ثأر أدهم

بارت ثامن عشر

مساء الجمال والتفائل

‏اقتباس يطاردني في كل حرفٍ منه: ”من أراد النجاح في هذا العالم عليه أن يتغلب على أسس الفقر الستة: النوم، التراخي، الخوف، الغضب، الكسل، المماطلة“.

....... ثأر أدهم.......
الكاتبة🌟نبأ ميثم 🌟

.......... 💕💕💕........

شفته راحت ركض بتجاه الحراس وماسمع غير الرمي!.
من سيارتنه اديه يرجفن ومحاوطيني ملثمين ماكدر حتى اصرخ أو انطق باي كلمة.....

ماحس غير  ظربه من واحد منهم براسي!.
فقدت وعي كعدت جنت بغرفة وهاي غرفه بيه شباج جبير دنيه ظلمه وبساتين!.

اني رابطيني اديه ورجليه وكلوب خفيف موجود بالغرفة للحضه عبالي نسيت كل شي بس بعدين تذكرت ابوي وكتلة النه وشيخه الي ماتت وامي الي انفقدت!.

اريد احجي صوتي ميطلع!.
دموعي كامت تنزل خوف خاف فقدت صوتي ماعرف بهاي لحضه منين اخاف من ذوله عصابة لو اخاف من فقدان امي اخاف من فقدان صوتي رجعت راسي على حايط واني ابجي تذكرت أمي جوه شجرة شصار بيه معقوله هم خطفوهه مثلي لو وين راحت!.

💫خلود💫

كاعده جوه المطر وضليت ادك بالباب بصعوبة بعد مااكدر اتحرك أحس جسمي كله يرجف وكلبي يدك سريع شوي واموت حسيت بيني وبين موت شعرايه وحدة!.

رجعت جوه شجرة زحف مااكدر اوكف رجليه متعيني.... غمضت عيوني بعد ما شاهدت لأن حسيت خلص هي هاي نهايتي اهنا!.

باوعت على بيتنه قديم واني اذكر شلون جنت ضايجه من العيشة بس خلي ترجع ذيج ايام أحمد ربي الف مرة لأن لفلوس سوي لقلوب قاسية تجردنه من رحمة....

شفت هذا شي برسول قبل مجان هيج بس بعدين شوي شوي بده يتغير ويزيدن فلوسه شوي شوي اشتره نص ديرة بس كل هذا شيفيد دمر عائلته يكره بناته ولده يريدهم مجرمين مثله.

جسمي يرجف اسمع بجي أحد يمي
خلود :بردانه برادانه.....
غطوني أكثر من بطانيه ماكدر افتح عيوني من ألم الي بروحي جنت فاقده ماادري شديصير.... كل الي احسه برد....

ايام واني على نفس الوضعية اهذي بأسماء جهال واتذكر كتل رسول مااكدر اتحرك حتى ناس ماعرفت ذوله منو....او شفت وجهم اسمع حجيهم مألوف بالنسبة الي بس مااكدر اركز وياهم.....

حسيت على نغزه بيدي فتحت عيوني بصعوبة شفت دكتور واكف فوك راسي باوعت للجهه ثانية شفت رجال جبير شايفته من قبل بس وين ما ذكر....

غمضت عيوني بتعب واخذتني نومة صبح كعدت امشي على كيف اباوع على بيت مألوف واللة مألوف طلعت برة وعيوني تتفحص المكان شفت مريم جيرانه الي سكنو يمنه من ماتت أمي !.

اجت مريم عليه شبكتني وتبجي
مريم : خلود هاي شصاير بيج....
كعدت بالكاع ابجي بقهر كومتني للغرفة وهي تبجي وياي....