طبعًا لو حلفتلكم ان التأخير كان بسبب ضعف الشبكة عندي مش هتصدقوني 🙂.
بارت²⁰
لِـ «كيـان فريـدة»
بقلم منارجمال"شجن".
«في مستشفي زين»
روح ضامة ورد ليها الل مش في إيدها حاجة تعملها غير انها تبكي، تبكي بقهرة وحزن علي بنتها الل مالهاش أي ذنب في حاجة غير انها بنتها، كيان واقف وساكت تمامًا مش عارف ينطق، الصدمة أثرت عليه جدًا وكإنه فاقد النُطق، أخته دلوقتي بسببه مش عارف إيه مصيرها، معملتش حاجه غير انها كانت خايفة عليه وحاولت تمنعه وهو مهتمش، حقده وغضبه كانوا سبب اساسي في وقفته دي دلوقتي وفي وجود أخته في العمليات بين الحياه والموت، عيونه متعلقة بالباب الل هي موجوده جواه في "غرفة العمليات"، بقالوا أكتر من ساعتين علي نفس الوضع ومش حاسس بأي حاجه حواليه، أمه لسه مستمرة في البُكا ومش بتسكت وروح بتمسد علي ضهرها وبتقرأ ليها قرآن وبعد حوالي نص ساعه كانت انفاسها انتظمت وقللت من شهقاتها ولسه في حضن روح وساكتة تمامًا، هشام داخل يجري في المستشفي بخوف ورعب علي بنته وأول ما شاف ورد قعد علي ركبته قصادها وكان بيتكلم بسرعة وبينهج: روڤانا مالها إيه الل حصل يا ورد بنتي جرالها إيه؟.
ورد اتفاجئت بوجوده واتكلمت بالعافية: هشام!! إنت رجعت من السفر أمتي!
هشام بلهفة: من نص ساعه رجعت البيت لاقيت الجيران قالولي ان روڤانا عملت حادثه والشاب الل جي معاكم في الاسعاف كان هناك وقالي علي اسم المستشفي (كمل بأمل) روڤانا كويسة صح؟.
ورد دموعها نزلت وضمت روح ومش قادره تتكلم، هشام بص ليها بتشويش وبص لروح الل اتكلمت: استاذ هشام روڤانا لسه في العمليات ومنعرفش حاجة عن حالتها.
وقف هشام ولمح كيان الل لازق في باب غرفه العمليات وعيونه من الازاز وشايف دكاترة حوالين اخته وجهاز التنفس الاصطناعي علي انفها، قرب منه هشام بحذر واتكلم: كيان أختك إيه الل حصلها.
كيان لسه سرحان وعيونه علي أخته ومش حاسس بأي حاجه ولا سامع كلام هشام حتي، هزه هشام واتكلم بحدة: أختك الل مأمنك عليها عشان تاخد بالك منها حصلها كدا إزاي!!
كيان بص لهشام واتكلم بهدوء تام ويقلق: بسببي، عملت حادثة بسببي عشان... كانت قلقانة عليا، أنا السبب.
هشام سند علي الحيط بكسرة وبيهز راسه بنفي.
عدا ساعة، اتنين، تلاتة، لسه محدش من غرفه العمليات خرج، التوتر بيزيد والقلق والخوف الل ملازم كل الموجودين «ورد، هشام، كيان، روح»
ورد بنفاذ صبر ورعب: هما كل دا بيعملوا إيه جوا، بنتي بقالها أكتر من خمس ساعات ومحدش عايز يخرج يطمنا عليها، اتاخروا أوي كدا ليه؟
روح بمواساة: ورد هما بيعملوا الل عليهم عشان ترجع روڤانا ليكِ كويسة معلش استحملي شوية وهنطمن عليها بس إنتِ اهدي.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
