Waves of Life (Quiseo Girls #1)

Chapter 16: Third

Chapter 16: Third

The next morning, sobrang sama ng pakiramdam ko.

Sino ba namang hindi sasakit ang katawan sa kamang mas matigas pa ata sa ulo ni Laurice?

Pagdilat ko ng mga mata, nakaayos na si Steph. She's intently looking at me.

Umupo ako at saka ko siya tinitigan.

"Nanghingi ako ng toothbrush sa iba. Huwag kang mag-alala, bago 'yan," sambit niya sabay turo sa gilid ko.

Napalingon naman ako sa tabi ko at saka nakita 'yong toothbrush at toothpaste.

"Thank you, Steph," saad ko na may ngiti sa mga labi.

"Baho!" pang-aasar niya sabay takip sa ilong. "Huwag ka muna magsalita," dagdag niya pa.

"Baka mas mabango pa hininga ko sa 'yo kahit hindi pa ko nagtu-toothbrush," pagbibiro ko na ikinatawa niya.

"Pupunta kami sa tabi ng lake, sama ka?" tanong niya at saka naglakad papunta sa pinto.

She's looking at me from her shoulder.

Umiling ako bilang sagot. "Papahinga na lang ako."

She gave me a thumbs-up before she left.

Pagkalabas niya, pumunta ko sa corner ng kama at saka sumandal sa pader. Niyakap ko 'yong sarili ko dahil sa lamig na nararamdaman.

"Sabi ni Eli, ako raw 'yong hangin pero bakit ako 'yong giniginaw ngayon?" pabulong kong tanong sa sarili. Napangiti na lang ako sa nasabi ko.

I stayed in that position for a long time before I decided to go outside.

Wala kasing lababo o kahit CR sa loob n'ong bahay. Iisa lang 'yong CR at lababo nila na nasa labas pa.

Buti na lang at maganda ako 24/7 kaya kahit bagong gising, I don't look messy.

Nang makapunta ko sa labas kung nas'an 'yong lababo, I first brushed my teeth before I washed my face.

Hirap na hirap pa ko dahil 'yong tabo nila, walang hawakan. Tapos kailangan ko pang kumuha nang kumuha ng tubig.

Nakakapagod naman 'to!

Pagkatapos ko sa ginagawa, saka ko lang naalala na wala nga pala kong bimpo.

"Nakakainis talaga si mommy!" nanggigigil kong saad at saka kinuha 'yong mga gamit ko.

Pabalik na sana ko sa bahay nang makita ko si Steven.

He carefully looked at me as he smiled. May inaabot siyang bimpo sa 'kin kaya napunta r'on 'yong attention ko.

"Pamunas sa mukha mo," sambit niya.

I was thinking twice about whether to use that or not. Malay ko ba kung s'an niya pinamunas 'to. Baka sa pawis niya tapos ipapamunas ko sa malinis kong mukha.

"Malinis 'to. Kakakuha ko lang nito sa bag ko," natatawa niyang saad na para bang nabasa niya 'yong iniisip ko kaya napaangat 'yong tingin ko sa kaniya.

Napangiwi ako nang tanggapin ko 'yon.

Nakakahiya ka talaga, Elise!

Baka napansin niyang ayaw ko 'tong tanggapin. Nag-iingat lang naman ako sa dumi.

Pinunasan ko na lang kaagad 'yong mukha ko at saka sinauli 'yon sa kaniya.

"Hindi ka maliligo?" nagtataka niyang tanong.

Umiling ako at saka tinignan 'yong CR na malapit lang sa kinatatayuan namin ngayon. Parang kapag pumasok ako r'on, kita ako ng lahat ng tao mula sa labas.