كيان فريدة (الجزء الثالث من روح الزين)

بارت²³ لِـ «كيـان فريـدة».

بارت²³
لِـ «كيـان فريـدة».
بقلم منارجمال"شجن".

فجأة نوح وقف عن الضرب لما لاقي حد شده من قفاه، بلع ريقه بالعافية وبص للشخص الل تقريبًا رافعه لفوق وعيونه وسعت من الذهول وبيتكلم بتلعثم: ع ع عمي زين.

بص نوح للي كان بيضربه وسلط موسي الكشاف عليه ونوح فتح بوقه بدهشة: بابا!!

ياسين إيديه علي وشه الل تقريبًا نوح مسابش مكان فيه غير وضربه عليه، بص نوح لايديه ومسكها وبيهز فيها: كانت تتشل كانت تتشل قبل ما تتمد عليك يا ياسين.

ياسين كز علي سنانه وشده من دراعه بغضب: ولما إنت سوسن وخواف أوي كدا جاي مكان زي دا ليه؟.

نوح سكت ومرعوب وبص لموسي الل زين بيكلمه.

زين بغضب: إنت عارف المكان دا يبقي إيه؟.

موسي بقلق: بابا انا بروح اماكن كتيرة زي دي و..

قاطعه زين وصرخ: إنت عارف كويس ان المكان دا غير الاماكن الل بتروحها.

مع صوت زين العالي الل صدع في المكان كله وصدي صوته بيتردد في البيت والجو كان مشحون بالرعب والخوف نوح لطم: بتزعق ليه بتزعق ليه كدا هتصحيهم.

ياسين بعصبية: يصحي إيه؟.

نوح وهو هيعيط: العفاريت هو فيه غيرهم.

صوت حيوان فجأة بقا موجود ونوح اترعش وجري استخبي ورا ياسين واتكلم بصوت ضعيف ورعب: ياسين انا خايف.

ياسين بيتنفس بغضب: يلا نمشي من هنا وحسابنا في البيت يا نوح.

زين مسك ايدين موسي وبيشده وراه وموسي وقفه: بابا لو سمحت عايز اكمل جولة في المكان سِيبني.

زين علي آخره من ابنه وبيحاول يتحكم في اعصابه وبيتكلم بصوت حاد: مش معني اني سايبك تعمل الل إنت عايزو تسوق فيها وتعمل كل حاجه غلط يلا من هنا.

موسي برجاء: بابا لو سمحت ارجوك إنت عارف إني ميولي من ناحية استكشاف الأماكن الل زي دي مبقدرش اتحكم فيها سِيبني براحتي زي مانت مديني الحرية الكاملة وإني لو غلطت استحمل نتيجة غلطي.

زين بيتنفس بغضب: المكان دا مفيهوش تستحمل نتيجة غلطك إنت كدا بتنتحر.

موسي بجدية: اوعدك هكون كويس.

ياسين لموسي: يلا ياض إنت وبلاش كلام فارغ.

نوح برفع حاجب وثقة: علي فكره بقا احنا رجالة ومش بنخاف.

ياسين بص لابنه بسخرية: فعلًا أومال سوسن الل كانت بتلطم وتصوت من شويه دي كانت إيه؟

نوح كشر واتلكم بجمود: لا دي كانت نمرة بس انما احنا رجالة أوي ومنعرفش حاجة اسمها خوف.

زين بغضب: تمام لو راجل إنت وهو كملوا يلا يا ياسين.

ياسين بصدمة: إنت بتقول ايه يا زين المدرسه مسكونة فعلًا مش معقول نسيبهم هنا.