ثأر أدهم

بارت ٢٢

مساء الورد 🥀

....... ثأر أدهم.......
الكاتبة🌟نبأ ميثم 🌟

.......... 💕💕💕........

هاي لحضه جنت منتضرته بس هسه خايفه منه خايفه لتكون هاي الخطوة سبب دماري...
سوو الحنة احاول ابتسم بس جذب خوف متملكني

وخاصةً من اشوف امي تبجي عليه وخواتي هم دخل أبويه واخواني سلموا علية
لؤي: زهراء اني اسف لأن من جنت صغير اهواي اذيتج....

زهراء : يمعود جنة صغار بس من كبرت كمت تهتم بينه....
لؤي: احبجن والله بس امي من تشوفني وياجن تزعل ماكدر على زعله.....

لبسني أبويه كلاده ذهب شكبره اجه محمود هم لبسني محبس ذهب
لؤي جابلي بتوت ذهب شفت الحزن بعيونهم لأن راح اروح صح جنه مشاكل بس منكدر ننسه لحضات الحلوة....

من نخبث من نتعارك صح جانوا حقودين من صغار بس من كبروا تغيروا تمنيت أدهم هم وياي بهاي اللحضة.
جان أدهم  يموت عليه اذكره دائماً من يكول

(زهراء : بله انته اخويه وتضحك على حجيي!.
أدهم: لا بعد مااضحك.... زهورتي انتي اكثر وحدة احبج بين خواتي كلهن....)

دموعي تنزل واني اذكره
امل: خرب المكياج لا زهراء كافي كافي عدلتلي مكياج مالتي وهي تبجي....

زهراء : كافي تبجون تره ابطل مااززوج.....
هبه: حتى رمح يسويه عزى شون نخطف حبيبته!.
هاي كلمه رنت بااذني معقولة يكمل كل شي على خير ورمح صدك يحبني!.

امل: اني محد يضحكني غير اسم رمح وزهراء تكله غمح هههه
. زهراء : لضحكين عليه غير حجي هيج.....

هبه : هسه راح نزفج الغمح وشيخلصنه من نبع حنان راح تضل بس تبجي.....
زهراء : سوده عليه امانه بنات انتبهن عليه....

امل: تره هيه هم امي شسالفه....
زهراء : ولجن شلون راح اروح واعوفكم رجعت ابجي.....
هبه : لتبجين عليج الله نجي وياج عمي أهم شي مكياج....

زهراء ; مااكدر دموعي يخونني!.
هبة : لا زهراء يخترع غمح بعدين!.
زهراء : لتقلدين صوتي!.

هبه: يمه يمه لزعلين مهم رضاتج هذا اخر يوم الج ويانه.....
امل: هوب هوب شبيج انتي ثانيه تلطمين عنه انجبي وسكتي جيتي تكحليه عميتيه.....

زهراء: يوم ست امل متخلينه نبجي.....
امل: يمعوده بالكوه لازمه روحي شكد صعب علية نفترق واحنه توم.....
سمعنه صوت سيارات بره لزمت كلبي خفت كلش ماعرف ليش.....

اباوع لمي ومهضومه وهي خطيه تحاول متبجي بس دموعه ينزلن  غصب عنه!.
اني كمت ارجف عبالك ماخذيني للموت غطو راسي اجت امي يمي نصحتني كم نصيحه وحضنتني وبجت
خلود : يمه رفعي راسي اهناك ولتخافين أبد.....
زهراء : يمه مستحيل انزل راسج.... يمه شكرا تحملتي اهواي علمودنه....
خلود : انتن فرحتي الآولى.....
زهراء : يمه احبج!.