آسفة ع التأخير يشباب كنت بتأكد من بعض المعلومات اللي ضيفتها في بارت النهاردة ودا كان سبب التأخير وكملت بالوتباد الل مكنش فاتح اصلا مش هتتكرر بإذن الله.
بارت¹²
لِـ «كيـان فريـدة»
بقلم منارجمال"شجن"
واقف زين قصاد قبر والدته وملامحه كلها حزن واشتياق وابتسم بوجع: علي فكره وحشتيني اووي عارف إنك في مكان أحسن بس غصب عني والله اتحرمت من حضنك من وانا طفل صغير( دموعه نزلت ومسحهم بسرعة وضحك بألم) سيبتيلي ياسين وهو لسه بيبي وآخر كلمة قولتهالي وجعتني.
«Flash back»
دخل زين غرفة العنايه في المستشفي لِـ سمية وهو طفل صغير وعيونه عليها وساكت تمامًا، قرب منها ومسك إيدها باسها ببراءة وفتحت عيونها وبصت ليه ودموعها نزلت وبتمسد علي شعره بحنان وحب، بص ليها زين وابتسم بفرحة: ماما يلا عشان نرجع البيت.
سمية بدموع وحاسة انها خلاص هتموت: زين حبيبي اسمعني اخوك ياسين خد بالك منه أوعي تسيبه خليك معاه ومتسمحش لأي حاجة تأذيه.
زين ابتسم ببرءاة ومسح دموعها وباسها من خدها: إنتِ هتكوني معانا انا مش هعرف اعيش من غيرك.
سمية ببكاء وحرقة قلب: أبوك فين خرج من العربية صح؟.
زين بمواساة: أنا معاكي يا ماما مش هسيبك وبابا هيرجع إنتِ مينفعش تسيبيني.
انفاس سمية بقت عالية جدًا ونبضات قلبها سريعة وكانت بتحتضر بصت ليه بنظرة أخيرة: خد بالك من أخوك يا زين.
زين عيونه عليها وبيهز فيها: ماما.. ماما فوقي.. ماما متسيبنيش... خليكِ معايا.
دخلت الممرضة وأول ما شافت نبضات قلب سمية وقفت وبقت خط مستقيم علي الشاشة جريت وضغطت علي جهاز الإنذار جمب سرير سمية وبعد دقيقتين بالظبط دخل يجري الدكتور ومعاه الجارحي وزين رجع لورا وعيونه علي مامته وحاولوا ينعشوها مفيش فايدة والدكتور بص للجارحي بخيبة أمل: مش بتستجيب.
الجارحي مسك جهاز الانعاش وحاول كمان ونبضات قلبها رجعت وفتحت عيونها فجأة وبصت للجارحي وبتحاول تتكلم: محمد محمد فين يا أيمن عايش صح؟.
الجارحي إيديه علي جبينها: العربية اتحرقت وهو فيها قبل ما يخرج منها وجثته اتفحمت وملهاش أثر.
سمية مستحملتش الصدمة وكلام الجارحي والل بيقولوا من بعد الجملة دي وفي لحظة كانت ماتت والجارحي بيصرخ وبيحاول يفوقها والدكتور حاول يبعد الجارحي وهو بيهز في جسم سمية.
الجارحي: سمية لأ لأ هتعيشي لازم تعيشي.
الدكتور بخيبة أمل: البقاء لله...خلاص يا دكتور ايمن ماتت.
زين رجع لورا وبيهز راسه يمين وشمال ومش قادر يستوعب ان امه خلاص ماتت وكمان ابوه يعني ازاي يخسر الاتنين في يوم واحد ابوه يتحرق في العربية الل عملت بيهم الحادثة وجثته بقت متفحمة وامه تولد اخوه وتموت بعده بساعات، بص ليه الجارحي وجري عليه وضمه وزين مبينطقش وعيونه علي أمه.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
