ثأر أدهم

بارت ٣٧

السلام عليكم 💕

....... ثأر أدهم.......
الكاتبة🌟نبأ ميثم 🌟

.......... 💕💕💕........

باوعت على رسل وكع نضري على جهاز البيده اجته رسالة خلت جهاز وره ضهره!.
رسل: بابه يمان خاف منك وهيج حجة انته ضغطت عليه تره احنه كل شي ماسوينه سبب عمتي امل!..هيه حتى بقسوة تعاملنه....

وطن : اسيللل تعاي بابه اجت اسيل تركض
وطن: حبيبتي الحلوة انتي تحبين عمه امل عمه امل تاذيج!.

اسيل: لا متاذيني وتخلليبي حمرة من تروح للشغل بس كالت لتكولين بابا هههه
وطن:تحبيه؟
اسيل: اي احبه.....

وطن: هاي رسل اخوانج يحجون غير حجي طلعوا بر وانتي رسل ضلي...
رسل: يخافون وهيج يحجون

شفت صلافه والوحاقحه بعيون رسل حتى بعد الي صار هي ما اعترفت ضلت ساكته......وتنكر هم

وطن: تدرين امل هانت تربيتي وضربته لأن جنت متوقع بنتي مسوي هيج شلون بنتي من لحمي ودمي تسوي هيج هاي تربيتي توقعت ربيتج خوش تربية بس للأسف طلعت غلطان وبنتي مو مثل ما جنت مصور.....

طلعت تنكط سم وحقد ليش ولج ليش شسوتلج امل!.
مو جنه فرحانين لأن هيه ويانه تذكرين من راحت العرس أخوة احنه شصار بيه؟ شلون شتتنه كلنه؟
هسه ارتاحيتي.....

رسل : انته الي شتت مو احنه!.
وطن: ليش سويتي هيج؟
رسل: ماسويت شي!.

اباوع على رسل تبجي مرات الحجي واللوم يفيد اكثر من الضرب احاول مااتعامل ويه اي بشر بالضرب بس من اجت السالفه يم امل فقدت اعصابي....

زمخت برسل احجي منو علمج كل هاي سوالف اني ابوج وعينك عينك تجذبين حتى بعد مااعترفوا اخوانج نكرتي!.

رسل: بويه محد علمني تحجي وتبجي!.
اعرف الشي الي ديفسد بنتي موجود بالموبايل لأن ضمته بخوف!.

وطن: انطيني موبايلج!. طلعت الموبايل من وره ضهره وهي تبجي شفت بي رمز فتحي الرمز بسرعة!.
فتحت الرمز باوعت عده انستكرام!.
وطن: انتي منو سمحلج تنزلين انستا اني مو مانعج من هاي البرامج؟

رسل : صديقاتي كلهن نزلنه ونزلت وياهن.....
وطن: انعل ابوج لابو صديقاتج ياحيوانه تتملعبين من وره ضهري واني منطيج الحرية بس غلطت لأن انطيتج هاي الحرية والثقه لأن متستاهلين ابد!.

دخلت على الانستا وهي تشهك من البجي باوعت اول مراسلة جانت بنيه ثانية ثالثة لحد اخر شي اكو ولد دخلت على محادثات وهي تشكيلة وحاجيتله كل تفاصيل حياتنه!.

عود اني أبد ماخلي شي بنفسه واحاول اصير صديقهم أكثر من مااصير ابوهم بس للأسف لازم اكو شي غلط سويته وهيج صار!.

وطن : ليش فهيني ليش يا كائنات ليش ولج بشنو قصرت الج حتى تشكين الهذا الحمار وج شوفي خلقته انتي شلون بيج ادفنج اهنااااا!.