👑زواج تقليدي👑

👑 ﺍﻟﺤﻠﻘﺔ ﺍﻟﺜﺎﻧﻴﺔ...👑

👑👑

ﺗﻌﺪﺍﺕ ﺟﻤﻌﺔ ﻋﺎﻟﺤﻜﺎﻳﺔ ﻣﻊ ﺃﻣﻮ .. ﻓﻲ ﺍﻟﻠﻴﻞ ﻛﺎ ﻥ ﺳﺎﻫﺮ ﻫﻮ ﻭﻭﻟﺪﻭ ﻓﻲ ﺍﻟﺪﺍﺭ ... ﻛﺎﻥ ﻳﻮﺳﻒ ﺟﺎﻳﻮ ﺍﻟﻨﻮﻡ ﻭﻫﻮ ﻳﺮﻗﺪ ﻓﻴﻪ .. ﻧﻮﻗﺰ ﺗﻠﻴﻔﻮﻧﻮ .. ﻳﻠﻘﺎﻩ ﻣﻦ ﺩﺍﺭﻫﻢ . ﻫﺰ
ﺍﻟﻮﻭﻭ؟ ﻧﺎﺟﻴﺔ ؟ -
- ﻻ ﺳﻨﺎﺀ ﺍﺧﺘﻚ ﺍﺵ ﺣﻮﺍﻟﻚ ؟
- ﺣﻤﺪﺍﻟﻠﻪ ﻭﺍﻧﺘﻮﻣﺎ
- ﺍﺳﻤﻊ ﺑﺮﻙ .. ﺭﺍﻫﻲ ﺃﻣﻚ ﻣﺘﻮﺣﺸﺎﺗﻚ ﻳﺎﺳﺮ ﻭﻗﺎﺗﻠﻚ ﺍﻳﺠﺎ ﻃﻞ ﻋﻠﻴﺎ ..
- ﻫﻲ ﻭﻳﻨﻲ ﻫﻲ ﻫﺎﺕ ﻧﻜﻠﻤﻬﺎ ؟
- ﺭﺍﻫﻲ ﻣﺮﻳﻀﺔ ﻣﺎ ﺗﻘﺪﺭﺵ ..
- ﻣﺮﻳﻀﺔ ؟ ( ﺗﻔﺠﻊ ) ﻭﺷﺒﻴﻬﺎ ؟
- ﻭﺍﻟﻠﻪ ﺍﻟﺴﻜﺮ ﻭﺍﻟﺪﻡ ﻓﺮﻋﺴﻮﻟﻬﺎ ﺑﺪﻧﻬﺎ
- ﺳﻨﺎﺀ ﺑﺮﺑﻲ ﻻﺑﺎﺱ ﻣﺎﻫﻮ ؟
- ﻭﺍﻟﻠﻪ ﻻﺑﺎﺱ ﻣﺎﺗﺘﻔﺠﻌﺶ .. ﻏﻴﺮ ﻣﺴﺘﺎﺣﺸﺎﺗﻚ ﺍﻧﺖ ﻭﻳﻮﺳﻒ ..
- ﺑﺎﻫﻲ ﺑﺎﻫﻲ .. ﻏﺪﻭﺓ ﻧﻘﺺ ﻭﻧﺠﻲ ﺍﻧﺸﺎﻟﻠﻪ
- ﻋﻴﺶ ﺧﻮﻳﺎ ﺭﺑﻲ ﻣﻌﺎﻙ
ﺑﻌﺪ ﻧﻬﺎﺭﻳﻦ ﻛﺎﻥ ﻗﺪﺍﻡ ﺩﺍﺭﻫﻢ ... ﻳﻮﺳﻒ ﻛﺎﻥ ﻣﺘﻘﻠﻖ ﻭﺗﺎﻋﺐ ﻭﻫﻮ ﺷﺎﺩﻭ ﻣﻦ ﻳﺪﻭ ﻭﺍﻟﻴﺪ ﻟﺨﺮﻯ ﺍﻟﻔﻠﻴﺠﺔ ﻣﺘﺎﻋﻬﻢ .. ﺣﻠﺖ ﺳﻨﺎﺀ ﺍﺧﺘﻮ ﺍﻟﺒﺎﺏ ﻭﺑﺪﺍﺕ ﺗﺒﻮﺱ ﻓﻴﻪ ﻭﺗﻌﻨﻖ
- ﺧﻮﻳﺎ ﻣﺤﻤﻮﺩ؟ ﻣﺮﺣﺒﺎ ﺑﻴﻚ ﻣﺮﺣﺒﺎ .. ﺍﻣﻲ ﺯﻏﺮﻃﻲ ﺯﻏﺮﻃﻲ ﻫﺎﻭ ﻟﻌﺮﻳﺲ ﺟﺎﺀ ..
- ﻳﺎﺑﻨﺘﻲ ﻳﺰﻱ ﺑﻼ ﻓﻀﺎﻳﺢ ؟ ﺍﺵ ﻓﻤﺎ ؟
ﻭﺧﺮﺟﺖ ﺍﻣﻮ ﻣﻦ ﺍﻟﺪﺍﺭ ﺗﺒﻮﺱ ﻭﺗﻮﺷﺤﻞ .. ﻗﻌﺪﺕ ﻣﻌﻨﻘﺘﻮ ﻭﺗﺒﻜﻲ ..
ﻳﺎﻭﻟﻴﺪﻱ ﺗﻮﺣﺸﺘﻚ .. ﺗﻮﺣﺸﺘﻚ
- ﺗﻲ ﻫﺎﻛﻲ ﻻﺑﺎﺱ ؟ ﻋﻼﺵ ﻓﺠﻌﺘﻨﻲ ﻋﻠﻴﻚ ؟
- ﻭﺍﻟﻠﻪ ﻛﻨﺖ ﻣﺮﻳﻀﺔ ( ﻭﺷﺪﺕ ﻳﻮﺳﻒ ﺗﺒﻮﺱ ﻓﻴﻪ ﻭﺣﻀﻨﺘﻮ ﺑﺎﻟﻘﻮﻱ ) ﺗﻮ ﻭﻳﻦ ﺗﺬﻫﻨﺖ ﺷﻮﻱ .. ﻛﻴﻒ ﺳﻤﻌﺖ ﺑﻴﻚ ﺟﺎﻱ
ﻭﺩﺧﻠﻮ ﻟﻠﺪﺍﺭ ﻓﺮﺣﺎﻧﻴﻦ ﺑﻴﻪ ﻭﺍﻣﻮ ﻣﺮّﺓ ﺗﺒﻮﺳﻮ ﻭﻣﺮﺓ ﺗﺒﻮﺱ ﻭﻟﺪﻭ .. ﻛﺎﻧﺖ ﺃﻣﻮ ﻭﺃﺧﺘﻮ ﺳﻨﺎﺀ ﻋﺎﻳﺸﻴﻦ ﻭﺣﺪﻫﻢ ﺑﻌﺪ ﻣﺎﻣﺎﺕ ﺑﻮﻩ .. ﺳﻨﺎﺀ ﻣﺨﻄﻮﺑﺔ ﻭﻋﺮﺳﻬﺎ ﻓﻲ ﺍﻟﺼﻴﻒ .. ﻫﻮ ﻭﻟﺪﻫﺎ ﺍﻟﺒﻜﺮﻱ .. ﻋﻤﺮﻭ 37 ﺳﻨﺎ ﻫﻮ ﻭﺍﺧﺘﻮ ﺑﻴﻨﺎﺗﻬﻢ 11 ﺳﻨﺎ ﺍﻣﻮ ﺟﺎﺑﺘﻬﺎ ﺑﻌﺪ ﻣﺎ ﻛﺒﺮ ﻫﻮ .. ﻫﺎﻛﺎ ﻋﻼﺵ ﻳﺤﺲ ﺭﻭﺣﻮ ﻣﺴﺆﻭﻝ ﻋﻠﻴﻬﺎ ..
ﻋﺸﻴﺔ ﻛﺎﻣﻠﺔ ﻭﻫﻮﻣﺎ ﻫﺮ ﻫﺮ .. ﻭﻫﻮ ﻳﺪﻛﻚ ﻋﻠﻯﻰ ﺍﻣﻮ ﻭﻋﺎﻣﻞ ﻋﻠﻴﻬﺎ ﺟﻮ .. ﺳﻨﺎﺀ ﻫﺰﺕ ﻳﻮﺳﻒ ﻓﻄﺮﺗﻮ ﻭﺭﻗﺪﺗﻮ .. ﻳﻮﺳﻒ ﻛﺎﻥ ﻃﻔﻞ ﻋﺎﻗﻞ ﻣﺎ ﻳﺘﻜﻠﻤﺶ ﺑﺮﺷﺎ .. ﻣﺰﻳﺎﻥ .. ﺷﻌﺮﻭ ﺍﺻﻔﺮ ﻻﻣﻮ ﻭﻋﻴﻨﻴﻪ ﺷﻬﻞ ﻭﻛﺒﺎﺭ ﻟﺒﻮﻩ ﻭﻗﺸﺮﺗﻮ ﻗﻤﺤﻴﺔ ﺯﺍﺩﺓ ﻟﺒﻮﻩ .. ﺍﻟﺤﺎﺳﻞ ﻃﻔﻞ ﻳﺘﺎﻛﻞ ﻣﺎﻛﻠﺔ .. ﺍﻣﺎ ﺩﻳﻤﺎ ﻣﻨﻄﻮﻱ ﻋﻠﻰ ﻧﻔﺴﻮ ... ﺣﺘﻰ ﻓﻲ ﺍﻟﺤﻀﺎﻧﺔ ﻣﺎﻋﻨﺪﻭﺵ ﺍﺧﺘﻼﻁ ﺑﺎﻟﺼﻐﺎﺭ .. ﻳﻤﻜﻦ ﺑﺤﻜﻢ ﺍﻧﻮ ﻣﺘﺮﺑﻲ ﻭﺣﺪﻭ .. ﻭﺣﺘﻰ ﺍﻟﻤﺮﺑﻴﺎﺕ ﺍﻟﻠﻲ ﻳﺠﻴﺒﻬﻮﻣﻠﻮ ﻣﺎﻳﺤﻜﻴﻮﺵ ﻣﻌﺎﻩ .. ﻛﺎﻥ ﺑﺎﻟﻨﺴﺒﺔ ﻟﻴﻬﻢ ﺧﺪﻣﺔ .. ﻳﺪﺧﻠﻮ ﺑﺎﻟﻮﻗﺖ ﻭﻳﺮﻭﺣﻮ ﺑﺎﻟﻮﻗﺖ . ﻣﺎ ﻓﻤﺎﺵ ﻣﺸﺎﻋﺮ ﻧﺎﺣﻴﺔ ﻫﺎﻙ ﺍﻟﻄﻔﻞ ﺍﻟﺼﻐﻴﺮ ﻭﻟﻴﺘﻴﻢ ..
ﺳﺄﻟﺘﻮ ﻧﺎﺟﻴﺔ ﺍﻣﻮ :
- ﺍﺵ ﻋﻤﻠﺖ ﻓﻲ ﻫﺎﻙ ﺍﻟﻤﻮﺿﻮﻉ ﺍﻟﻠﻴﺤﻜﻴﻨﺎ ﻓﻴﻪ ؟
ﺍ - ﺍﻧﺎ ﻣﻮﺿﻮﻉ ؟
- ﻫﺎﻭﻟﻴﺪﻱ ﺑﻼﻫﻲ ﻻ ﺗﻬﺒﻠﻨﻲ ؟ ﻣﺎﻧﺎ ﺣﻜﻴﻨﺎ ﻓﻴﻪ ؟ ﻳﺎﺧﻲ
ﻟﻴﻤﺘﺎ ﺗﻘﻌﺪ ﻫﻜﺎ ﺑﺎﻝ ﻣﺮﺍ ؟ ﺭﺍﻙ ﻛﺒﺮﺕ ..
ﺿﺤﻚ ﻭﻏﺰﺭﻟﻬﺎ . ( ﻫﻮ ﺑﻼ ﻣﺮﺍ ﻣﺎ ﻳﻘﻌﺪﺵ .. ﻳﻌﻨﻲ ﻋﻨﺪﻭ ﻋﻼﻗﺎﺕ .. ﺑﺮﺷﺔ ﻋﻼﻗﺎﺕ ﻋﻤﻠﻬﻢ ﻣﻊ ﺍﻟﻨﺴﺎﺀ ... ﺍﻣﺎ ﺣﺘﻰ ﻭﺣﺪﺓ ﻻ ﻣﻼﺗﻠﻮ ﺍﻟﻔﺮﺍﻍ ﻣﺘﺎﻉ ﻣﺮﺗﻮ .. ﻛﺎﻧﺖ ﻋﻼﻗﺎﺗﻮ ﺳﻄﺤﻴﺔ .. ﺃﺳﺎﺳﻬﺎ ﺭﻏﺒﺔ ﻭﺍﺣﺘﻴﺎﺝ ﺑﺮﻙ .. )
- ﺭﺑﻲ ﻳﻬﺪﻳﻚ ﻫﺎ ﻧﺎﺟﻴﺔ ﺟﺎﻳﺒﺘﻨﻲ ﻣﻦ ﻏﺎﺩﻱ ﻟﻬﻨﺎ .. ﻓﺠﻌﺘﻴﻨﻲ ﻋﻠﻴﻚ ﺑﺎﺵ ﻣﺒﻌﺪ ﻧﻌﺮﻑ ﺍﻟﻠﻲ ﻫﻲ ﺧﻄﺔ ﻣﻨﻚ ﺑﺎﺵ ﺗﻌﺮﺳﻴﻠﻲ .. ﻭﺯﻳﺪ ﺑﻨﺘﻚ ﻣﺴﺘﻘﺒﻠﺘﻨﻲ ﻣﻦ ﺍﻟﺒﺎﺏ ﻫﺎﻭ ﻟﻌﺮﻳﺲ ﻫﺎﻭ ﻟﻌﺮﻳﺲ ﺟﺎﺀ ... ﻭﺍﻟﻠﻪ ﺻﺤﺔ ﻋﻠﻴﻜﻢ .. ﺯﻟﺒﺤﺘﻮﻧﻲ ﺍﻟﺰﻭﺯ ﻭﺧﻠﻴﺘﻮﻧﻲ ﻧﺴﻴﺐ ﺧﺪﻣﺘﻲ ﻭﺍﻣﻮﺭﻱ ﻭﻧﺠﻲ .. ﺍﺷﻜﻮﻧﻲ ﻫﺎ ﺍﻟﻤﺮﺍ ﺍﻟﻠﻲ ﺗﺤﻜﻲ ﻋﻠﻴﻬﺎ ﺑﺮﺑﻲ؟
- ﻳﺎﻋﻨﺒﻮ ﺯﻳﻦ ﻭﻟﺪﻱ ( ﻭﺿﺤﻜﺖ ﻭﺑﺎﺳﺘﻮ ) ﺑﻨﻴﺔ ﻋﺎﻗﻠﺔ ﺑﻨﺖ ﻋﻤﻚ ﺻﺎﻟﺢ ﺍﻟﻠﻲ ﻛﺎﻥ ﻳﺨﺪﻡ ﻓﻲ ﺍﻟﺒﻮﺳﺘﺔ .. ﻃﻔﻠﺔ ﻳﺘﻴﻤﺔ .. ﻋﺎﻳﺸﺔ ﻣﻊ ﻣﺮﺕ ﺑﻮﻫﺎ ﻣﻮﺭﻳﺘﻬﺎ ﺷﺮ ﺍﻟﺸﻌﻒ .
- ﻧﺎﺟﻴﺔ .. ( ﻗﺺ ﻋﻠﻴﻬﺎ ) ﻳﺎﺧﻲ ﺍﻧﺎ ﺣﺎﻟﻞ ﻣﻠﺠﺄ ﻟﻼﻳﺘﺎﻡ .. ﺍﺵ ﻳﻬﻤﻨﻲ ﻓﻴﻬﺎ ﺍﻧﺎ ؟ ﻳﺎﺧﻲ ﻋﺮﺱ ﻫﺬﺍ ﺭﺍﻫﻮ ﻣﻮﺵ ﻟﻌﺒﺔ
- ﻻ ﻻ ﻭﻟﻴﺪﻱ ﻧﻌﺮﻑ .. ﺍﻣﺎ ﻫﻲ ﺫﺍﻗﺖ ﺍﻟﻴﺘﻢ ﻭﻣﺎ ﻳﺤﺲ ﺑﺎﻟﻴﺘﻴﻢ ﻛﺎﻥ ﺍﻟﻠﻲ ﺫﺍﻕ ﺣﺘﻰ ﻫﻮ ﻫﺎﻛﻲ ﻋﻼﺵ ﺷﺘﻬﻴﺘﻬﺎﻟﻚ ﻭﻟﻴﺪﻱ .. ﻫﺬﻳﻚ ﻫﻲ ﺍﻟﻠﻲ ﺑﺎﺵ ﺗﺮﺑﻴﻠﻚ ﻭﻟﺪﻙ ﻭﺗﺘﻠﻬﺎ ﺑﻴﻪ ..
- ﻳﺎﺧﻲ ﻫﻜﺔ ﻫﻲ ﺍﻟﻤﺎﺧﺬﺓ ؟ ﻳﺎﺑﻨﺘﻰ ﺭﺍﻧﻲ ﻧﺤﻜﻢ ﻓﻲ ﺷﺮﻛﺎﺕ .. ﻣﺎﺗﻌﺮﻓﻴﺶ ﻗﻴﻤﺔ ﻭﻟﺪﻙ ﻭﻻ ﺷﻨﻮﺓ ؟ ﺑﺎﺵ ﻧﺎﺧﺬ ﻣﺮﺍ ﺍﻟﻠﻰ ﺗﺠﻲ ﻫﻜﺎﻛﺔ ؟
- ﻫﺎﻙ ﺧﺬﻳﺖ ﻭﺣﺪﻙ ﺍﻟﻤﺮﺓ ﺍﻷﻭﻟﻰ .. ﻭﺣﺪﺓ ﻗﺎﻭﺭﻳﺔ ﻻ ﻃﻘﻨﺎﻫﺎ ﻭﻻ ﻃﺎﻗﺘﻨﺎ .. ﻛﻨﺖ ﺣﺘﻰ ﻛﻴﻒ ﺗﺠﻲ ﻗﺒﻞ ﻣﺎﺗﺠﻴﺶ ﻣﻌﺎﻙ .. ﻭﻣﺎ ﺗﺤﺒﺶ ﺍﺻﻞ ﺗﺸﻮﻓﻨﺎ .. ﻣﺎﻙ ﺟﺮﺑﺖ .. ﻭﺧﺬﻳﺖ ﺍﻟﻠﻲ ﺑﺎﻟﻚ ﻓﻴﻬﺎ .. ﺗﻮ ﺍﺳﻤﻊ ﻛﻼﻣﻲ ﻋﻴﺶ ﻭﻟﺪﻱ .. ﺭﺍﻧﻲ ﺍﻣﻚ ﻭﻣﺎ ﻧﻐﺮﺵ ﺑﻴﻚ ... ﻣﺎﺧﻴﺮﺵ ﻣﻦ ﻋﺮﺑﻴﺔ ﺗﺼﻮﻧﻚ ﻭﺗﺼﻮﻧﻠﻚ ﻋﺮﺿﻚ ﻭﺗﺤﺎﻓﻆ ﻋﻠﻴﻚ ﻭﻋﻠﻰ ﻭﻟﺪﻙ .. ﺍﺧﻲ ﺍﻧﺖ ﺑﺎﺵ ﺗﻌﻤﻠﻬﺎ ﺑﻮﺭﺗﻮﻛﻠﻲ ﻓﻲ ﻳﺪﻙ ؟ ﻫﺎﻭﻳﻨﻲ ﺗﻘﻌﺪ ﻓﻲ ﺩﺍﺭﻫﺎ ﻣﻊ ﻭﻟﺪﻙ ﻭﺍﻧﺖ ﺑﺮﺓ ﺍﻋﻤﻞ ﺍﻟﻠﻲ ﺗﺤﺐ .. ﻣﺎ ﺷﺎﺩﻙ ﺣﺪ ..
ﻭﻗﻌﺪﺕ ﻋﺸﻴﺔ ﻛﺎﻣﻠﺔ ﻭﻫﻲ ﺗﻘﻨﻊ ﻓﻴﻪ .. ﻓﻲ ﻫﺎﻧﻲ ﺑﺎﺵ ﻧﻤﻮﺕ .. ﻓﻲ ﻧﺤﺐ ﻧﺘﻬﻨﻰ ﻋﻠﻴﻚ .. ﻟﻴﻦ ﻛﺴﺮﺗﻠﻮ ﺭﺍﺳﻮ ﻭﻭﺍﻓﻖ ....
جااااادور❤

✴✴✴✴