السلام عليكم
....... ثأر أدهم.......
الكاتبة🌟نبأ ميثم 🌟
.......... 💕💕💕........
هبة : ها إيمان جيت.....
ضربتني دموع على خاصرتي
هبة : ليش ولج هيج ضربتيني لو ميتة.....
ايمان : لتحجن على الموت!.
سكتنه ماحجينه شي...
ايمان : تعالن كعدن يمي.....
كعدت دموع يمه كعدت بصف دموع...
دموع :اني رايحه البيت رجلي اليوم....
ايمان : بعد وكت ضلي اهنا يمي....
دموع : لا مااكدر عفت زوجي بالبيت وعيالي هم ضليت اهواي صار لازم اروح.....
هبة : بالسابع مال لؤي تجين موو؟
دموع : اي طبعاً...
شوي واجه رجل دموع ودعته إيمان وهي تبجي أحس إيمان انكسرت كسرة جبيره وبسببه هاي الكسره صارت فقيره وبس تبجي.....
اني رحت يم امي وزهراء هم جانت يمه اما امل رجعت للبيت هم.....
زهراء: يمه كافي نامي شبيج قلقه...
خلود ; الي صار ويانه شي صعب ماعرف شلون أدهم راح يرجع الهذا البيت اكيد راح تصير مصايب.....
هبه: البيت بيت أدهم والي ميعجبه الوضع اكيد أدهم راح يطرده إيمان تعبانه ورسول هم تعبان مااعتقد احد راح يعترض أو يفتح حلكه بشيء....
ومحمود طرده أدهم من زمان بعد عليمن قلقله....
خلود : يمه قلقله على اخوج اكيد ما راح يسكت صح مات لؤي بس أدهم اعرفه عبالج يسكت مستحيل.....
أجت نجمة دكت الباب
نجمه: عمتي إيمان تريدج....
هبة : تمام طلعت نجمه واني اافئف...
خلود : ها شبيج؟
هبة: مليت يمه إيمان كل ساعه رايدتني.....
زهراء : شتريد يعني؟
هبة : ماعرف شمدريني صدك نسيت شوفي ابوج خاف يريد شي.....
خلود : كومي شوفي إيمان شبيه خطيه انقهرت عليه
هبة : لو ماهي سبب مصايبته
زهراء : لعد شنسوي كلبنه طيب....
طلعت من الغرفة شفت هذا الولد رحت يمه اكلك انته منو؟
جمال: اني؟
هبة :اي اريد اعرف انته ابن منو؟
جمال :مو مهم!....
هبة : شنو مو مهم انته ابن منو؟
جمال : ليش تدخلين مالج دخل!.
هبة : اني ماشايفتك قبل وانته براحتك تطلع تطب منو أهلك؟
جمال : هاي حلوه انتي شلج دخل!.
هبة :ليش تتهرب من سؤالي؟
جمال ; ماتهرب شي ميخصج
هبة : بيت بيت اهلي واني اشوف ناس مااعرفهم حقي اسأل فاتت نجمه من يمي تعااي نجمه هذا منو الولد؟
نجمة; شبيج يا هذا اخويه!.
بلعت ريكي واني اباوع عليه قصدج يااخو؟
نجمة : جمال شبيج....
لزمت ايدي المحروكه نزلت دموعي باوعت عليه بكرة شرجعه لهنا ماادري جان مولي كل هاي سنين وبسببه انفتحن اجروحي....
دخلت الغرفة ايمان واني ابجي ماكدرت اسيطر على روحي بسبب تحملت تنمر وحجي ومشاكل....
كامت إيمان مفزوعه شبيج تبجين شصاير وياج....
أنت تقرأ
ثأر أدهم
Mystery / Thrillerشيخ أدهم مكتملة لم يكن الإنتقام مجرد ثأر عاشق!. لأن قصتي، لن تكن عادية....... ثأر أدهم الكاتبة نبأ ميثم
