كيان فريدة (الجزء الثالث من روح الزين)

مش بارت بس مهم.

عاملين إيه أول حاجة بتمني من كل قلبي تكونوا بخير وكمان بتمني أكتر انكم متكونوش شايلين مني وزعلانين بسبب تقصيري معاكم الفترة دي من نواحي كتير سواء نشر الرواية أو المشاركة معاكم والرد عليكم، مبدئيًا دا توضيح مهم لكل حد كتب كومنت إيجابي ليا وعذروني وفهموا اني بني آدم عادي وبشر بتعدي عليا مواقف بتكون فوق طاقتي وعشان كده قصرت معاهم وإلتمسوا ليا العذر فـ بجد شكرًا ليكم علي كل دعوة اتقالت وعلي اهتمامكم وسؤالكم عليا وانا ليه مش موجودة الفترة دى، نيجي لتاني نوع اللي كان محتوي كلامهم عبارة عن إني معنديش دم وقليلة ذوق وكمان شخصية محدش يتابعها عشان اللي بعمله ده واني مش ملتزمة كلام وشتايم أكتر لاقيتها جايالي ع الخاص وانا مش فاهمة هو انا فيا كل ده!!! مش هقول مزعلتش وكلامهم مفرقش معايا عشان هكون كذابة بس لا انتوا كلامكم أذاني حرفيا في وقت مكنتش مستحملة فيه اي كلمة سيئة مع اني معملتش حاجة تستاهل اني اقرأ كلام زي ده منهم طب حضرتك بتقولي مبعرفش اكتب وبتأخر عشان ريتش بتابعيني ليه ومهتمة ليه أصلا اذا نزلت ولا لأ لما هي مش حلوة ليه بتقرائيها ما تتفضلي تمسحيها من عندك وياستي اعملي ريبوت للرواية لو فيها حاجة أساءت ليكِ بجد ليه كل ده يعني بحاول ارضي ربنا في اي حاجه بعملها لا الرواية فيها مشاهد خارجة ولا حتي إساءة لاي حد ليه توجعيني  انا معملتش حاجه عشان تخليكي تأذيني بالشكل ده بس ارجع واقول معلش كل ده عشان بس تاخير للنشر ولا انتي داخله تشتميني وتظهري نقص جواكي ليا وخلاص  انا مكنتش برد علي اي كومنت سلبي ولا حبيت اعمل ضجة بس انا فقدت كل ذرة تحمل جوايا من ناحية الموضوع ده يعني مش مستحملين ولا مقدرين إني مريضة وفيه كُتَّاب بتابعوهم بيتأخروا بالشهر بدون سابق إنذار وبيكون علي قلبكم زي العسل وانا مبتأخرش غير لو فيه سبب قوي ومش هقول ولا هوضح اني كنت بكتب كل يوم قبل كده لان كلكم عارفين اني مكنتش بقصر في حاجه معاكم وبحاول ارضيكم، قدمت اعتذار وقولت ايدي وجعاني لما بقدر اكتب بكتب وبنزل وفيه الل تقولي طب مانتي بتنزلي بوستات علي صفحتك لحظة بس هو انتِ شايفة تنزيل بوست من جملتين زي بارت بيتكتب في 6 او 7 ساعات يوميا!! دا غير كده مش معني اني اونلاين يبقي انا بخير لا ربنا عالم بحال كل واحد طب هو إنتي عارفة انا يومي ماشي ازاى الفترة دي؟؟ هوضحلك يومي عبارة عن جامعة من 8 الصبح ل2 او 3 العصر ومن بعدها شغل ل7 بالليل وبرجع البيت حرفيا جسمي مكسر فـ هجيب منين وقت أكتب؟ حضرتك مبقتيش عايزة تكملي قراءة وتنتظري خلاص سيبيها لما تخلص واقرائيها علي بعضها لكن انا ربنا يعلم ازاي كتبت البارت اللي فات بسبب وجع ايدي كنت بتكلم والكيبورد يكتب وكمان بعدل في الجملة وبراجعها لان الالم زاد عليا وكان المفروض اعمل العمليه من كام يوم بس لسه بستشير دكاترة تاني لان متوقع اني هتعب اكتر لو اخدت خطوة العملية دي دلوقتي، ف كل الل عايزاكم تفهموه انكم تعذروني والله العظيم بحاول كتير عشانكم وعشان بحبكم ومبقدرش ارفضلكم طلب لا دخلت الوسط عشان شهره ولا بتقل زي ما بتقولوا عشان ألم ريتش انا بكتب كهواية لا اكتر ولا أقل حاولت انتظم في المواعيد مش عارفه مواعيدي كلها متلغبطة فـ اتمني بس متضايقوش مني الفترة دي انا ميهونش عليا زعلكم والله خالص وبإذن الله ظروفي تتحسن الفترة دي وهرجع اتفاعل معاكم تاني ومتقلقوش الفترة دي قربت ومواعيد النشر هتكون الاتنين والجمعة بالليل لو اتاخرت عليكم  اعرفوا اني كنت مضغوطة لا تعبانة لانه مفيش حاجه بتمنعني عنكم غير لو حاجه قوية.