استغفروا الأول بنية الاستجابة ليا وليكم، استغفر الله العظيم الذي لااله الاالله الحي القيوم واتوب اليه.
بارت¹⁵
لِـ «كيـان فريـدة»
بقلم منارجمال"شجن"
«في أسوان»
دخلت فريدة وجويرية ورنا بيت الشيخ حسن عشان يغيروا لبسهم الل كان كله عرق وتراب بسبب التمارين المكثفة الل عملوها الصبح.
جويرية دخلت مكان في البيت وكان فيه كنب وكراسي وحبت تشرب ماية وشافت ازازه علي ترابيزة قصادها جريت عليها لإنها كانت عطشانة جدًا، فتحتها ولسه هتشرب اتفاجئت من الل شافته قدامها وكانت مصدومة جدًا وبلعت ريقها بقلق وتوتر وقربت شوية للمكان الل عيونها عليه وعيونها وسعت من الدهشة ولسه مش قادرة تنطق.
فريدة كانت داخلة الأوضة ولاحظت ان جويرية مش معاهم خرجت تشوفها فين وبتدور في البيت وتنادي عليها: جويرية إنتِ فين؟.
فتحت باب أوضة ولاقتها فاضية، قفلت الباب ورجعت تكمل مشي وبتدور علي أختها وبتنادي عليها: جويرية إنتِ يابنتي روحتي فين؟.
وصلت ليها وشافتها واقفة مكانها وعيونها علي قفص واتنهدت براحه أول ما لاقتها: إنتِ هنا وانا بدور عليكِ ف البيت كله (قربت منها) يلا عشان نجهز ونبدأ في تمشيط المكان.
بصت فريدة مكان ما جويرية بتبص واستغربت هي سرحانة في إيه، كشرت فجأة وبرضوا مذهولة مع جويرية أول ما جت عيونها ع القفص.
دخلوا الشباب ولاحظ حسين وكيان وقوف جويرية وفريدة في الركن الل قصادهم وشايفينهم من ضهرهم.
حسين باستغراب: هما واقفين ليه كدا؟
كيان ضيق عيونه بتركيز ولاحظ انهم مصدومين من حاجة ودا الل باين من وقفتهم قرب منهم هو وحسين وكيان عيونه عليهم وأول ما شاف الل عيونهم عليه ابتسم: دي عادة عندهم.
جويرية رفعت نظرها لكيان بدهشة واستغربت وجوده بس سألته: يعني دول حقيقة مش لعبة.
كيان بجدية: لأ مش لعبة دول بجد.
فريدة وهي لسه عيونها ع القفص: يربوا تماسيح في بيتهم!!
حسين بص معاهم: عادة غريبة فعلًا ومش عارف ليه بيعملوا كدا.
كيان: انتوا أول مرة تيجوا اسوان.
فريدة: جينا قبل كدا بس زورنا المعابد والاماكن السياحية بس.
أومأ كيان بتفهم ولاحظ وجود فارس واسلام قربوا منهم واتكلم اسلام: مالكم واقفين كدا ليه؟
فارس بص للتماسيح الل كانت قصادهم في قفص حديد كبير وكان شكل التماسيح كبير جدًا.
حسين: بنفكر ليه جماعه أسوان عندهم عادة انهم يربوا التماسيح.
قرب منهم الشيخ حسن وسمعهم وشاف تجمعهم وابتسم وكيان بص ليه وهو بيتكلم: بنحس بالفخر والشجاعة اننا قدرنا نصيد حيوان مفترس ونسيطر عليه.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
