ثأر أدهم

بارت الثالث

هلا والله بارت طولته لعيونكم

قصر البارت حتى يسهل عليه بالتصحيح هسه شكد عدلت بي ومن ارجع اقراه الكه أخطاء +وهم دراسة وتعب+ واني مو بس هل قصة عندي
تفهموا هذا شيء لأن بعضكم يدخل يتعارك🤷‍♀️.

+كلما يصير تفاعل كلما بارت يطول واتحمس أكثر وباجر استراحه مثل مااتفقنه💕🤝

....... ثأر أدهم.......
الكاتبة🌟نبأ ميثم 🌟

.......... 💕💕💕........

ام رسول: انتي حلوة وجسمج حلو شعرج شفته طويل شخصيتج قوية أكيد شيخ راح يحبج!.

خلود : خالة انتي شبيج؟ شنو شيخ يحبني صدك تحجين؟
أم رسول :كعدي كعدي خلي افهمج جرتني من أيدي وخلتني اكعد غصب عني

أنتي بعدج شابه صح رسول عمرة ٣٠ سنه انتي شكد عمرج؟
خلود : ١٩.

_مو مهم فرق ابعمر لأن انتي حلوه
شوفي هاي إيمان ما تستاهل الشيخ وغير هيج ماتخلف بعد تزوجي شيخ وخلصي من الفقر بدال ذاك بيت يصير الج هذا قصر!.
وخلفيله جهال وهوه يكوم يموت عليج!.

_شبيج ياشيخه استغفر الله اخرب بيت الرجال وبعدين منو يكول يقبل بيه؟
_لا تخربين بيته ولا شي شرع حلل أربعة وانتي حلوه ليش ميقبل بيج!.

من كثر مكالت حلوه حسيت راح تصيبني بعين
ام رسول :لصفنين بوجهي.
خلود :وانتي ليش هيج تسوين شنو راح تحصلين؟

ام رسول: شاحصل قابل اريد مصلحة ابني.
خلود :وانتي شلون ترضيه تزوجين ابنج خدامه وعافيه بنات لشيوخ كلهن؟

أم رسول : طلعتي ذكية.....أريد ازوجج رسول حتى اكسر خشم إيمان
خلود : هاا حتى يكلون رسول عاف إيمان وفضل خدامه عليه!.
وإني أظل هيج يصيحولي خدامة موو!.
_لا محد يكدر يكول عليج خدامه.
_حجيه مااخرب بيت أحد!.

_فكري ورديلي خبر واني أقنع رسول!.
استغفر الله عفته ورحت شنو من عجيز علمود تقهر إيمان تزوج إبنة والله ياالله.....

رحت البيتنه شفت امي واكفه تروح منا وترد منا هي شافتني اجت جرت اذني
ام خلود :شون بيج هاا فهميني شون بيج اشلع اذانج هسه....

خلود :اخخخ يمه شسويت هديني
أم خلود : وج اد سزز شون تتعاركين ويه مرت الشيخ إيمان هااا

خلود : والله يا يمه تشلعين اذني علمود إيمان والله يالله عبالي شي يسوه

ظربتني على راسي
وج حيوانه لو تطردنه من البيت شكول وين انولي هاا ومحد النه حتى عزام مابي خير.

خلود : محد طردج يمه.....
أم خلود:دولي عابت هل وجه نوب تعاركي وشوفي شسوي بيج.

رحت لفراشي مددت وكلام لعجيز أبالي كعدت اتخيل عيشتي بذاك بيت من صدك إذا زوجة شيخ تتغير حياتي من ذل وفقر إلى فلوس ولعب!.