ثأر أدهم

بارت عشرين

- مسائكم انا 🤓👋
دورت لكم مساء اجمل مني مالقيت😹

....... ثأر أدهم.......
الكاتبة🌟نبأ ميثم 🌟

.......... 💕💕💕........

حسيت إيدي انوكلت وهو صافن عليه مرعوب واني متتت من الألم أحس شي ياكله على أثر صياحي التموا كلهم امي شافتني هيج اغمى علية رأساً....

اجه أبويه ذب على راسي شماغ واخذني كبل للمستشفى.....جان يسوق بسرعة جنونية اول مرة أدري هوه يخاف عليه!.

دخلنه للمستشفى ثبرتهم بالصايح اجه دكتور ياريته مااجى طيح حظي وهو يشيل جلد المحروك حد ما غابت روحي......

💫زهراء💫

غابت امي روحة من شافت هبه هيج حاله جبتله مي وغسلت وجهه فتحت عيونه وكالت جنت احلم موو هبه مابيه شي؟....

امل: اهدي يوم كل شي مابيه هسه ترجع من الدكتور....
رؤى:اي ياعيني شتدرين بية إذا انجرحت تثبر الأمة...

خلود : ايده جانت تخوف شتحجن انتن ولجن كلبي راح وراه...
رؤى : شبيج خلود صدك جذب على أقل شغله تموتين وراهن أضعف منهن....

سكتت امي وضلت تدعي كون مابيه شي....
لليل رجع أبويه لازم هبة واديه ملفوفة!.
كعدنه يمه دموعي نزلت عليه وجه اصفر كركم نامت اول مادخلت للبيت تبجي هي ونايمه!.....

رسول: شلون صار هيج وياه!.
ايمان : كتلك رجعه الي شفت هاي تاليته بعد منو يزوجه اديه شوهت!.

خلود: ونبي إذا مسكتين هسه اطلع حركة كلبي بيج......
سكتنه كلنه وهي هم سكتت!.

رسول: شلون صار وياه هيج شو سكتوا؟
جمال: شيخ اني شفته تركض وتلعب وانضربت بالطباخ!.
صفنت على حجي جمال تلعب شتعلب شطوله صايره يالعب.....

رسول: استغفر الله شنو من مصايب هاي....
طلع من الغرفة عصبي ثاني يوم سمعنه جمال يريد يسافر
عمي رواد صيح عالج ماكو مااهتم إله الفجر طلع الغير محافظة نجلاء تبجي هي وبناته علية.....

كعدت هبة تبجي راحت أديه تشوهت....
خلود : كافي بجي يمه....
هبه: يمه صرت أخوف....

حضنته امي تهدي بية شوي سكتت سولفتله على روحت جمال البغداد كامت تشهك من البجي نسأله شلون صار وياه هيج متحجي....

كلما نغير ضماد مالته تشبع بجي من منظر أديه لأن تشوهت وشكله صدك يخوف بالأخص هبه جانت تهتم بنفسه بس هسه اتقوقعت على نفسة حتى مدرسة عافته تخاف خاف احد يقلد علية....

باليل اجه عمي رزاق ومرته أهل رمح مااعرف شعدهم كعدوا ويه أبويه يتناقشون لليل ابوي صاح امي راحت امي تشوف شبي.....

اجت للغرفة عيونه مدمعه
زهراء: عفيه بيت بس قهر بي شكو تبجين يايمه!....
اجتي كعدت يمي تبتسم وتبجي!.
اجت امل هم وهبة تباوع فضول.....