه للمستشفى شفته تعبت فد مرة
يمه روحي انتي للبيت واني اكمل واجي
أم خلود: ماعيفج وحدج
خلود: شوفي وجهج شلون اصفر لتعاندين يمه
ام خلود : كتلج ماروح
ضليت أقنع بيه وبالكوه راحت مابيدي شي اسوي
غير صبر ودعاء....
كملت شغل جاي اطلع من بيت طلع بوجهي رواد
رواد : وين رايحه حلوة
مجاوبت ضليت ساكته واني كلبي يدك نوب ماكو أحد بس شيخه وإيمان وكرايبه فوك...
دفوت من ذيج جه وكف بطريقي اني مو جاي احجي شنو ماعدج لسان..
خلود : ابتعد عن طريق يعني مثلا وين رايحه غير بيتنه.
رواد: شكو عصبيه وشايله خشمج؟
خلود:كتلت وخر شبيك
رواد: ماوخر شسوين
خلود : ألم بيت عليك
رواد : عود اخاف هسه؟
خلود: تخاف تموت تنجلط مايهمني وخر كتلك احجي واحس كلبي راح يوكف من خوف..
رواد: والله عمي حتى خدامات صاير الهن لسان
بدأ يتقرب مني واني ارجع لي وره وعيونه كلهن شر....
ردت اصرخ دخلت اخت إيمان للمطبخ وكالت هاي شديصير هنا!.
شافه رواد كلب عيونه ليفوك عافه ومشى ولا اهتم!.
اجت تقربت مني ركض
رؤى : شوفي لج خاف ماكدرتي تكسبين شيخ رسول عبالج تاخذين رواد والله ادفنج..
خلود : انتن شبيجن وياي ومنو كال اني اريد شيخ لو اخو شنو هذا حجي لا عبالجن خدامة واسكتلجن
رؤى: هيي عادي نجبي ولصيحين طلعتي شريفة براسي، مو انتي وحجيه دترسمن على رسول بس ماكدرتن كل هذا حتى تكسر عين اختي بس حقج متعرفين اني وإيمان شنكدر نسوي خليج بحالج احسلج!.
أنت تقرأ
ثأر أدهم
Mystère / Thrillerشيخ أدهم مكتملة لم يكن الإنتقام مجرد ثأر عاشق!. لأن قصتي، لن تكن عادية....... ثأر أدهم الكاتبة نبأ ميثم
