كيان فريدة (الجزء الثالث من روح الزين)

بارت⁴⁸ لِـ «كيـان فريـدة».

بتأسف علي تأخيري يشباب كتبت البارت بصعوبة والله 🙂.
بارت⁴⁸
لِـ «كيـان فريـدة».
بقلم منارجمال"شجن".

كيان بعدم فهم: لا معلش لحظة واحدة هي الحالة جتلك من تاني صح؟.

زين بصدمة: حالة!! انت شايفني مجنون قدامك ياض؟(بص لفريدة) شايفة بيكلم ابوكِ ازاى.

لسه فريده هتتكلم زين منعها: عارف انه بنتي متقبلش بتصرف زي ده وعشان كده انا قررت ننهي الجوازة دي من البداية.

كيان بغيظ: جواز ايه ده الل ننهيه دا علي جثتي.

عبدالله قرب منهم ومعاه روڤانا: فيه إيه عاملين دوشة ليه.

كيان بنفاذ صبر: تعالا شوف صحبك عايزني اطلق فريدة.

عبدالله مسد علي لحيته بخفه وبص لزين وروڤانا مسكت عبدالله من دراعه بهدوء وهمست ليه بحاجة هو فهمها وهز دماغه بتفهم ورجع بص لكيان: أكيد عملت حاجه تضايقه زين مبياخدش قرار غير لما يفكر فيه كويس.

كيان واقف متنح وفريدة مش بتنطق وعيونهم علي عبدالله اللي بص لزين وزين ابتسم بانتصار وشاور علي عبدالله: شوفت حتي ابوك معايا.

كيان بص لفريدة ورجع بص لعبدالله اللي اتكلم معاه: عملتله إيه بقا؟.

زين بحدة: ما تنطق وتقوله قولتلي إيه ولا اقوله أنا؟؟.

بص لعبدالله زين بجدية وبيشاور علي كيان: البيه بيقولي هي الحالة جتلك من تاني علي أساس إني مجنون بقا يسكت ويتهد يبجح فيا ويقولي ده علي جثتي أطلق فريده.

روڤانا شهقت بتمثيل وعيونها في اللاشيء: كيان عمل كل ده؟؟ هو الجواز بيغير اوي كده وكمان بيتكلم باسلوب مش كويس مع عمي زين أخص عليك يا كيان مكنش العشم.

فريده فتحت فمها ببلاهة وعيونها علي روڤانا وهي بتتكلم وكيان واقف بيحاول يستوعب الل بتقوله اخته ومشتت جدًا.

روڤانا بجدية مصطنعة: ما تشوف ابنك يبابا والل بيعمله يرضيك تصرفاته دي.

زين: قوليله معرفش يربي البيه.

عبدالله بص لكيان: ينفع اللي عملته ده؟؟ انا بتفق مع زين في موضوع الطلاق ده علشان تتربي كويس.

زين واقف بثقة: وانا بقول كده برضوا المأذون يا موسي.

نوح جي عليهم وكيان واقف متغاظ جدًا واتكلم بتذمر: والله اتفقتوا مع بعض كلكم دلوقتي؟؟.

بص لعبدالله وروڤانا وورد جت جمبهم وبتكتم ضحكتها بالعافية وكان كلمها: وست الحبايب معندهاش حاجه زيادة تقولها برضوا؟.

بصت ليه بقلق ورجعت بصت لعبدالله الل غمزلها وفهمته ورجعت بصت لكيان واتكلمت بجدية مصطنعة: بصراحه كده انا شايفة عبدالله بيتكلم صح من امتي كنت بتتكلم مع حد أكبر منك بالطريقة دي يا كيان لأ انا مصدومة فيك مش قادره اصدق اللي شوفته وسمعته.