بارت¹³
لِـ «كيـان فريـدة»
بقلم منارجمال"شجن"
«في ملجأ الايتام».
وصلت روح وزين ومعاهم عربية الحراسة ودخل زين وايديه علي ضهر روح ومحاوطها وداخلين مع بعض وبيتكلموا، دخلوا المكتب وروح فتحت ليه الشنطة الل كانت جايباها معاها خرجت منها البالطو بتاعه والسماعة الطبية والادوات الل هيستخدمها عشان يفحص الأطفال.
سلمته البالطو واخده منها بيلبسوا وحطت السماعة علي المكتب وبصت ليه: هخرج اجمع الولاد مع بعض لحد ما تخلص.
هز دماغه بموافقة وبيعدل البالطو بتاعه ومسك السماعة حطها علي رقبته وروح خرجت بالفعل ودخلت اوضة تانية ومعاها سلمي وبعد دقايق جمعوا الاطفال كلهم في ساحة كبيرة في الملجأ، وزين وصل عندهم وأول ما الأطفال شافوه صرخوا بفرحة وجريوا عليه، ضحك وضم اغلبهم ليه واتكلم: الأبطال جاهزين النهاردة.
ردوا بصوت واحد: جاهزين يا دكتور زين.
ابتسم ليهم بحب وشجعهم ودخل اوضة خاصة بالكشف وبيدخلوا واحد واحد ورا بعض، روح واقفة معاه وبتساعده وبيحاولوا يلهوا الطفل عشان ميخافش من الإبرة والعينة الل بياخدها منهم زين عشان يعمل فحوصات كاملة ليهم ويطمن علي صحتهم وانهم بخير، دخلت طفلة صغيرة وكان شكلها لطيف وبتبكي ومرعوبة وزين شالها بين ايديه بحنان وبيحاول يطمنها: مالك بس بتعيطي ليه.
البنت ببراءة وبتمسح دموعها وعيونها عليه: أنا خايفة إنت هتوجعني يا عمو.
زين ابتسم ليها وبيمسد علي شعرها وقعدها علي سرير الكشف: مين قال كدا دانا وإنتِ هنلعب دلوقتي.
البنت بدموع: انت بتضحك عليا
زين كشر: محصلش طبعا وهتشوفي دلوقتي؟
روح ابتسمت وزين بص ليها وهي فهمت هو عايز إيه جابت ليه لعبة وسلمتها ليه وهو اخدها وسلمها للطفلة وبيداعبها بفرحة: اهوه يا ستي ودي لعبة إيه رائيك فيها.
بصت الطفلة للعبة بفرحة واخدتها منه وهو ماسكها ومش عايز يسلمها ليها وهي كشرت: هاتها.
زين بتكشيرة: لازم عشان ناخدها نعمل حاجه بسيطة جدًا.
مطت شفايفها بطفولة: هي إيه دي؟
زين: هنغمض عيونا شوية بسيطة اتفقنا.
هزت راسها بموافقة وبراءة وغمضت عيونها وشاور لروح الل قعدت قصادها وبتحاول تعملها صوت باللعبة وتلهيها ويبقي تركيزها علي صوت لعبتها: اللعبة بتنادي اهي وبتقول انا رايحة عندها.
زين حضر الإبرة وحطها في دراع البنت وايديه كانت خفيفة جدًا بسبب خبرته الل بقالها سنين لدرجة ان الطفلة محستش بوجع، خلص زين واخد عينة من دمها كتب عليها اسمها وحطها مع عينات تانية وهي اتكلمت: افتح أمتي.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
