Waves of Life (Quiseo Girls #1)

Chapter 29: Bouquets

Chapter 29: Bouquets

Naglakad na rin ako palapit sa black Range Rover ni Eli nang mabangga ako ni Aika dahil sa pagmamadali niya. Napatigil ako at saka napatingin sa kaniya.

"Sorry," nangingiti niyang paumanhin na parang wala namang bakas ng sincerity.

Inirapan ko na lang siya.

Nagulat na lang ako nang makitang pumasok siya sa back seat kasunod ni Sophia. Before she closed the door, she pointed at the passenger seat saying, "D'on ka na lang. 'Di na tayo kasya rito."

Hindi ko na napigilan 'yong pagtaas ng kanang kilay ko dahil sa inis at pagtataka.

Are they kidding me? Gusto ba nila kong mamatay? Anong ilalagay nila sa death certificate ko kung nagkataon? Cause of death: Kinilig nang sobra?

Kinuha pa nila kay Eli 'yong isang eco-bag para ilagay sa gitna nila ni Sophia. Yes, they did that just to prove that we all can't seat there.

Lumakad na ko papalapit sa passenger's seat. Nasa gilid nito si Eli na hinihintay ako.

When I got beside him, pinagbuksan niya kaagad ako ng pinto.

This is really unlikely of him but the way he goes out of his way makes me happy.

I quietly hopped in the passenger's seat. Pero siyempre, sa true lang, para na kong maiihi sa kilig.

Marahan niyang sinarado 'yong pinto at saka umikot para pumasok sa driver's seat.

Through my peripheral vision, I saw him staring at me before he started the engine.

Malumanay at malambing niyang tanong, "When should I get the cookies?"

Saktong pag-andar ng kotse, nilingon ko siya at saka pinagtaasan ng kanang kilay.

I nonchalantly answered, "Huwag mo kong utusan."

He was shocked when he took a quick glance of me before he got back his attention to the road.

Napatingin ako sa gilid ko nang may pumukaw sa atensyon ko.

Nakita ko 'yong dalawang sikat na sikat na tsismosa rito sa subdivision. I couldn't help but to roll my eyes at them. 'Di naman nila makikita eh.

"Elise, tignan mo 'to." Narinig kong may sinasabi si Aika kaya napatingin ako sa kaniya mula sa kanang shoulder ko.

Nginusuan niya 'yong inaabot niyang cellphone sa 'kin kaya kinuha ko 'yon.

"Where should I drop you?" tanong ni Eli kaya napalingon ako sa kaniya.

He carefully looked at the rear-view mirror for a second. Si Aika ata 'yong kausap niya.

"Sa Morayta na lang. D'on lang pwedeng magbaba eh. Sa tapat ng FEU. Lakarin ko na lang papuntang LRT," klarong instruction ni Aika kay Eli.

Nagkaintindihan naman sila agad.

"Kami ni Elise, sa mall lang kami," singit ni Sophia.

"All right," mabilis na sagot ni Eli. "We'll drop her first before we go to the mall."

Wala na silang pinag-usapan kaya binalik ko na 'yong tingin ko sa cellphone ni Aika.

Binasa ko 'yong nakasulat sa notepad niya, 'Masyado kang nagiging rude sa new customer natin.🤨'

Napakagat ako sa ilalim kong labi nang mabasa 'yon.

Nilingon ko si Aika through my shoulder and she was also intently looking at me. Nginitian niya lang ako bago kinuha pabalik 'yong phone niya.