بارت خفيف وهدية بمناسبة عيد ميلاد بسمة روحقلبي وربنا ما عارفة ازاي قدرت أكتب يومين ورا بعض وانا في زنقة الامتحانات دي بس مش خسارة فيها، كل سنة وانتِ طيبة وبخير يحبيبي 😂❤.
بارت⁵⁴
لِـ«كيـان فريـدة».
بقلم منارجمال"شجن".
واقف نوح وعيونه علي جنة وهي نايمة في سرير المستشفي اللي جابها فيها وبتهمهم بتعب وهي فاقدة الوعي: مش عايزة اتجوزه مبحبوش بابا الحقني.
نوح قلق عليها أكتر وبص للممرضة اللي بتعلق لجنة المحلول وكلمها: هي مالها؟.
الممرضة بصت ليه ورجعت بصت لجنة بشفقة: شكلها دخلت في حالة نفسية وعندها هبوط حاد شوية وهاجي اطمن عليها تاني وهبعت لحضرتك الدكتور يشخص حالتها أفضل مني.
نوح اومأ ليها بتفهم: تمام شكرًا ليكِ.
ابتسمت ليه بعملية وخرجت وبالادوات اللي كانت بتستخدمها ونوح اتنهد وقعد جمب جنة واتكلم بنفاذ صبر: يا ترا إيه اللي حصلك وسببلك كل ده يا أم اندومي وانا اللي كنت ناوي اتخانق معاكِ النهارده وانتقم منك عشان بتهدديني بالماضي.
دخل ليه الدكتور ووقف نوح واتكلم معاه: هي هتفوق امتي؟.
الدكتور وهو بيفحص حالة جنة بعملية بص لنوح: ساعة وهتفوق محتاجة بس ترتاح وتبعد عن أي ضغط نفسي يأثر عليها.
اومأ ليه نوح واتنهد وهو عيونه عليها وبعد دقايق خرج الدكتور ووراه نوح ورجع ليها تاني بعد وقت لاقاها بتفوق وكان ماسك شنطة في ايديه، حطت ايدها علي جبينها بتعب وبتفتح في عيونها بإرهاق نوح ساكت وعيونه عليها واتكلم: ألف سلامة عليكِ.
عدلت من نفسها وأخدت بالها من وجود نوح واتكلمت بصوت ضعيف: الله يسلمك هو حصل إيه وانا جيت هنا ازاي؟.
قعد نوح وركز في عيونها وقلقت جنة من نظرته ليها: انا اللي محتاج افهم حصل ايه معاكِ يخليكي تخرجي تجري من الشركة قبل معاد خروجك؟.
جنة بلعت ريقها بتوتر: م... مفيش.
نوح بهدوء وغموض: مش عايزة تتجوزي ليه؟.
جنة بدهشة: إيه؟.
نوح برفع حاجب وبرود: اتخطبتي ليه لما مش بتحبيه ومش عايزاه؟.
جنة بدموع: عشان مش بمزاجي انا بنفذ اللي بيتطلب مني بس.
نوح كشر بعدم فهم: معناه ايه كلامك ده؟.
جنة لسه هتتكلم معاه بس سكتت ورفضت تحكيلوا، حاولت تقف وجسمها كان واجعها جدًا وبتمشي بصعوبة: أنا لازم امشى.
نوح وقف قصادها وبص ليها وجنة رفعت راسها وبصت ليه بقلق وهو بيتكلم بجدية: ينفع تهدي وتفهميني فيه ايه يمكن اقدر اساعدك.
جنة بحزن: معتقدش، ومن فضلك عايزة امشي من هنا.
لسه هتمشي من جمبوا نوح وقفها واتكلم بحدة: إنتِ مجربتيش عشان تحكمي عليا هل هقدر ولا لأ ودلوقتي عايز افهم فيه إيه؟.
أنت تقرأ
كيان فريدة (الجزء الثالث من روح الزين)
Misterio / Suspensoهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
