بارت قصير هعوضه ليكوا ببارت طويل وكوميدي المرة الجايه بإذن الله ♥.
بارت⁴⁶
لِـ «كيـان فريـدة».
بقلم منارجمال"شجن".
غمضت عيونها بوهن وتعب وصوت القطر بيقرب أكتر وفي ثواني كانت متشالة بعيد عن القطر واتفزعت جدًا اول ما شافت كيان وفريدة ماسكينها وبعيد عن القطر اللي عدي من علي السكة وبصت ليه بحزن وانفاسها عالية جدًا وفجأة فريده صرخت فيها: إنتِ اتجننتي ازاي تعملي كده.
جويرية لسه عيونها علي القطر وفريدة مسكتها من دراعها بقوة وكيان بيحاول يهدي فريدة وبعدته عنها ومسكت في جويرية وبتتكلم بصوت عالي وشكلها متعصب جدًا من اختها: بُصيلي هنا ورُدي عليا..
جويرية بصوت مخنوق ودموع: عايزة اروح عند حسين مش عايزة أفضل هنا تاني.
فريده ضمتها وهي بتبكي علي حالتها وبتتكلم بحزن: حرام عليكِ اللي بتعمليه في نفسك ده مفكرتيش فينا لو كان جرالك حاجه كنا هنكون عاملين ازاي؟.
جويرية غمضت عيونها بتعب وبصت لكيان: خدها وامشي من هنا.
فريدة بعدت عنها بهدوء وبصت ليها وهي بتسمح دموعها: مش همشي من هنا غير وانتِ معايا ومش هسيبك تاني لوحدك.
جويرية بجمود: وانا مش هبطل احاول اموت نفسي عشان اروح لحسين.
فريدة بغضب: فوقي يا جويرية إنتِ فاكرة انك لما تموتي نفسك هتروحي عنده و...
قبل ما فريده تكمل كلامها اتفاجئت بجويرية وقعت في الأرض واغمي عليها وصرخت بإسمها وجريت عليها هي وكيان: جويرية... جويرية فوقي متعمليش فيا كده.
كيان بص لفريدة: اهدي وكفاية عياط المفروض نرجع بيها البيت دلوقتي.
فريده مسحت دموعها وبتحاول تتماسك ورفعت جويرية وبتسندها ووصلت بيها للعربية مع كيان ونيمتها ورجعت قعدت جمب كيان وابتدي يسوق وشغل عربيته وبصت ليه فريده بخفوت: مش عارفه لو مكناش لحقناها كان إيه الل ممكن يحصلها ويحصلي.
ابتدت تبكي وهي موجوعة جدًا وكيان بص ليها بحزن: المهم انها بخير دلوقتي متفكريش في حاجة تانية غير انها كويسة ومعانا.
فريدة ببكاء وصوت ضعيف: المشكلة اني مش عارفه اساعدها ازاي مقدّرة الل هي فيه ووجع قلبها علي حسين الله يرحمه بس ليه تفكر في الانتحار هي مؤمنة بالله وعارفة الصح والغلط.
كيان بهدوء: االصدمه مكنتش سهلة علي انها تتحملها وكل ما كان الشخص مُغيّب وإيمانه ضعيف بتكون دي النتيجة.
فريده بصت ليه وبتفتكر ازاي وصلوا لجويرية في الوقت المناسب.
«flash back»
كيان: فريدة مينفعش نسيبها لوحدها.
فريدة بتفكير وهدوء: انا مش مطمنة حاول تمشي وراها بدون ما تاخد بالها.
كيان اومأ وهز دماغه ومش ورا جويرية بعربيته واتفاجئت فريدة لما شافت جويرية ماشية في سكة تانية غير ناحية المقابر وبصت لكيان: هي رايحة فين دا مش مكان المقابر.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
