السلام عليكم......
شنو الأخبار منو اشتاقلي ورجعتلكم بقصه جديدة حلوة والمحلية أكثر الأبطال 🙈
هل مره اكلكم قصة حقيقية مو مثل أدهم خليتكم محتارين ولحد هسه ماعرفتوا القصة حقيقية أو خيال
اريد همتكم بالدعم لأن القصة حقيقية واحداث القصه اقوه تصير بعد البارت الأول
ابداو دعموا القصة تاكات بالتعليقات خلوه على كولتكم طش ❤️
♥️بسم الله الرحمان الرحيم♥️
..... هوس يغــلف بالـعار........
ام رجب : ماكو غير حل واحد لازم نسوي!.
شهاب: شنو يمه شنوه الحل؟ حسيت صار عدي امل أهم شي ارجعه بنيه ضياعه ويمكن خطفوه صعبه علينه نشوف بتنه تختفي.... من خطفوا رقية أحس خطفوا روحي شهرين انشل حالي شل واني ادور علية.....
ام رجب : نروح الساحر حتى نعرف مكانه وين!.
ابو رجب: شوفي اني بالكوه متحملج هاي لو رجال غيري وبنته هيج تضيع يطلكج خليج ساكته ساحر شنو تخبلتي يعني ساحر يطلعه من جوه الكاع استغفر الله
ام رجب : اسمعني بس خلي نجرب مو ما خلينه طريقة حتى نعرف بيه خبر
بقت على هاي خلي نجرب ونشوف!.
شهاب : يمه تخبلتي ساحر شنو وبعدين شلون تصدكين بهاي السوالف
كاظم: بحجيج هذا الساحر يعلم الغيب استغفر الله
ام رجب: ولكم نجرب هاي الطريقة ما راح نخسر شي
اني اروح وحدي تره وتدرون بيه اسويه نروح نشوف ونسأل جيرانه كالت شغله مضبوط!
حجه اخوية جبير رجب. خلي نجرب شخسرانين خلي نريح ضميرنه!
شهاب : ساحر يمه ساحر شبيج الخاطر الله..... وانته الثاني لشجعه على كل شي هذا أكبر غلط
أم رجب : لك شهاب لتعارض فكرتي خلي نجرب مو انشل حالنه!.
بعد جر وعر واني جنت رافض هاي الفكره بس انجبرت اروح وياهم وعلى امل يطلع حجيه صح!
بعد ما دخلنه البيت الساحر الي جابتنه امي إله حسيت روحي انقبضت من وره الغرفة......جانت فارغه فقط فراش بالكاع موجود وصله بيضه على شكل مربع
واحجار ملونه
وعلى حايط شعار مدري شنو على شكل دائره وبنصه نجمه!
كعدنه ودخل رجال جبير جان وجه أبيض ولحيته بيضة شكله زين لا بأس بي بس المكان يكرب الكلب!.
كعد يمنه...
_تفضلوا بشنو اساعدكم؟ انطلقت امي
أم رجب : اني رحت للحمزه ازور وجنت ماخذه جهالي لصغار من جنت اصلي اجت مرة يم بنتي رقية اني رأسا رحت يمه خفت عليه المره كلتلي حبيت بنتج وجيت ابوسه خليت رقيه تكعد يمي متتحرك لا يمنه ولا يسره من رحت للصحيات......
بين ماغسلت البنتي الثانية وكلت الرقية تكمش بعباتي اختفت رقية أقل الخمس دقائق ماهيه مستحيل تضيع المره خطفته اني متأكده!.
دورنه بكل مكان بس رقية اختفت ما خلينه محافضات ما خلينه شرطة ما كنالهم بس لبنيه اختفت!.
_يعني تردون الكه بنتكم رقيه مو؟
كلت بعصبيه: اي بس شلون تلكاه تره اني الشغلة كله ما داخله العقلي!.
_قبل كل شي السالفه تكلفكم؟
ابو رجب: يعني شكد؟
_مليون!.
شهاب : جان هذا المبلغ بهذاك الزمن يكركع....
هذا مشهد من القصه اتمنى يعجبكم
يتبع.....
القصة حقيقية
....... 💕💕💕......
هوس_يغلف_بالعار
الكاتبة: نبأ ميثـم
تابعو القصة
أنت تقرأ
ثأر أدهم
Misterio / Suspensoشيخ أدهم مكتملة لم يكن الإنتقام مجرد ثأر عاشق!. لأن قصتي، لن تكن عادية....... ثأر أدهم الكاتبة نبأ ميثم
