👑زواج تقليدي👑

👑ﺍﻟﺤﻠﻘﺔ ﺍﻷﻭﻟﻰ...👑

👑👑

ﻛﺎﻥ ﻣﺮﻛﺰ ﻋﻠﻰ ﺍﻷﻭﺭﺍﻕ ﺍﻟﻠﻲ ﻗﺪﺍﻣﻮ ﻓﻲ ﺍﻟﺒﻴﺮﻭ ﻭﻗﺘﻠﻲ ﻧﻮﻗﺰ ﺗﻠﻴﻔﻮﻧﻮ .. ﻣﺎﻧﺘﺒﻬﻠﻮﺵ ﻭﻗﻌﺪ ﻳﻜﺘﺐ ، ﻗﺺ ﺷﻮﻳﺔ ﻭﺭﺟﻊ ﻳﻨﻮﻗﺰ .. ﻫﺰﻭ ﻭﻏﺰﺭ ﻟﻠﻨﻮﻣﺮﻭ ، ﻧﺤﻰ ﻣﺮﺍﻳﺎﺗﻮ ﺣﻄﻬﺎ ﻓﻮﻕ ﺍﻟﻄﺎﻭﻟﺔ ﻭﺗﺒﺴﻢ
- ﺍﻫﻼ ﻳﺎﺗﺤﻔﻮﻧﺔ ﺗﻲ ﻭﻳﻨﻚ ﻭﺍﻟﻠﻪ ﺗﻮﺣﺸﺘﻚ ؟؟
- ﺍﻧﺖ ﺍﻟﻠﻲ ﻭﻳﻨﻚ ﻛﻴﻒ ﻣﺎﻧﻜﻠﻤﻜﺶ ﺍﻧﺎ ﻣﺎ ﺗﻜﻠﻤﻨﻴﺶ ﻭﻟﻴﺪﻱ
- ﻫﻬﻪ ﺧﺪﻣﺔ ﺧﺪﻣﺔ .. ﻭﺍﻟﻠﻪ ﻳﺎ ﻧﺎﺟﻴﺔ ﺍﻟﻐﺎﻟﻴﺔ ﻣﺒﻠﻊ ﻟﻠﻔﻢ ﻫﺎﻟﻠﻴﺎﻣﺎﺕ
- ﺭﺑﻲ ﻳﻌﻴﻨﻚ ﻭﻟﻴﺪﻱ ﺍﺵ ﺣﻮﺍﻟﻚ ؟ ﺍﺵ ﺣﻮﺍﻝ ﻳﻮﺳﻒ ؟ ﻻﺑﺎﺱ ﻋﻠﻴﻜﻢ
- ﺣﻤﺪﺍﻟﻠﻪ ﻭﺍﻟﻠﻪ ﺣﻤﺪﺍﻟﻠﻪ ﻫﺎﻟﺴﺎﻋﺔ ﻭﺍﻧﺘﻢ ﺍﺵ ﻋﺎﻣﻠﻴﻦ ؟
- ﺍﻧﺎ ﺑﻴﺪﻱ ﻻﺑﺎﺱ ﻧﺴﻬﻠﻮ ﻛﺎﻥ ﻋﻠﻴﻚ ﺍﻧﺖ .. ﻭﺍﻟﻠﻪ ﻗﻠﺒﻲ ﻣﻬﻤﻮﻡ ﻛﺎﻥ ﻋﻠﻴﻚ ﻳﺎﻭﻟﻴﺪﻱ .. ﺗﻮﺣﺸﺘﻜﻢ ﻭﺗﻮﺣﺸﺖ ﻃﻠﺘﻚ ﻋﻠﻴﺎ .. ﺭﺍﻫﻲ ﺑﺎﻟﺪﻧﻴﺎ ﻳﺎ ﻋﻴﻮﻧﻲ ..
- ﻋﻼﺵ ﻳﺎﻣﻲ ﻣﻬﻤﻮﻣﺔ ﺭﺍﻧﻲ ﻻﺑﺎﺱ ﺣﻤﺪﺍﻟﻠﻪ ( ﻭﺗﻨﻬﺪ ) ﻫﺎﻧﻲ ﻗﺮﻳﺐ ﻧﺠﻲ ﺑﺤﺬﺍﻙ ﺗﻮ ﺗﺸﺒﻊ ﺑﻴﺎ ﻭﺑﻴﻮﺳﻒ .. ﺗﻮ ﻧﻬﺰﻙ ﻭﻧﻔﺮﻫﺪﻙ ﻭﻧﺸﻴﺨﻚ ﻳﺎﻧﺠﻮﺗﺔ .. ﻫﻬﻪ
- ﻭﺷﺨﺺ ﻭﻟﻴﺪﻱ ... ( ﺳﻜﺘﺖ ﺷﻮﻳﺎ .. ) ﺣﺒﻴﺖ ﻧﻘﻮﻟﻚ ﻋﻠﻰ ﺣﺎﺟﺔ ..
- ﺍﻧﺸﺎﻟﻠﻪ ﺧﻴﺮ ؟ .... ﻫﺎﻧﺎﺟﻴﺔ ﺷﺒﻴﻜﻲ ... ؟
- ﻟﻘﻴﺘﻲ ﺭﺍﺟﻞ ﻋﻮﺽ ﺑﺎﺑﺎ ؟ ﻫﻬﻬﻪ
- ﺩﻳﻤﺎ ﺑﺒﻼﺩﺗﻚ ﺍﻧﺖ .. ﻣﺎﻻ ﻫﺎﻧﻲ ﻟﻘﻴﺘﻠﻚ ﻣﺮﺍ ﻟﻴﻚ ﺍﻧﺖ ..
- ﻳﺎﻣﻲ ﻣﺄﻳﺴﺘﻴﺶ ؟ ﻣﺎﺯﻟﺘﻲ ﺗﻠﻮﺟﻲ ﻟﺘﻮ ؟ ﻣﺎﻧﻲ ﻗﺘﻠﻚ ﻫﺎ ﺍﻟﻤﻮﺿﻮﻉ ﺍﻧﺴﻴﻪ ؟ ﻭﺑﺪﺍ ﻳﻐﺰﺭ ﻣﻦ ﺍﻟﺸﺒﺎﻙ ﻓﺎﺩﺩ
- ﻻ ﻣﺸﻨﻲ ﻣﺄﻳﺴﺔ .. ﻳﺎﻭﻟﻴﺪﻱ ﺭﺍﻧﻲ ﻣﺮﺿﺖ ﻋﻠﻰ ﺧﺎﺗﺮﻙ ﻭﻋﻠﻰ ﺧﺎﺗﺮ ﻫﺎﻙ ﺍﻟﻄﻔﻞ ( ﻭﺑﺪﺍﺕ ﺗﺒﻜﻲ ﻛﻴﻤﺎ ﻛﻞ ﻣﺮّﺓ ) .. ﻧﺤﺐ ﻧﺘﻬﻨﻰ ﻋﻠﻴﻚ ﻗﺒﻞ ﻣﻨﺎﻡ ﻋﻴﻨﻲ .. ﻧﺤﺐ ﻫﺎﻙ ﺍﻟﻮﻟﻴﺪ ﻳﺘﺮﺑﻰ ﺑﻴﻦ ﺍﻡ ﻭﺑﻮ .. ﺍﻡ ﺗﺤﻦ ﻋﻠﻴﻪ ﻣﻮﺵ ﻛﻞ ﻣﺮﺓ ﻭﻫﻮ ﻳﻘﻠﺐ ﻓﻲ ﺍﻟﻮﺟﻮﻩ .. ﻛﻞ ﻣﺮﺓ ﻭﺍﻧﺖ ﺟﺎﻳﺒﻠﻮ ﻭﺣﺪﺓ ﺗﺘﻠﻬﺎ ﺑﻴﻪ ﻭﻻ ﻭﺣﺪﺓ ﻋﻤﺮﺕ ﻣﻌﺎﻩ ... ﻋﻼﻩ ﻫﻜﺎ ﻋﻼﻩ ؟ ﺗﺤﺐ ﺗﻘﺘﻠﻨﻲ ﺑﻐﺼﺘﻲ ؟
ﻧﻔﺦ ﺑﻘﻮﺓ ﻭﻋﺪﺍ ﺻﻮﺍﺑﻌﻮ ﻋﻠﻰ ﺷﻌﺮﻭ ﻛﻴﻤﺎ ﻛﻞ ﻣﺮﺓ ﻳﺘﻮﺗﺮ ﻓﻴﻬﺎ .. ﻣﺎﻫﻴﺶ ﺑﺎﺵ ﺗﺴﻴﺒﻮ .. ﻛﻞ ﻣﺎ ﺗﻜﻠﻤﻮ ﺗﺠﺒﺪﻟﻮ ﻋﺎﻟﻌﺮﺱ .. ﻭﻻ ﻫﺎﺭﺏ ﻣﻦ ﺗﻠﻴﻔﻮﻧﺎﺗﻬﺎ .. ﻣﺎﻋﺎﺩﺵ ﻳﺤﺐ ﻳﻜﻠﻤﻬﺎ ﺑﺎﻟﺮﻏﻢ ﺍﻟﻠﻲ ﺭﻭﺣﻮ ﻭﻋﻘﻠﻮ ﻓﻲ ﺃﻣﻮ .
- ﻭﻣﻨﻴﻦ ﺗﻌﺮﻓﻴﻬﺎ ﻫﺎﻟﻤﺮﺍ ﺍﻟﻠﻲ ﺟﺒﺘﻴﻬﺎ ﺍﻟﻤﺮﺓ ﻫﺎﺫﻱ ؟
- ﻓﻲ ﺍﻟﺤﻤﺎﻡ ... ﺭﻳﺘﻬﺎ ﻓﻲ ﺍﻟﺤﻤﺎﻡ ..
- ﻓﻲ ﺍﻟﺤﻤﺎﻡ ؟ ( ﻭﻗﺎﻡ ﻳﻀﺤﻚ ) ﻫﺎ ﻧﺎﺟﻴﺔ ﻃﺘﻠﻌﺸﻲ ﺍﻟﺤﺎﺭﺯﺓ ﻫﻬﻪ ﻫﺬﺍﻙ ﺍﻟﻠﻲ ﻣﺎ ﺯﺍﻝ ﺗﻮ ؟
- ﻳﺎ ﺷﻮﻣﻲ ؟.. ﺍﻧﺎ ﺑﺎﺵ ﻧﺎﺧﺬ ﺍﻟﻮﻟﺪﻱ ﺍﻟﻤﺰﻳﺎﻥ ﺍﻟﻤﺜﻘﻒ ﺣﺎﺭﺯﺓ ﻻﻩ .. ؟ ﻭﺍﻟﻠﻪ ﻳﺎ ﻭﻟﻴﺪﻱ ﻃﻔﻠﺔ ﺗﻌﺸّﻖ ﺃﺻﻞ .. ﺑﺪﻥ ﻭﻃﻮﻝ ﻭﺯﻳﻦ .. ﻭﻋﻘﻮﻟﻴﺔ .. ﺍﻟﻠﻪ ﺍﺣﺪ ﻋﻠﻴﻬﺎ ﻭﻫﺎﻙ ﺍﻟﺘﺮﺑﻴﺔﺍﻟﻠﻲ ﻓﻴﻬﺎ ... ﻭﻳﻦ ﻧﻤﺸﻲ ﻟﻠﺤﻤﺎﻡ ﻣﺎﺗﺨﻠﻲ ﻣﺎﺗﻌﻤﻞ ﻣﻌﺎﻳﺎ
ﻓ،ﻤﺎﺵ ﻣﺎ ﺗﺎﺧﻮﻫﻮﻟﻬﺎ ؟
_و فيبالها هياا

- ﻻ ﻻ ﻣﺎﻓﻴﺒﺎﻟﻬﺎﺵ ﻭﻻ ﺣﻜﻴﻨﺎ ﻓﻴﻪ ﺍﻟﻤﻮﺿﻮﻉ ﺟﻤﻠﺔ .. ﻭﺍﻟﻠﻪ ﻣﺎﺗﻌﺮﻓﻚ ﻭﻻ ﺳﻤﻌﺖ ﻋﻠﻴﻚ ﺟﻤﻠﺔ ...
- ﺑﺎﻫﻲ ﺷﺘﺤﺒﻲ ﺍﻧﺖ ﺗﻮ ﻣﻦ ﺍﻻﺧﺮ ؟
- ﻳﺎ ﻭﻟﻴﺪﻱ ﻳﺮﺿﻲ ﻋﻠﻴﻚ ﻭﺍﻟﺪﻳﻚ .. ﻳﺮﺿﻲ ﻋﻠﻴﻚ ﻭﺍﻟﺪﻳﻚ ﺭﺗﺤﻨﻲ .. ﻳﺎﻭﻟﻴﺪﻱ ﻧﺤﺒﻚ ﺗﻌﺮﺱ ﻭﻧﺘﻬﻨﻰ ﻋﻠﻴﻚ .. ﻋﻠﻰ ﺧﺎﺗﺮﻱ .. ﻋﻠﻰ ﺧﺎﺗﺮ ﻣﻤﻴﻤﺘﻚ .. ﻫﻨﻴﻨﻲ ﻋﻴﺶ ﻭﻟﻴﺪﻱ
- ﺑﺎﻫﻲ .. ﺑﺎﻫﻲ .. ﻳﺎﻧﺎﺟﻴﺔ ﺑﺎﻫﻲ .. ﻫﺎﻧﻲ ﻗﺮﻳﺐ ﻧﻬﺒﻂ ﻟﺘﻮﻧﺲ ﻭﺗﻮ ﻧﺤﻜﻴﻮ ﻓﻴﻪ ﺍﻟﻤﻮﺿﻮﻉ
ﻭﻋﻠّﻖ ﺗﻠﻴﻔﻮﻥ .. ﻗﻌﺪ ﻋﻠﻰ ﺑﻴﺮﻭﻩ ﻭﻳﺪﻭﺭ ﻓﻴﻪ ﻭﻳﺨﻤﻢ .. ﺛﻼﺛﺔ ﺳﻨﻴﻦ ﻭﻧﺺ ﺗﻮ ﻣﻠﻲ ﻣﺎﺗﺖ ﻛﺮﻳﺴﺘﻴﻦ .. ﺣﺐ ﺣﻴﺎﺗﻮ .. ﻣﺎﺗﺖ ﻭﻫﻲ ﺗﻮﻟﺪ ﻓﻲ ﻳﻮﺳﻒ .. ﺟﻮ .. ﻣﻦ ﻭﻗﺘﻬﺎ ﻧﺴﺎ ﺣﺎﺟﺔ ﺍﺳﻤﻬﺎ ﻋﺮﺱ ... ﻗﻌﺪ ﺑﻌﺪﻫﺎ ﻋﺎﻡ ﻭﻫﻮ ﻣﻴﺖ ﻣﻮﺵ ﺣﻲ .. .. ﻳﺤﺐ ﻳﻨﺴﻰ ﻭﻣﺎ ﻧﺠﻤﺶ ﻳﻨﺴﻰ .. ﻛﺮﻳﺴﺘﻴﻦ ﻛﺎﻧﺖ ﺍﻟﺤﺐ ﺍﻟﻜﺒﻴﺮ .. ﻛﺎﻧﺖ ﺍﻟﻌﺸﺮﺓ ﺍﻟﻄﻮﻳﻠﺔ .. ﻳﻌﺮﻓﻬﺎ ﻣﻦ ﻭﻗﺘﺎﻟﻠﻲ ﺟﺎﺀ ﻟﻔﺮﻧﺴﺎ ﻳﻜﻤﻞ ﻓﻲ ﻗﺮﺍﻳﺘﻮ .. ﻭﻗﻔﺖ ﻣﻌﺎﻩ ﻭﺳﺎﻧﺪﺗﻮ ﻭﻭﻓﺮﺗﻠﻮ ﻛﻞ ﺷﻲ .. ﻛﺎﻥ ﺣﺒﻬﻢ ﻗﻮﻱ ﺑﺮﺷﺔ .. ﻫﻮ ﻃﻔﻞ ﻣﻦ ﻗﺮﻳﺔ ﺻﻐﻴﺮﺓ ﻓﻲ ﺗﻮﻧﺲ .. ﻧﺎﺟﺢ ﻓﻲ ﻗﺮﺍﻳﺘﻮ ﻭﻫﺬﺍﻙ ﺍﻟﻠﻲ ﺧﻼﻩ ﻳﻜﻤﻠﻬﺎ ﻓﻲ ﻓﺮﻧﺴﺎ .. ﻭﺗﻮﺍ ﻭﻻ ﺭﺋﻴﺲ ﻣﺪﻳﺮ ﻋﺎﻡ ﻣﺘﺎﻉ ﺷﺮﻛﺔ ﻛﺒﻴﺮﺓ ﺍﺧﺘﺼﺎﺹ ﻫﻨﺪﺳﺔ ﻋﻨﺪﻫﺎ ﺑﺮﺷﺔ ﻓﺮﻭﻉ .. ﻓﻲ ﺍﻟﻴﺎﺑﺎﻥ ﻭﺃﻟﻤﺎﻧﻴﺎ ﻭﺟﻨﻮﺏ ﺍﻓﺮﻳﻘﻴﺎ .. ﻭﻣﺎﺯﺍﻟﺖ ﺗﺰﻳﺪ ﺗﻜﺒﺮ ... ﻭﻟﺪﻭ ﺩﺟﻮ ﺗﻮ ﻋﻤﺮﻭ ﺛﻼﺛﺔ ﺳﻨﻴﻦ ﻭﻧﺺ .. ﻻ ﻓﻬﻢ ﻛﻴﻔﺎﺵ ﻳﺮﺑﻴﻪ ﻭﻻ ﺍﺵ ﻳﻌﻤﻠﻮ .. ؟ ﻳﻬﺰﻭ ﺳﺎﻋﺎﺕ ﻟﺪﺍﺭ ﻣﻤﺎﺗﻮ ﺍﻟﻔﺮﻧﺴﻮﻳﺔ .. ﺍﻡ ﻛﺮﻳﺴﺘﻴﻦ ﺍﻣﺎ ﺣﺘﻰ ﻫﻮﻣﺎ ﻳﺴﻜﻨﻮ ﺑﻌﻴﺪ ﻣﻮﺵ ﻓﻲ ﺑﺎﺭﻳﺲ .. ﻣﺎﻧﺠﻤﺶ ﻳﺨﻠﻴﻪ ﺑﻌﻴﺪ ﻋﻠﻴﻪ .. ﻫﺬﺍﻙ ﺍﻟﻠﻲ ﺑﻘﺎﻟﻮ ﺑﻌﺪ ﻛﺮﻳﺴﺘﻴﻦ .. ﻭﻟﺪﻫﻢ .. ﺍﻟﻠﻲ ﻛﺎﻧﺖ ﻃﺎﻳﺮﺓ ﺑﺎﻟﻔﺮﺣﺔ ﻭﻫﻲ ﺣﺒﻠﺔ ﺑﻴﻪ .. ﻫﻮ ﻳﺤﺒﻮ ﺑﺮﺷﺔ .. ﺍﻣﺎ ﻣﺎ ﻋﻨﺪﻭﺵ ﺍﻟﻮﻗﺖ ﺑﺎﺵ ﻳﻘﻌﺪ ﻣﻌﺎﻩ ﻭﻳﺘﻠﻬﺎ ﺑﻴﻪ ... ﻳﺠﻴﺒﻠﻮﻛﻞ ﻣﺮﺓ ﻣﺮﺑﻴﺔ ﺗﻄﻠﻊ ﻣﻮﺵ ﻓﻲ ﺍﻟﻤﺴﺘﻮﻯ .. ﻓﺪ ﻭﺭﻭﺣﻮ ﻃﻠﻌﺖ .. ﻻ ﻳﻨﺠﻢ ﻳﺒﻌﺪﻭ ﻋﻠﻴﻪ .. ﻭﻻ ﻳﻨﺠﻢ ﻳﺘﻠﻬﻰ ﺑﻴﻪ .. ﺣﻞ ﺍﻟﻜﺎﻡ .. ﻭﻗﻌﺪ ﻳﻐﺰﺭ .. ﻣﻦ ﻛﺜﺮ ﻣﺎ ﻟﻴﻌﻮﻩ ﺍﻟﻤﺮﺑﻴﺎﺕ .. ﻭﻗﺘﻠﻲ ﻛﺎﻥ ﻳﻮﺳﻒ ﺻﻐﻴﺮ ﻣﺎ ﻳﻨﻄﻘﺶ .. ﻛﺎ ﻥ ﻳﺮﻭﺡ ﺳﺎﻋﺎﺕ ﻳﻠﻘﻰ ﺧﺪﻭ ﺍﺣﻤﺮ ﻭﻻ ﺷﻔﺘﻮ ﻣﻔﻠﻮﻗﺔ .. ﻛﻞ ﻣﺮﺓ ﺑﻴﻪ ﺣﺎﺟﺔ .. ﻣﻦ ﻭﻗﺘﻬﺎ ﻗﺮﺭ ﺑﺎﺵ ﻳﺤﻂ ﻛﺎﻣﻴﺮﺍ ﻓﻲ ﺍﻟﺪﺍﺭ ﻣﺮﺑﻮﻃﺔ ﺑﺎﻟﻤﻜﺘﺐ ﻣﺘﺎﻋﻮ ﻭﺑﺎﻟﺘﻠﻴﻔﻮﻥ ﺯﺍﺩﺓ .. ﻭﻭﻻ ﻳﻌﺲ ﻋﻠﻴﻪ ... ﺷﺎﻑ ﻭﻟﺪﻭ ﻳﺒﻜﻲ ﻭﻗﺎﻋﺪ ﻓﻲ ﺍﻟﻘﺎﻋﺔ .. ﺍﻓﻔﻔﻔﻒ .. ﻫﺰ ﺍﻟﻔﻴﺴﺘﺎ ﻣﺘﺎﻋﻮ ﻭﺧﺮﺝ ﻣﺮﻭﺡ ﻟﺪﺍﺭﻭ .. ﻫﺎﻱ ﻣﺮﺑﻴﺔ ﺃﺧﺮﻯ ﺗﻮ ﺑﺎﺵ ﻳﻄﺮﺩﻫﺎ ....
جااااادوور❤❤❤❤

✴✴✴✴