بارت⁶⁰
لِـ «كيـان فريـدة».
بقلم منارجمال"شجن".
نايمة فريدة علي سرير وبيجروا بيها الدكاترة ومعاهم الممرضات ووراهم حياة وبتبكي، ماشية معاهم ودخلوا بيها غرفة الكشف ومنعوها من الدخول ووقفت مكانها مش عارفه تعمل ايه، بتتلفت حواليها علي أي حد يساعدها مش لاقيه ووقفت علي جمب بعجز وبتبكي.
«Flash back».
بعد ما مشيت فريدة ورا كيان حياة قربت من هشام واتكلمت بخوف: هشام أنا خايفة علي فريدة جدًا.
هشام بعدم فهم وهو شايل يامن إبنه: ليه بتقولي كده؟.
حياة بضيق: هي وكيان متخانقين وكمان حالتها مش طبيعية وتعبانة جدًا الفترة دي واتوقع ان كيان مش هيسامحها علي الغلطة اللي عملتها دي.
هشام اتنهد: معاكِ حق بس مينفعش نتدخل بينهم سيبيهم يحلوا مشاكلهم مع بعض.
حياة باقتراح: طب إيه رائيك اروح لفريدة اطمن عليها واحاول اتناقش معاها ونشوف حل للموضوع ده لان شخصية كيان مش سهل يتهاون معاها في اللي هي عملته دا بسهولة.
هشام برفض: لأ مينفعش دي حياتهم ومحدش يتدخل بينهم.
حياة بقلق: يا هشام افهمني انا قلقانة علي فريدة انت مش شايف شكلها بقا عامل ازاي وبيني وبينك من آخر مرة كنت عندها ولاقيتها مغمي عليها مطمنتش لان دا مش مجرد هبوط زي ما قالت.
قرب منهم عبدالله واتكلم: فيه إيه؟.
هشام بص ليه واتكلم: حياة عايزة تروح ورا فريدة وبقولها مينفعش يصلحوا مشاكلم مع بعض بدون تدخل مننا مش مقتنعة وكمان بتقول انها شاكة انه فريدة مريضة بحاجة ومش عايزة تقول.
عبدالله بص ليها وهي اتكلمت بهدوء: عبدالله ياريت تفهمني فريدة فعلا مريضة انا حاسة بكدا وكمان من شكلها واضح ورفضها انها تروح لدكتور دا قلقني اكتر.
عبدالله بجدية: روحي وراها واطمني عليها، كيان في حالته دي متوقع مش هيكون معاها وهيسيبها ويمشي وممكن فريدة تتعب زياده.
اومأت ليه بسرعة وبصت لهشام وبتستأذنه: ينفع اروح لو لاقيت كيان معاها لسه هرجع علطول والله المهم اطمن عليها.
هشام بموافقة: ماشي روحي وخدي بالك من نفسك.
«back»
فاقت حياة من شرودها علي صوت فونها وخرجته وفتحت علي اللي بيتصل بيها من غير ما تشوف مين وكان عبدالله واتكلم: حياة عملتي ايه فريدة كويسة.
حياة انتبهت لصوت عبدالله ومسحت دموعها بسرعة وردت عليه: عبدالله انا مع فريدة في المستشفى أول ما روحت لاقيت كيان خارج بعربيته ومعرفتش اكلمه وطلعت لفريدة لاقيتها واقعة في الأرض ومش بتتنفس، طلبت الاسعاف واحنا في المستشفى.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
