ثأر أدهم

قبل الأخير 😿

مساء الكرز🍒🍓

بارت قبل الأخير 🥺

....... ثأر أدهم.......
الكاتبة🌟نبأ ميثم 🌟

.......... 💕💕💕........

على إثر صوت ضليت مصدومه ذني ثنين يشابهن لا وهاي ثانيه تعيط شبيه؟
دخل رجال وراه لزمه من أيده وخله ايده ثانية على حلكه كل ضني راح يخطفه شهكت واني اشوفه لازم حلكه....

امل : شبيكم ولكم تخبلتوا؟
رمح : إسالي اختج لمخبله!.
عضت البنية تشبه امل ايد رجال وخر ايده عنه!.

امل : هههه ظاهر مزوجيك جلب مو بنيه!.
زهراء : يا طايحه الحظ عود انتي اختي وج ليش بعتيني علمود رمح!.

اني من صدمتي بعد مااتحرك واسمع حجيهم عائلة مخبله مو صاحيه ابد.....
طلعت ام أدهم من الغرفه....
سلمت عليه.... انتي شلون بيج شبيج تصيحين؟

زهراء :اااااااني حامل كليشش!.
خطيه شفت صدمه خلود على وجهه وعيونه كامت تدمع كولي والله!.
زهراء:والله اول حفيد راح ينور البيت!.يمه ابني حبيبي!.

رمح : بنيه مو ولد....
زهراء : اني اكوللل ولد!.
رمح: اريد بنيه وصيحلي غمح....
زهراء : رمح!.
خلود : هسه دعقلوا شوي خلي اباركلكم!.
حضنت زهراء باركتله واخته هم طارت من الفرحه طلعت هبه من الغرفة!.

هبة : هاا شباب شلونكم!.
امل :وج زهراء حامل!.
هبة : يااااا اللله يااا محمد دخيلك ربي راح اصير خاله مووو مصدكه!.

ضلوا فرحانين ومحد منتبه الوجودي اني ميته نعس اشوف واحد عشره من وره أدهم!.
اجت ام أدهم واخذتني يم بنات حاولت اتعامل وياهم زين حتى أدهم ميسويلي شي لان هذا مخبل مو صاحي على حركة البارحه تبت بعد ما ناقشه باي شي.....

اجه أدهم باليل رأساً نام جان دايخ كلش أتعجب علية شلون هيج يسوي دمر شبابه بهاي السوالف!.
يعني حياته كله مدمرهه وبعده شاب!.

اني نمت عبالي مثل اول يوم موقت موبايل اخذتني نومه ما حس غير مي على وجهي وملابسي!.

فتحت عيوني مفزوعه شفت أدهم واكف فوك راسي، وشايل دولكه مال مي!.

أمنية : انته مخبل والله خبلك عليه بالزايد!.
عضيت شفتي لأن جفصت!.
أدهم : اني مخبل؟ هسه ارويج لمخبل شيسوي هو كال هيج كمت ركض للحمام وقفلت الباب علية،.

أحس كلبي راح يوكف....
أدهم : للخمسه إذا ماطلعتي اكسر الباب.....
أمنية : شسوي إذا اطلع!.
أدهم : هيج تخافين مني؟

أمنية : شوف هاي انته شجاي تحجي تره انته رجل عصابات اذكرك خاف نسيت!.
أدهم : اي هم صدك!. يلا طلعي!.
أمنية : ماااا

أدهم : مو اجي اكسر راسج!.
أمنية : مستحيل شسوي سوي ماافتح
أدهم ; تره إذا كسرت الباب راح يكون العقاب أكبر!.
أمنية : أدهم عوفني شتريد مني ليش هيج تسوي وياي!.