بارت³⁵
لِـ «كيـان فريـدة».
بقلم منارجمال"شجن".
خارج زين من غرفة العمليات بعد ما خلص كل العمليات اللي كانت وراه وشكله يغني عن أي تعريف ووصف، عيونه حمرا بشكل مش طبيعي وكمان واضح علي هيئته انه هلكان جدًا من كم الضغط اللي عليه من إمبارح يخرج من عملية يدخل في عملية تانية ومعندوش وقت يرتاح دقيقة حتي، بيجاهد في المقاومة وهو ماشي لانه حاسس بتعب غير طبيعي، دخل غرفة التعقيم وتبديل الملابس غير هدومه وخرج ورايح مكتبه ومش شايف قدامه بيقدم التحية والسلام علي الناس اللي قصاده بدون وعي ومش واخد باله بيسلم علي مين أصلا، الممرضات بادلوه نفس التحية بتقدير واحترام ليه كعادتهم وكان فيه ممرض وممرضة واقفين مع بعض وعيونهم عليه وهو داخل مكتبه وبيتهامسوا.
الممرض: الله يعينه بجد من امبارح مقعدش ومقضيها عمليات.
الممرضة بحزن واستعطاف: شخصية محترمة ومتواضع جدًا مش متخيلة لو عرف اللي حصل إمبارح مع المدام هيحصل إيه دا ممكن يتجنن فيها.
الممرض بسرعة وقلق: بس اكتمي لا حد يسمعنا دكتور سليم محذر الكل مفيش مخلوق يتكلم في أي حاجة ولا نعرفه خالص عشان حياة الناس اللي كانت بين إيديه من شويه دي لو كان شم خبر بس كانت هتحصله مصيبة في شغله إنتِ مشوفتيش الاتنين اللي كانوا بيموتوا وهو انقذهم تخيلي لو عرف خبر مراته واللي حصل وقتها كان زمانهم بيتدفنوا.
الممرضة بزعل: ربنا يهون عنه أكيد الخير اللي بيعمله ده ربنا هيردهوله في حل مشاكله الشخصية هو ميستاهلش حاجة وحشة بجد ربنا يباركله في عيلته.
الممرض بضيق: معاكِ حق والله وكمان متعرفيش مراته دي إيه دا بيعشقها سمعت انه جايبلها جزيرة وباني عليها قصر ومسميها علي إسمها روح الزين.
الممرضة بحسرة: عارفة وشوفتها مدام روح قبل كده حتة سكرة وطيوبة أوي تعرف أول ما شوفت شكلها علي الفون وفي آخر الأخبار كنت بعيط عليها.
الممرض بيأس: ربنا يسترها عليهم ويعدوا المحنة دي علي خير.
الممرضة بتمني: يا رب.
زين في مكتبه مريح جسمه علي كرسي مكتبه وايديه علي عيونه بتعب وإرهاق، نفخ بضيق وضم حواجبه للحظة واستغرب حاجة اول مرة تحصل وياخد باله منها، بص لفونه ومسكه وفتحه ودهشته زادت، روح إزاي مكلمتهوش من إمبارح لحد دلوقتي لسه هيكلمها اتفاجئ بدخول عاصي صاحبه لمكتبه واتكلم بهدوء وإرهاق: عاصي اخبارك إيه؟.
عاصي بيحاول يخفي اللي يعرفه وقعد قصاده واتنهد: بخير يابا الحج إيه دنيتك إنت عملت إيه في العمليات اللي كنت متكلف بيها.
زين ساب فونه بتعب واتكلم بجدية: الحمدلله عدوا علي خير بس ضغط غير طبيعي.
عاصي بتوتر: هتكمل شغل برضوا ما ترتاح وتناملك ساعتين هنا شويه.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
