👑زواج تقليدي👑

👑ﺍﻟﺤﻠﻘﺔ ﺍﻟﻌﺎﺷﺮﺓ..👑

👑👑

ﻫﺰﺕ ﺍﻟﺘﻠﻴﻔﻮﻥ ﻭ ﻏﺰﺭﺗﻠﻮ
- ﻧﻨﺠﻢ ﻧﻜﻠﻤﻬﺎ؟
- ﺑﺎﻟﻄﺒﻴﻌﺔ ﺗﻮ ﻫﺬﺍ ﺳﺆﺍﻝ؟
ﻗﻌﺪ ﻭﺍﻗﻒ ﻭﻫﻲ ﺑﻌﺪﺕ ﺷﻮﻳﺔ ﺍﺗﻜﺎﺕ ﻋﺎﻟﺤﻴﻂ ﻣﺘﺎﻉ ﺍﻟﺴﻮﺭ ﻭﻗﻌﺪﺕ ﺗﻐﺰﺭﻟﻮ ﻳﻠﻌﺐ ﻣﻊ ﻭﻟﺪﻭ ﻭﻳﺠﺮﻱ ﻭﻗﻠﺒﻬﺎ ﺑﺎﻟﺪﻗﺪﺍﻗﺔ
- ﺍﻟﻮ ﺳﻨﺎﺀ !!!
- ﺍﻟﻮ ﻳﺎﺳﺨﻄﺔ ! ﺗﻲ ﻭﻳﻨﻚ ﻧﻜﻠﻢ ﻓﻴﻚ ﻣﻦ ﻗﺒﻴﻠﺔ؟
- ﻛﻨﺎ ﻧﺘﻤﺸﺎﻭ ﻋﺎﻟﺒﺤﺮ ﺍﻧﺎ ﻭﺧﻮﻙ ﻭﺟﻮ
- ﺍﻣﻤﻢ ﻣﺎﺗﻘﻠﻴﺶ ﻭﻟﻴﺘﻮ ﺻﺤﺎﺏ ؟
- ﻳﺎ ﺳﻨﺎﺀ ﺍﺵ ﺑﺎﺵ ﻧﺤﻜﻴﻠﻚ ؟
- ﺍﺣﻜﻲ ﺍﺣﻜﻲ ﻇﺎﻫﺮ ﻓﻴﻚ ﻃﺤﺖ ﻋﻠﻰ ﺭﺍﺳﻚ؟
ﺩﻭﺭﺕ ﻭﺟﻬﻬﺎ ﺑﺎﺵ ﻣﺎﺗﻘﺎﺑﻠﻮﺵ ﺧﺎﺗﺮ ﺭﺍﺗﻮ ﻣﺮﻛﺰ ﻣﻌﺎﻫﺎ
- ﻳﺎﺳﻨﺎﺀ ﺍﺵ ﺑﺎﺵ ﻧﻌﻤﻞ ﺗﻮ ؟
- ﻓﺎﺵ؟
- ﺧﻮﻙ ﺣﺎﺳﺘﻮ ﻧﺎﻭﻱ ﻋﻠﻰ ﺣﺎﺟﺔ ... ﻧﻌﺮﻓﺶ ﺍﻣﺎ .. ﺍﻓﻔﻒ ﻫﺒﻠﻨﻲ ﻭﺍﻟﻠﻪ
- ﻫﻬﻬﻬﻪ ﺍﻟﺒﺎﺭﺡ ﺗﺤﻠﻒ ﻭﺗﺘﻜﺘﻒ .. ﺯﺍﻳﺪ ﻳﺎﺑﻨﺘﻲ ... ﺧﻮﻳﺎ ﻣﺎ ﻳﻘﻮﻯ ﻋﻠﻴﻪ ﻛﺎﻥ ﺭﺑﻲ .. ﻫﻬﻬﻪ
- ﺳﻨﺎﺀ ﺟﻴﺖ ﻧﺤﻜﻴﻠﻚ ﻭﻟﻴﺖ ﺗﺘﻤﻘﻌﺮ ... ﻣﺎﺹ .. ﺍﺭ ﺷﻲ ﺑﻴﻨﺎﺗﻨﺎ ﺭﺍﻫﻮ ... ﺍﻣﺎ .. ﺍﻣﺎ ﺟﺎﺀ ﺑﺎﺵ ﻳﺒﻮﺳﻨﻲ ﺍﻟﻴﻮﻡ ... ﻛﺎﻥ ﻣﻮﺵ ﻳﻮﺳﻒ ﺭﺍﻧﻲ ﻣﺸﻴﺖ ﻓﻴﻬﺎ
- ﺍﻱ ﺷﻨﻴﺔ ﺍﻟﻤﺸﻜﻞ ﻳﺎﺧﻲ ﺭﺍﺟﻠﻚ ﻫﻮ ﺑﺎﺵ ﺗﻌﻤﻠﻮ ﺷﻲ ﻓﻲ ﺍﻟﺤﺮﺍﻡ ﺍﻧﺘﻮﻣﺎ؟
- ﺍﻓﻔﻒ ﻳﺎ ﺳﻨﺎﺀ ﺍﻓﻬﻤﻨﻲ ؟ ﻳﺎﺧﻲ ﻧﺴﻴﺖ ﻟﻜﻼﻡ ﺍﻟﻠﻲ ﻗﺎﻟﻮ ﺍﻟﺒﺎﺭﺡ ؟
- ﻫﻬﻬﻪ ﻣﻮﺵ ﺍﻧﺎ ﺍﻟﻠﻲ ﻧﺴﻴﺖ ؟ ﺍﻧﺖ ﻇﺎﻫﺮ ﻓﻴﻚ ﻧﺴﻴﺖ ﻭﺳﻠﻤﺖ ( ﻭﻗﻌﺪﺕ ﺗﻘﻠﺪ ﻓﻲ ﺻﻮﺗﻬﺎ ) ﻫﺎﻭ ﺑﺎﺵ ﻳﺒﻮﺳﻨﻲ .. ﻫﺎﻭ ﺩﻭﺧﻨﻲ .. ﻭﺍﻧﺎ ﻧﻜﻠﻢ ﻓﻴﻚ ﻓﻴﺒﺎﻟﻲ ﺑﺪﻳﺖ ﺗﺨﺪﻡ ﻓﻲ ﺧﺪﻣﺘﻚ ﻭﺗﺮﺑﻲ ﻫﻬﻬﻬﻪ ﻳﺎﺧﻲ ﻫﺎﻭ ﻃﻴﺤﻚ ﻭﺑﺎﻟﻜﺎﻭﻭ ﺯﺍﺩﺓ ﻫﻬﻬﻪ !!!!
- ﺍﻣﺎﻥ ﺳﻨﺎﺀ ﺗﺘﻤﻘﺼﺺ؟ ﻧﻌﺮﻑ ﺍﻟﻠﻲ ﻫﻮ ﺧﻮﻙ ... ﺍﻣﺎ ﺍﻧﺎ ﻣﺎﻋﻨﺪﻱ ﺣﺪ ﻛﺎﻥ ﺍﻧﺖ ﺍﻣﺎﻥ ... ﻣﺎﻋﻨﺪﻳﺶ ﻟﺸﻜﻮﻥ ﻧﺤﻜﻲ ... ﺍﻧﺖ ﺍﻟﻠﻲ ﺗﻌﺮﻑ ﻛﻞ ﺷﻲ ﻋﻠﻴﺎ .. ﺍﻣﺎﻥ ﻋﺎﻭﻧﻲ ... ( ﺣﺴﺖ ﺭﻭﺣﻬﺎ ﺑﺎﺵ ﺗﺒﻜﻲ ) ﺳﻨﺎﺀ ﻣﺎﻧﺤﺒﺶ ﻧﻀﻌﻒ ... ﻣﺎﻧﺤﺒﺶ ﻧﻜﻮﻥ ﺳﺎﻫﻠﺔ ﺑﺎﻟﻨﺴﺒﺔ ﻟﻴﻪ ﺣﺘﻰ ﻭﻟﻮﻛﺎﻥ ﻣﺮﺗﻮ ... ﻋﺎﻭﻧﻲ . ﺍﺵ ﻧﻌﻤﻞ ﺍﻣﺎﻥ ؟
- ﻳﺎﺧﻲ ﺷﺒﻴﻚ ﻣﻜﺒﺮﺗﻬﺎ ﺍﻟﺤﻜﺎﻳﺔ ﺧﺪﻭﺝ ؟ ﻭﻩ ﻋﺎﺩﻱ ﺭﺍﻫﻮ ... ﻳﺎﺧﻲ ﺭﺍﺟﻠﻚ ﺭﺍﻫﻮ ؟ ﺑﺎﺵ ﺗﻤﻨﻊ ﺭﻭﺣﻚ ﻋﻠﻴﻪ ؟ ﺗﻲ ﻧﺎﺟﻴﺔ ﻣﺮﺟﺘﻨﻲ ﻣﺎﻟﺼﺒﺎﺡ ﻭﻫﻲ ﺗﻄﻠﺐ ... ﺍﺳﺎﻟﻬﺎ ﺍﺵ ﻋﻤﻠﺖ ؟ ﺗﻬﻨﺎﺕ ﻭﻻ ﻻ ؟ ﻫﻬﻪ ﻣﺎﻙ ﺗﻌﺮﻑ ﻋﺎﺩ ﺍﻟﻨﺴﺎﺀ ﺍﻟﻘﺪﻡ ..
ﺗﻠﻔﺘﺖ ﺗﻠﻘﺎﻩ ﻭﺍﻗﻒ ﺑﺤﺬﺍﻫﺎ
- ﻻﺑﺎﺱ ﺳﻨﺎﺀ ﻣﺎﻫﻮ ؟
ﺗﺮﺑﺜﺖ ... ﻣﻮﺵ ﻋﺎﺭﻓﺔ ﻣﻦ ﻭﻗﺘﺎﻩ ﻭﺍﻗﻒ ﺑﺤﺬﺍﻫﺎ .. ﺍﻣﺎ ﺣﺴﺘﻮ ﻣﺎ ﺳﻤﻊ ﺷﻲ
- ﻻ .. ﻻﺑﺎﺱ ﺗﺤﺐ ﺗﻜﻠﻤﻬﺎ؟
- ﻫﺎﺕ .. ﻫﺰ ﺍﻟﺘﻠﻴﻔﻮﻥ .. ﻏﺰﺭﻟﻮ ﻣﺎﻫﻮﺵ ﺗﻠﻴﻔﻮﻥ ﻣﻦ ﺍﻟﻨﻮﻉ ﺍﻟﻐﺎﻟﻲ ... ﺗﻲ ﺍﺭﺧﺺ ﻣﺎﺭﻛﺔ ﻋﻨﺪﻫﺎ .. ﺍﻟﺤﺎﺻﻞ ﻣﺎ ﺟﺎﺀ ﺷﻲ .. ﺍﻫﻼ ﻧﺴﻨﻮﺱ cv ﺍﺷﺒﻴﻚ ﺷﺪﻳﺖ ﺑﺎﻟﺤﺪﻳﺚ ﺍﺵ ﻓﻤﺎ ؟ ﺍﻣﻚ ﻻﺑﺎﺱ ؟ ﺍﺷﺒﻴﻬﺎ ﻣﺎﻟﺼﺒﺎﺡ ﻣﺎﺭﺟﺘﻨﻲ ﺑﺎﻟﺘﻠﻴﻔﻮﻧﺎﺕ ؟ ﺍﺵ ﺗﺤﺐ ... ؟ ﻭﻗﻌﺪ ﻳﺴﻤﻊ .... ﺑﻌﺪ ﺷﻮﻳﺔ ﻭﻗﻌﺪ ﻳﺤﻜﻲ ﻣﻌﺎﻫﺎ .... ﻣﺸﻮﺍﺭ ﻭﺭﺟﻌﻠﻬﺎ ﻣﺪﻟﻬﺎ ﺍﻟﺘﻠﻴﻔﻮﻥ
- ﺷﺪ ﺳﻨﺎﺀ ﺗﺤﺐ ﺗﻜﻠﻤﻚ ! ﻭﺑﻌﺪ ﺷﻮﻳﺔ ﻭﻗﻌﺪ ﻭﺍﻗﻒ
- ﻣﺎﺗﺒﻄﺎﺵ ﻋﺎﺩ ﺑﺎﺵ ﻧﻤﺸﻴﻮ ﻧﻔﻄﺮﻭ ؟
- ﺍﺳﻤﻊ ( ﻗﺎﻟﺘﻠﻬﺎ ﺳﻨﺎﺀ ) ﺗﺤﺐ ﺗﺴﻤﻊ ﻛﻼﻣﻲ؟
ﺑﺎﻟﻄﺒﻴﻌﺔ ؟ ﻛﺎﻧﺖ ﺗﺘﻜﻠﻢ ﺑﺎﻟﺸﻮﻳﺔ ﻭﺗﻐﺰﺭﻟﻮ ﻭﻫﻮ ﺍﻟﺴﺨﻄﺔ ﻣﺎ ﺣﺒﺶ ﻳﺘﺤﻠﺤﺰ
- ﺑﺎﻫﻲ .... ﻭﻗﻌﺪﺕ ﺗﺤﻜﻲ ﻣﻌﺎﻫﺎ ﻭﺗﻔﺴﺮﻟﻬﺎ ﺍﺵ ﺑﺎﺵ ﺗﻌﻤﻞ ﻭﺗﻮﺻﻲ ﻓﻴﻬﺎ ﺑﺎﺵ ﻣﺎ ﺗﻀﻌﻔﺶ ﻗﺪﺍﻣﻮ ... ﻭﻫﻲ ﺗﺴﻤﻊ ﻭﺗﺴﺘﻮﻋﺐ .. ﻭﺗﺪﻋﻲ ﺑﺎﺵ ﺭﺑﻲ ﻳﻘﻮﻳﻬﺎ ...
ﻗﻌﺪﻭ ﻳﻔﻄﺮﻭ ﻭﻫﻮ ﻳﻐﺰﺭ ﻟﻌﻴﻨﻴﻬﺎ ﺍﻟﻠﻲ ﺗﻬﺮﺏ ﻓﻴﻬﻢ ﻭﻣﺎﺗﺤﺒﺶ ﺗﻐﺰﺭ ﻧﺎﺣﻴﺘﻮ ﻫﻮ ... ﺣﺴﻬﺎ ﻣﺮﺑﻮﺛﺔ ... ﺧﺎﻳﻔﺔ ... ﻣﻠﻲ ﻣﺸﺎﺕ ﺗﺤﻜﻲ ﻣﻊ ﺳﻨﺎﺀ ﺗﻘﻠﺒﺖ .... ﻫﻬﻪ ﻣﺎ ﻳﻌﺮﻓﺶ ﻋﻼﺵ ﻗﻠﺒﻮ ﻣﺎ ﻗﺎﻳﻠﻮ ﺧﻴﺮ ... ﻗﻌﺪﺕ ﺗﻠﻬﻲ ﻓﻲ ﺭﻭﺣﻬﺎ ﻭﺗﻮﻛﻞ ﻓﻲ ﻳﻮﺳﻒ ﻭﻫﻮ ﻳﻠﻌﺐ ﺑﺎﻟﻤﻐﺮﻓﺔ ﻭﻳﻔﻚ ﻳﺤﺐ ﻳﺎﻛﻞ ﻭﺣﺪﻭ
- ﻫﻬﻬﻪ ﺗﺒﺪﻝ ﺍﻟﺤﻠﻮﻑ ﻭﻻ ﻳﺤﺐ ﻳﻌﻤﻞ ﻋﻠﻰ ﺭﻭﺣﻮ ( ﻗﺎﻟﻬﺎ ﻭﻫﻮ ﻳﺠﺒﺪ ﻓﻴﻬﺎ ﺑﺎﻟﺤﺪﻳﺚ ﻓﻤﺎﺵ ﻣﺎ ﻳﻔﻬﻢ ﺣﺎﺟﺔ )
- ﻛﺒﺮ ﺧﺎﺗﺮﻭ ﺍﻟﻤﺰﻳﺎﻥ ﻭﻗﻌﺪﺕ ﺗﺒﻮﺱ ﻓﻴﻪ ﻭﻫﻮ ﻳﻀﺤﻚ ﺷﺎﻳﺦ ...
- ﻫﻬﻬﻪ ﺻﺢ ﻋﻠﻴﻪ ﺟﻮ .. ﺷﺒﻊ ﺑﻮﺱ ﻭﺗﻌﻨﻴﻖ !!!!! ﻫﻬﻪ
ﻳﺴﺘﻔﺰ ﻓﻴﻬﺎ ﺑﺎﺵ ﻳﺸﻮﻑ ﺣﻤﻮﺭﻳﺔ ﺟﻬﻬﺎ .. ﺣﺎﺳﺘﻮ ﻋﺎﻣﻞ ﺟﻮ ﻭﻣﺎﻋﻼ ﺑﺎﻟﻮ ﺑﺸﻲ ... ﻭﻫﻲ ﺗﺎﻛﻞ ﻓﻲ ﺭﻭﺣﻬﺎ ..
ﺭﺟﻌﻮ ﻟﺒﻴﺖ ﻟﻮﺗﻴﻞ .. ﻗﻌﺪﺕ ﺣﻂ ﻳﻮﺳﻒ ﺍﻟﻠﻲ ﺭﻗﺪ ﻣﻦ ﺍﻟﺘﻌﺐ ﻓﻮﻕ ﺍﻟﻔﺮﺵ ﻭﺗﻠﻔﺘﻠﻬﺎ ﻭﻫﻲ ﻗﺎﻋﺪﺓ ﻓﻮﻕ il canapé
ﺍﺵ ﻧﻌﻤﻠﻮ ﺗﻮ ؟ ... ﻭﺟﺎﺀ ﻗﻌﺪ ﺑﺤﺬﺍﻫﺎ .. ﻗﻌﺪ ﻳﻐﺰﺭﻟﻬﺎ ﻭﻳﺘﺒﺴﻢ ... ﻭﻫﻲ ... ﻫﻲ ﻭﻳﻦ ﺗﻠﻘﺎﻫﺎ ... ﻳﺎﻣﻴﻤﺘﻲ ﺍﺟﺮﻳﻠﻲ ﺍﺟﺮﻳﻠﻲ .. ﺣﻂ ﻳﺪﻭ ﻭﺭﺍﺀ ﺿﻬﺮﻫﺎ ﻭﺍﺗﻜﻰ ﺑﻀﻬﺮﻭ .. ﺣﻞ ﺍﻟﺘﻠﻔﺰﺓ ﻭﻫﺰ ﺳﺎﻗﻴﻪ ﺣﻄﻬﻢ ﻓﻮﻕ ﺍﻟﻄﺎﻭﻟﺔ ... ﻛﻞ ﺣﺮﻛﺔ ﻳﻌﻤﻠﻬﺎ ﺗﺸﻌﻞ ﻓﻴﻬﺎ ﺍﻟﻨﺎﺭ ... ﻭﺗﻀﻌﻔﻬﺎ ... ﻛﻞ ﺗﺒﺴﻴﻤﺔ ﻣﻨﻮ .. ﺗﻬﺰﻫﺎ ﺑﻌﻴﻴﻴﻴﻴﻴﺪ ... ﻭﻗﺘﻠﻲ ﻋﺮﻓﺖ ﺍﻟﻠﻲ ﻫﻲ ﺗﺤﺒﻮ ... ﺣﺴﺖ ﺑﺮﻭﺣﻬﺎ ﺿﻌﻴﻴﻴﻔﺔ ... ﺣﺴﺎﺳﺔ ﺑﺮﺷﺔ .. ﻛﻞ ﺷﻲ ﻓﻲ ﺣﺮﻛﺎﺗﻮ ﻭﻻ ﻓﻲ ﺗﺼﺮﻓﺎﺗﻮ ﻳﺎﺛﺮ ﻋﻠﻴﻬﺎ ... ﻳﺰﻳﺪﻫﺎ ﻣﺤﺒﺔ ﻟﻴﻪ ﻭﻋﺸﻖ ... ﺑﺪﻧﻮ .. ﻋﻴﻨﻴﻪ .. ﺭﺟﻮﻟﻴﺘﻮ ﺍﻟﺰﺍﻳﺪﺓ ... ﻟﺤﻴﺘﻮ ﺍﻟﻠﻲ ﺗﺘﻤﻨﻰ ﺗﻌﺪﻱ ﺻﻮﺍﺑﻌﻬﺎ ﻓﻮﻗﻬﺎ ... ﺧﺸﻤﻮ ﺍﻟﻤﺸﻨﻘﻞ ﺍﻟﻔﻮﻕ ﻭﺯﺍﺩﻭ ﺯﻳﻦ ﻋﻠﻰ ﺯﻳﻦ ... ﺍﻣﺎ ﻛﻼﻣﻮ ﺍﻟﻠﻲ ﺳﻤﻌﺘﻮ ﻭﻗﺘﻠﻲ ﻳﺤﻜﻲ ﻋﻠﻴﻬﺎ ﻣﻊ ﺻﺎﺣﺒﻮ ﻭﺟﻌﻬﺎ ... ﻭﺟﻌﻬﺎ ﺑﺮﺷﺔ ... ( ﻫﺎﻧﻲ ﺟﺒﺖ ﻣﺮﺑﻴﺔ ﻟﻮﻟﺪﻱ ﺍﻣﺎ ﻛﻠﻔﺘﻠﻲ ﺍﻟﺼﺪﺍﻕ .... ﻭﺣﺪﺓ ﻗﻌﺮﺓ ﻭﺟﺎﻫﻠﺔ .... ) ﻟﺘﻮ ﻣﺎﺯﺍﻝ ﻳﺮﻥ ﻓﻲ ﻭﺫﻧﻴﻬﺎ ... ﻟﺘﻮ ... ﻭﺩﻣﻌﺖ ﻋﻴﻨﻴﻬﺎ .. ﺗﻠﻔﺘﻠﻬﺎ ﻣﺤﻤﻮﺩ ﻳﻐﺰﺭﻟﻬﺎ ﺑﺎﻫﺖ
- ﻻﺑﺎﺱ ﺧﺪﻳﺠﺔ ؟ ﺍﺷﺒﻴﻚ؟ ﻭﻗﺮﺑﻠﻬﺎ ﺑﺎﺵ ﻳﻤﺴﻬﺎ ... ﺑﻌﺪﺕ ﺷﻮﻳﺔ ... ﻫﺰ ﺣﻮﺍﺟﺒﻮ ﻣﺴﺘﻐﺮﺏ .. ﻭﻫﻲ ﻗﺎﻣﺖ ﺗﺠﺮﻱ ﻟﺒﻴﺖ ﺍﻟﺒﺎﻧﻮ ... ﺧﻠﻂ ﻋﻠﻴﻬﺎ ﻳﺪﻕ ﻓﻲ ﺍﻟﺒﺎﺏ
- ﺧﺪﻳﺠﺔ ﺍﺷﺒﻴﻚ ؟ ﻓﻬﻤﻨﻲ ﺍﺷﺒﻴﻚ ؟ ﻣﻦ ﺍﻟﺼﺒﺎﺡ ﻭﺍﻧﺎ ﻧﺮﺍ ﻓﻴﻚ ﻣﻮﺵ ﻗﺪ ﺑﻌﻀﻚ !!! ﻳﺎﺧﻲ ﺍﺵ ﻓﻤﺎ ؟
ﻛﺎﻥ ﻳﺪﻕ ﻓﻲ ﺍﻟﺒﺎﺏ ﻭﻫﻲ ﻗﺎﻋﺪﺓ ﺗﺒﻜﻲ ﺑﺼﻮﺕ ﺿﻌﻴﻒ .. ﻣﺎ ﺗﺤﺒﺶ ﺗﺴﻤﻌﻮ ... ﺗﺒﻜﻲ ﻣﻮﺵ ﻓﺎﻫﻤﺔ ﻋﻼﺵ ﺗﺒﻜﻲ ... ﻣﻦ ﺷﻴﺮﺓ ﺗﺤﺒﻮ ﻭﻣﻦ ﺷﻴﺮﺓ ﺗﺤﺒﺶ ﻳﻤﺴﻬﺎ .. ﻣﻦ ﺷﻴﺮﺓ ﺗﺤﺐ ﺗﺘﻤﺘﻊ ﻣﻌﺎﻩ ﻭﺗﻌﻴﺶ ﺩﻭﺭ ﺍﻟﻌﺮﻭﺳﺔ ! ﻭﻣﻦ ﺷﻴﺮﺓ ﻛﻴﻒ ﺗﺘﻔﻜﺮ ﻧﻈﺮﺓ ﺍﻟﺤﻘﺮﺓ ﻣﺘﺎﻋﻮ ﻣﻦ ﺍﻭﻝ ﻣﺎ ﺭﺍﻫﺎ ﻭﻣﻌﺒﺮﻫﺎﺵ ﺣﺘﻰ ﺑﺸﻄﺮ ﻋﻴﻦ ... ﻣﺎﺧﺬﺍﺵ ﺑﺨﺎﻃﺮﻫﺎ . ﻭﻻ ﺣﺎﻭﻝ ﻳﺘﻘﺮﺑﻠﻬﺎ ﻭﻳﻔﻬﻤﻬﺎ ... ﻭﺗﻮ ﺟﺎﻱ ﻳﺘﺮﻫﺪﻥ ﻭﻳﺤﺐ ﻳﺒﻮﺱ ﻭﻳﺪﺣﻨﺲ ﻛﺎﻳﻨﻮ ﻣﺎ ﺻﺎﺭ ﺷﻲ !! ﻫﻬﻪ ﺗﺤﻠﻢ ﻳﺎ ﺳﻲ ﻣﺤﻤﻮﺩ ... ﻛﺎﻥ ﺍﻧﺖ بﺰﻳﻨﻚ ﻭﺑﻐﺮﻭﺭﻙ ﺗﺴﺨﺎﻳﻞ ﺭﻭﺣﻚ ﺗﻨﺠﻢ ﺗﻤﻠﻚ ﻛﻞ ﺷﻲ ... ﺍﻧﺎ ... ﺍﻧﺎ ﺧﺪﻳﺠﺔ .. ﺍﻟﺒﻨﻴﺔ ﺍﻟﻀﻌﻴﻔﺔ ﺍﻟﻠﻲ ﻻ ﺣﻮﻝ ﻭﻻ ﻗﻮﺓ ﻟﻴﻬﺎ ﺑﺎﺵ ﺗﺎﻗﻔﻠﻚ ﻭﺑﺎﺵ ﺗﺘﺼﺪﺍﻟﻚ ... ﻭﺑﺎﺵ ﺗﻘﻠﻚ ﻻ ... ﻻ ﻣﻮﺵ ﻛﻞ ﺷﻲ ﺗﺤﺐ ﻋﻠﻴﻪ ﺑﺎﺵ ﺗﻠﻘﺎﻩ ﻳﺠﻴﻚ ﺑﺎﻟﺴﺎﻫﻞ ...

جام

✴✴✴✴