كيان فريدة (الجزء الثالث من روح الزين)

بارت⁴² لِـ«كيـان فريـدة».

بارت⁴²
لِـ «كيـان فريـدة».
بقلم منارجمال"شجن".

في يوم جديد قاعدة فريدة في اوضتها ومعاها جويرية وزهقانين جدًا وحاسين بملل رهيب ووقفت جويرية فجأة: لا مش قادره هشوف حسين أحسن.

فريده بصت ليها بسخط: تشوفيه ازاي مش فاهمه.

جويرية بجدية: هو مش خطيبي برضوا يبقي لازم يسمعني.

فريده بهدوء: يسمعك في إيه يعني؟.

جويرية بتوتر: هتعرفي بعدين بس المهم بابا مشي ع المستشفى صح؟.

فريده هزت دماغها: ايوه هتعملي ايه بقا؟.

جويرية بخبث: أخيرًا كده بقا هقدر اتنفس واعمل اللي نفسي اعمله من بدري.

مسكت فونها وعملت اتصال ورد عليها حسين وكان قاعد ع اللابتوب بيشتغل: مساء الخير.

جويرية بغيظ: يا أهلا بقليل الاهتمام ومش معبرني وكإني مش خطيبته أصلا.

حسين اتفاجئ وبص لشاشة الفون ورجع اتكلم: إيه فيه إيه مانا لسه قافل معاكِ من ساعة.

جويرية بصدمة: وهي ساعة دي شوية مفيش هطمن عليها اشوف كلت شربت دخلت الحمام مرتاحة ولا مبسوطه حزينة ولا مقهورة فين الاهتمام فين حبك ليا فهمني بقولك إيه يا حسين انا مش مرتاحه للعلاقة دي وقلقانة منك تيجي نفركش ونلقح فـ الاستوريهات علي بعض؟

فريده متنحة لكلام جويرية وحسين رد عليها بمكر: جويرية.

جويرية ابتسمت ببلاهة: لا لأ مش هضعف انا عندي مبدأ وماشية عليه نعم يا سحس.

حسين بخبث: مالك بس.

جويرية بسخط: لا بص سيبني فحالي دلوقتي علشان انا متنكدة وقرفانة

حسين: خلاص تمام.

جويرية بدهشة: إيه هو انت هتسيبني بجد وانا متنكدة وقرفانة؟ انا أساسًا طول عمري وحيدة أصلا.

حسين: لا يحبيبي فشر مش وانا موجود تبقي وحيدة طبعًا.

جويرية: انا جعانة أوي وقرفانة وزعلانة التلاتة مع بعض نفسي في بيتزا مارجريتا لا وحاسة اني مبسوطة كده وعايزة ادي حد بالقفا.

حسين مسح علي وشه بغيظ: يا اللّٰه يا ولي الصابرين.

جويرية: شكلك غدار احلف كده بالله وقول والله ما هغدر بيكِ.

حسين بنفاذ صبر: ايه يا جويرية كل دي هرمونات في نفس اللحظة.

جويرية ببساطة: طب إنت تعرف اني اسمي الحقيقي جويرية هرمونات.

حسين: اه دي حقيقه فعلاً.

جويرية بحدة: هو إيه الل آه قولي هرموناتك قمر اقسم بالله اكتئب واغرقلك الدنيا عياط دلوقتي.