👑زواج تقليدي👑

👑ﺍﻟﺤﻠﻘﺔ ﺍﻟﺜﺎﻟﺜﺔ ﻋﺸﺮ...👑

👑👑

ﻛﻴﻒ ﺣﻠﺖ ﻋﻴﻨﻴﻬﺎ ﺍﻟﺼﺒﺎﺡ ﺗﺴﺨﺎﻳﻞ ﺭﻭﺣﻬﺎ ﺗﺤﻠﻢ .... ﻟﻘﺎﺕ ﻭﺟﻬﻬﺎ ﻏﺎﻃﺲ ﻓﻲ ﻭﺳﻂ ﺻﺪﺭﻭ .. ﻭﻫﻮ ﻣﻌﻨﻘﻬﺎ .. ﻣﻮﺵ ﻣﻌﻨﻘﻬﺎ ﻣﻜﺒﺶ ﻓﻴﻬﺎ .. ﺗﺴﻤﻊ ﻓﻲ ﺩﻗﺎﺕ ﻗﻠﺒﻮ ﻓﻲ ﻭﺫﻧﻴﻬﺎ .. ﻫﺰﺕ ﺭﺍﺳﻬﺎ ﺷﻮﻳﺔ ﻭﻗﻌﺪﺕ ﺗﻐﺰﺭﻟﻮ .. ﻛﺎﻥ ﻳﺘﻨﻔﺲ ﺑﺎﻟﺸﻮﻳﺔ .. ﻭﺟﻬﻮ ﻣﺮﺗﺎﺡ ﻭﻫﻮ ﺭﺍﻗﺪ .. ﺭﻳﺤﺘﻮ ﺑﻨﻴﻨﺔ .. ﻋﺪﺍﺕ ﺻﻮﺍﺑﻌﻬﺎ ﻋﻠﻰ ﺻﺪﺭﻭ ﺑﺎﻟﺸﻮﻳﺔ .. ﻫﻪ ﻣﻮﺵ ﻣﺼﺪﻗﺔ .. ﻭﺍﻟﻠﻪ ﻻﻫﻲ ﻣﺼﺪﻗﺔ ... ﺑﻠﺤﻖ ﻛﺎﻧﺖ ﺗﺴﺨﺎﻳﻞ ﺭﻭﺣﻬﺎ ﺗﺤﻠﻢ .. ﻫﻲ ﻗﺎﻟﺖ ﻟﻠﺮﺍﺟﻞ ﻫﺬﺍ ﻣﺎﻧﺤﺒﺶ ﻧﻌﻤﻞ ﻋﻼﻗﺔ ﻣﻌﺎﻙ؟ ﻫﻲ ﺣﺮﻣﺖ ﺭﻭﺣﻬﺎ ﻣﻦ ﺍﻟﺤﻨﻴﺔ ﻣﺘﺎﻉ ﺻﺪﺭﻭ ؟ ﻫﻲ ﺣﺮﻣﺖ ﺭﻭﺣﻬﺎ ﻣﻦ ﺗﻌﻨﻴﻘﺘﻮ .. ﻣﻦ ﺗﺒﺴﻴﻤﺘﻮ .. ﻣﻦ ﻳﺪﻳﻪ ﺍﻟﻠﻲ ﺣﻀﻨﻮﻫﺎ ؟ ﻫﻲ ﺣﺮﻣﺖ ﺭﻭﺣﻬﺎ ﻣﻦ ﺑﺪﻧﻮ ﺍﻟﺪﺍﻓﻲ ؟ ﻣﻦ ﺷﻔﺎﻳﻔﻮ ﺍﻟﺤﻠﻮﻳﻦ ؟ ﺍﻫﻬﻬﻬﻬﻬﻬﻬﻬﻬﻬﻪ ﻳﺎﻣﻴﻤﺘﻲ ؟ ﻳﺎ ﻣﻴﻤﺘﻲ ﻗﺪﺍﺵ ﺣﻨﻴﻦ ؟ ﻗﺪﺍﺵ ﺣﻨﻴﻦ .. ﻗﺪﺍﺵ ﺣﻨﻴﻦ !!! ﻗﺪﺍﺵ ﻫﻮ ﺭﻗﻴﻖ .. ﺑﻌﻤﺮﻫﺎ ﻣﺎ ﺗﺼﻮﺭﺕ ﻓﻲ ﺣﻴﺎﺗﻬﺎ ﺍﻧﻬﺎ ﺑﺎﺵ ﺗﻘﺎﺑﻞ ﻭﺍﺣﺪ ﻛﻴﻔﻮ .. ﺍﻭﻝ ﻣﺮﺓ .. ﺍﻭﻝ ﻣﺮﺓ ﻓﻲ ﺣﻴﺎﺗﻬﺎ ﺗﺤﻂ ﺭﺍﺳﻬﺎ ﻭﺗﺮﻗﺪ ﻭﻫﻲ ﺣﺎﺳﺔ ﺑﺎﻷﻣﺎﻥ .. ﺍﻭﻝ ﻣﺮﺓ ﻣﺎﺗﺒﺎﺗﺶ ﺧﺎﻳﻔﺔ .. ﻣﺎﺗﺒﺎﺗﺶ ﻭﻫﻲ ﺩﻣﻮﻋﻬﺎ ﻋﻠﻰ ﺧﺪﻫﺎ ... ﻣﺤﻼ ﺻﺪﺭﻭ .. ﻣﺤﻼ ﻳﺪﻳﻪ .. ﺗﺒﺴﻤﺖ ﻭﻣﻮﺵ ﺣﺎﺳﺔ ﺑﺼﻮﺍﺑﻊ ﻳﺪﻳﻬﺎ ﺍﻟﻠﻲ ﻗﻌﺪﺕ ﺗﻤﺸﻲ ﻭﺗﺠﻲ ﻓﻮﻕ ﺻﺪﺭﻭ ... ﺣﺴﺖ ﺑﻴﺪﻭ ﺷﺪﺗﻠﻬﺎ ﻳﺪﻫﺎ .. ﻫﺰﺕ ﺭﺍﺳﻬﺎ ﻣﻔﺠﻮﻋﺔ .. ﺟﺎﺕ ﻋﻴﻨﻴﻬﺎ ﻓﻲ ﻋﻴﻨﻴﻪ ... ﻫﺰﻟﻬﺎ ﺻﻮﺍﺑﻌﻬﺎ ﻭﺑﺎﺳﻬﻢ
- ﺻﺒﺎﺡ ﺍﻟﺨﻴﺮ .. ﺭﻗﺪﺕ ﻣﻠﻴﺢ ؟
- ﺍﻣﻤﻤﻤﻢ . ﻭﻃﺒﺴﺖ ﺭﺍﺳﻬﺎ ﺣﺎﺷﻤﺔ ... ﻭﻓﺮﺣﺎﻧﺔ .. ﻓﺮﺣﺎﻧﺔ ... ﻓﺮﺣﺎﻧﺔ ... ﻋﺎﻭﺩﺕ ﺣﻄﺖ ﺭﺍﺳﻬﺎ ﻓﻮﻕ ﺻﺪﺭﻭ ﻭﺗﺒﺴﻤﺖ ﻣﻊ ﺗﻨﻬﻴﺪﺓ .. ﺣﺴﺖ ﺻﺪﺭﻭ ﻳﺘﻬﺰ ﻭﻳﺘﺤﻂ ... ﻛﺎﻥ ﻳﻀﺤﻚ ..
- ﺑﺎﺵ ﺗﻘﻌﺪ ﻻﺳﻘﺘﻨﻲ ﻛﻴﻒ ﺍﻟﺒﻘﺔ ؟ ﻭﻻ ﺑﺎﺵ ﺗﻘﻮﻡ ﺗﺤﻀﺮﻟﻲ ﺍﻟﻔﻄﻮﺭ .. ﺣﺎﺳﺲ ﺭﻭﺣﻲ ﺟﻴﻌﺎﻥ ..
ﻋﺎﻭﺩﺕ ﻫﺰﺕ ﺭﺍﺳﻬﺎ ﻏﺰﺭﺗﻠﻮ .. ﻛﺎﻥ ﻳﻀﺤﻚ ﺷﺎﻳﺦ ﻋﻠﻴﻬﺎ .. ﻭﺟﻬﻬﺎ ﺍﺣﻤﺎﺭ ﻭﻫﻮ ﻏﻤﺰﻫﺎ ﻭﺷﺪﻟﻬﺎ ﺧﺪﻭﺩﻫﺎ ﺑﻴﻦ ﻳﺪﻳﻪ ﺑﺪﺍ ﻳﻐﻔﺺ ﻓﻴﻬﻢ
- ﻫﻬﻬﻪ ﻓﻲ ﺑﺎﻟﻚ ﺍﻟﺒﺎﺭﺡ ﺭﻗﺪﺕ ﺍﺣﻠﻰ ﻧﻮﻣﺔ .. ﺍﻣﺎ ﻫﺎﻭﻙ ﻣﻠﺘﺰﻡ ﺑﺎﺗﻔﺎﻗﻨﺎ ؟ ﻓﻲ ﺑﺎﻟﻚ ﺍﻟﻠﻲ ﺍﻧﺖ ﺣﻠﻮﺓ ﺑﺮﺷﺔ ﻛﻴﻒ ﺗﻘﻮﻡ ﺍﻟﺼﺒﺎﺡ؟ ﻭﻗﺮﺏ ﺷﻔﺎﻳﻔﻮ .. ﻭﻫﻲ ﺑﺪﺍﺕ ﺗﺮﻋﺶ ﻭﻏﻤﻀﺖ ﻋﻴﻨﻴﻬﺎ .. ﺳﺎﻱ ﻣﺎﻋﺎﺩﺵ ﻓﻴﻬﺎ .. ﺍﻟﻠﻲ ﻳﺼﻴﺮ ﺧﻠﻲ ﻳﺼﻴﺮ .. ﺣﺴﺖ ﺑﺸﻔﺎﻳﻔﻮ ﻓﻮﻕ ﺧﺸﻤﻬﺎ .. ﻫﻬﻪ ﺑﺎﺳﻬﺎ ﻣﻦ ﺧﺸﻤﻬﺎ .. ﻭﻗﺎﻡ ﺑﺎﻟﺸﻮﻳﺔ ﺑﻌﺪ .. ﺣﺴﺖ ﺑﺎﻟﺒﺮﺩ ﺑﻌﺪ ﺍﻟﺪﻓﺎﺀ ﻣﺘﺎﻉ ﻟﻴﻠﺔ ﻛﺎﻣﻠﺔ .. ﻏﻤﻀﺖ ﻋﻴﻨﻴﻬﺎ ﻭﺭﻣﺎﺕ ﺭﺍﺳﻬﺎ ﻋﺎﻟﻤﺨﺪﺓ .. ﻣﺎ ﺗﺤﺒﺶ ﺗﻔﻴﻖ ... ﻣﺎﺗﺤﺒﺶ ﺗﻔﻴﻖ ﻣﻦ ﺍﻟﺤﻠﻤﺔ .. ﻣﺎ ﺗﺤﺒﺶ ﺗﻤﺴﺢ ﺍﻻﺣﺎﺳﻴﺲ ﺍﻟﻠﻲ ﻓﻲ ﺑﺪﻧﻬﺎ ﺍﻟﻜﻞ .. ﻫﻮ ﻳﻌﺮﻑ ﻛﻴﻔﺎﺵ ﻳﺘﺤﻜﻢ ﻓﻲ ﺭﻭﺣﻮ .. ﻳﻌﺮﻑ ﻳﺴﻴﻄﺮ .. ﺍﻟﻤﺸﻜﻠﺔ ﻓﻴﻬﺎ ﻫﻲ .. ﺑﺪﻧﻬﺎ .. ﺑﺪﻧﻬﺎ ﺷﻌﻞ ... ﻫﻮ ﻣﺤﺎﻓﻆ ﻋﻠﻰ ﺍﻻﺗﻔﺎﻕ ﻭﻫﻲ ﻣﺎﻋﺎﺩﺵ ﻓﻴﻬﺎ ... ﻗﺎﻡ ﻣﻦ ﺍﻟﻔﺮﺵ ﺣﺴﺘﻮ .. ﻣﺎ ﺷﺎﻓﺘﺶ ﻋﻴﻨﻴﻪ ﺍﻟﻠﻲ ﺷﺎﻋﻠﺔ ﺭﻏﺒﺔ .. ﻛﺎﻥ ﺷﺎﺩﺩ ﺭﻭﺣﻮ ﺑﺎﻟﺴﻴﻒ ﺍﻭﻝ ﻣﺮﺓ ﻳﺤﺲ ﺑﺎﻟﻄﺮﻳﻘﺔ ﻫﺬﻱ ..ﺍﻭﻝ ﻣﺮﺓ ﻗﻠﺒﺔ ﻳﺪﻕ ﺑﺎﻟﻘﻮﻱ ... ﺍﻟﻤﺸﺎﻋﺮ ﻫﺬﻱ ﻳﺴﺨﺎﻳﻞ ﺭﻭﺣﻮ ﻧﺴﺎﻫﺎ ﻭﻛﺒﺮ ﻋﻠﻴﻬﺎ .. ﺍﻣﺎ ﻳﻠﺰﻣﻮ ﻳﺼﺒﺮ ... ﻳﺼﺒﺮ ﻣﻮﺵ ﻋﻠﻰ ﺧﺎﻃﺮﻫﺎ ﻫﻲ ﺑﺮﻙ .. ﻋﻠﻰ ﺧﺎﻃﺮﻭ ﻫﻮ ﺯﺍﺩﺓ .. ﻳﻠﺰﻡ ﻳﻔﻬﻢ ﻣﺸﺎﻋﺮﻭ ﻭﻳﺴﺘﻮﻋﺒﻬﺎ .. ﺑﺮﺷﺔ ﺣﺎﺟﺎﺕ ﺣﺴﻬﺎ ﺗﺼﺒﺖ ﻣﻊ ﺑﻌﻀﻬﺎ .. ﻣﺎ ﻋﺎﺩﺵ ﻓﺎﻫﻢ ﺭﻭﺣﻮ .. ﺑﻠﺤﻖ ﻣﺎﻋﺎﺩﺵ ﻓﺎﻫﻢ ﺭﻭﺣﻮ .... ﻗﺪﺍﺵ ﺭﻗﻴﻘﺔ ﻭﺣﻀﻨﻬﺎ ﺣﻨﻴﻦ ﻭﺩﺍﻓﻲ .. ﻛﺎﻥ ﻳﻠﻘﻰ ﻳﻘﻌﺪ ﻣﻌﻨﻘﻬﺎ ﻧﻬﺎﺭ ﻛﺎﻣﻞ ... ﺍﻣﺎ ﺧﺎﻳﻒ .. ﺧﺎﻳﻒ ﻻﻣﺎ ﻳﺸﺪﺵ ﺭﻭﺣﻮ ﻭﻳﻔﺴﺪ ﻛﻞ ﺷﻲ ... ﻫﻲ ﺗﺤﺐ ﺗﻜﻮﻥ ﻟﻴﻠﺘﻬﻢ ﻣﻤﻴﺰﺓ .. ﺗﺤﺐ ﻟﻴﻠﺘﻬﺎ ﻟﻮﻟﺔ ﻣﻌﺎﻩ ﺗﻜﻮﻥ ﻣﻤﻴﺰﺓ ﻭﻫﻮ ﺑﺎﺵ ﻳﺤﻘﻘﻠﻬﺎ ﺍﻟﻠﻲ ﺗﺤﺒﻮ .. ﺗﻠﻔﺖ ﻳﻠﻘﺎﻫﺎ ﻣﺎﺯﺍﻟﺖ ﻣﻐﻤﻀﺔ ﻋﻴﻨﻴﻬﺎ ﻭﻣﻐﻄﺴﺔ ﺭﺍﺳﻬﺎ ﻓﻲ ﺍﻟﻤﺨﺪﺓ .. ﺗﺒﺴﻢ . ﺣﺎﺳﺲ ﺑﻴﻚ ﻭﺍﻟﻠﻪ ﺣﺎﺳﺲ ﺑﻴﻚ ﻭﺍﻟﻔﺮﺻﺔ ﺍﻟﻠﻲ ﻃﻠﺒﺘﻬﺎ ﻣﻨﻲ ﺍﻧﺎ ﻣﺴﺘﺤﻘﻬﺎ ﺍﻛﺜﺮ ﻣﻨﻚ ﺗﻮ .. ﻃﺒﺲ ﻋﻠﻴﻬﺎ ﻭﺷﻮﺷﻠﻬﺎ ﻓﻲ ﻭﺫﻧﻬﺎ
- ﻫﻴﺎ ﻳﺎ ﺑﺨﻴﻠﺔ ﻗﻮﻡ ﻋﺎﺩ .. ﻧﺤﺐ ﻓﻄﻮﺭ ﺍﻟﺼﺒﺎﺡ ﻣﻦ ﻳﺪﻳﻚ ﺍﻧﺖ !!!
ﺣﻠﺖ ﻋﻴﻨﻴﻬﺎ ﻭﻗﺎﻣﺖ ﺗﺠﺮﻱ .. ﺣﺴﻬﺎ ﻣﺮﺑﻮﺛﺔ ﻭﺩﺍﺧﻠﺔ ﺑﻌﻀﻬﺎ
- ﺑﺎﻟﻄﺒﻴﻌﺔ ﻧﺤﻀﺮﻟﻚ ﺍﺣﻠﻰ ﻓﻄﻮﺭ .. ﻧﻤﺸﻲ ﻧﺸﻮﻑ ﻳﻮﺳﻒ .. ﻭﻧﺤﻀﺮﻫﻮﻟﻚ .
ﻛﻴﻒ ﺩﺧﻠﺖ ﻟﻠﻜﻮﺟﻴﻨﺔ .. ﻟﻘﺎﺕ ﺳﻨﺎﺀ ﻭﺣﻤﺎﺗﻬﺎ ﻗﺎﻋﺪﻳﻦ ﻳﻔﻄﺮﻭ ﻓﻲ ﺍﻟﻔﻴﺮﺍﻧﺪﺍ .. ﻛﺎﻧﺖ ﺍﻟﺸﻤﺲ ﺷﺎﺭﻗﺔ ﻭﺩﺍﻓﻴﺔ .. ﺯﺍﺩﺕ ﻋﻄﺎﺗﻬﺎ ﺷﺤﻨﺔ ﺇﻳﺠﺎﺑﻴﺔ .. ﻫﻲ ﺑﻄﺒﻴﻌﺘﻬﺎ ﺣﺎﺳﺔ ﺑﻨﺸﺎﻁ .. ﻧﺸﺎﻁ ﻗﻮﻱ .. ﻛﺎﻥ ﺗﻠﻘﺎ ﺣﻴﻂ ﺗﻜﺴﺮﻭ .. ﻛﺎﻧﺖ ﺗﺘﺒﺴﻢ .. ﺗﻠﻔﺘﺘﻠﻬﺎ ﺳﻨﺎﺀ ﻟﻘﺎﺕ ﻭﺟﻬﻬﺎ ﻣﻮﺭﺩ ﻋﺎﻃﻲ ﻋﺎﻟﻐﻮﺯ .. ﻏﻤﺰﺗﻬﺎ ﺑﻌﻴﻨﻴﻬﺎ .. ﻛﺎﻳﻨﻲ ﻓﺎﻳﻘﺔ ﺑﺎﻟﻠﻲ ﺻﺎﺭ ﺑﻴﻨﺎﺗﻬﻢ .. ﺗﻠﻔﺘﺖ ﺣﻤﺎﺗﻬﺎ ﺿﺤﻜﺘﻠﻬﺎ
- ﺍﻫﻼ ﺑﺎﻟﻌﺮﻭﺳﺔ ﺻﺒﺎﺡ ﺍﻟﺨﻴﺮ ﻳﺎ ﺑﻨﻴﺘﻲ .. ﻫﻲ ﺍﻳﺠﺎ ﺍﻓﻄﺮﻱ ﻣﻌﺎﻧﺎ ﻫﻲ ؟
ﻣﺸﺎﺗﻠﻬﺎ ﺑﺎﺳﺘﻬﺎ ﻣﻦ ﺟﺒﻴﻨﻬﺎ ﻭﻏﺰﺭﺕ ﺗﻠﻘﻰ ﻳﻮﺳﻒ ﻳﻠﻌﺐ ﻓﻲ ﺍﻟﺠﻨﻴﻨﺔ ﺑﺎﻳﺒﺎﺗﻠﻮ ..
- ﻻ ﺍﻣﻲ ﻧﺎﺟﻴﺔ ﻋﻴﺸﻚ .. ﻣﺤﻤﻮﺩ .. ﻣﺤﻤﻮﺩ ﻳﺤﺒﻨﻲ ﻧﺤﻀﺮﻟﻮ ﻟﻔﻄﻮﺭ .
ﺳﻨﺎﺀ ﺍﻟﻄﺮﺷﻘﺖ ﺑﺎﻟﻀﺤﻚ ﻭﺍﻣﻬﺎ ﻗﺤﺮﺗﻠﻬﺎ
- ﺃﻱ ﺑﻨﺘﻲ ﺣﻀﺮﻱ ﻓﻄﻮﺭ ﺭﺍﺟﻠﻚ ﻣﺎﻻ ﻻ .. ﻫﺎﻭﻙ ﻛﻞ ﺷﻲ ﻗﺪﺍﻣﻚ ﻓﻲ ﺍﻟﻜﻮﺟﻴﻨﺔ .. ﺍﻟﺪﺍﺭ ﺩﺍﺭﻙ ﻭﺩﺍﺭ ﺭﺍﺟﻠﻚ .. ﺍﻋﻤﻠﻲ ﺍﻟﻠﻲ ﺗﺤﺒﻲ
ﻋﺎﻭﺩﺕ ﺑﺎﺳﺘﻬﺎ
- ﻋﻴﺸﻚ ﺍﻣﻲ ﻧﺎﺟﻴﺔ ﺭﺑﻲ ﻳﺨﻠﻴﻚ
ﻭﻣﺸﺎﺕ ﺑﺪﺍﺕ ﺗﺤﻀﺮ ﻓﻲ ﺍﻟﻔﻄﻮﺭ .. ﺟﺎﺕ ﺑﺤﺬﺍﻫﺎ ﺳﻨﺎﺀ ﺗﻐﺴﻞ ﻓﻲ ﻛﺎﺳﻬﺎ
- ﺃﻳﺎ ﻋﺮﻭﺳﺔ ﺍﺣﻜﻴﻠﻲ ﺍﺵ ﺻﺎﺭ ﻳﺎ ﻟﻔﻌﺔ ؟
ﺿﺤﻜﺔ ﺑﺤﺸﻤﺔ
- ﻣﺎ ﺻﺎﺭ ﺷﻲ
- ﺍﻣﻤﻢ ﻣﺎﺻﺎر ﺷﻲ ؟ ﺑﺎﻫﻲ ﻣﻮﺵ ﻭﻗﺘﻮ ﺗﻮ .. ﻋﻨﺪﻱ ﻣﺤﻜﻤﺔ .. ﺍﻣﺎ ﻛﻴﻒ ﻧﺠﻲ ﺑﺎﺵ ﺗﺤﻜﻴﻠﻲ ﺑﺎﻟﺘﻔﺼﻴﻞ ﻣﻔﻬﻮﻡ ؟
ﺧﺮﺟﺖ ﺳﻨﺎﺀ ﻭﻗﻌﺪﺕ ﻫﻲ ﺍﻟﻄﻴﺐ ﻓﻲ ﺍﻟﻘﻬﻮﺓ .. ﻳﻮﺳﻒ ﺟﺎﺀ ﻳﻠﻌﺐ ﺑﺤﺬﺍﻫﺎ ﺣﻠﺖ ﺍﻟﺮﺍﺩﻳﻮ ﺗﻠﻘﻰ ﻏﻨﺎﻳﺔ ﻓﻴﺮﻭﺯ " ﺣﺒﻴﺘﻚ ﺑﺎﻟﺼﻴﻒ " ﻗﻌﺪﺕ ﺗﻐﻨﻲ ﻣﻌﺎﻫﺎ .. ﻣﺎﺣﺴﺖ ﻛﺎﻥ ﺑﻴﺪﻳﻦ ﺟﺒﺪﺗﻬﺎ ﻣﻦ ﺣﺰﺍﻣﻬﺎ ﻣﻦ ﺗﺎﻟﻲ
- ﺷﻜﻮﻥ ﺍﻟﻠﻲ ﺣﺒﻴﺘﻮ ﻓﻲ ﺍﻟﺼﻴﻒ ﻭﻓﻲ ﺍﻟﺸﺘﺎﺀ ؟ ﻭﺑﺎﺳﻬﺎ ﻣﻦ ﺭﻗﺒﺘﻬﺎ .. ﺭﻳﺤﺔ ﺍﻟﺠﺎﻝ ﺩﻭﺵ ﻣﺒﻨﻬﺎ ﻭﺑﺪﻧﻮ ﻣﺪﻓﺎﻩ
ﺑﺪﻧﻬﺎ ﺭﻋﺶ ﻭﻟﺨﻠﺦ
ﻣﺤﻤﻮﺩ ﻣﺤﻤﻮﺩ ﺍﻣﻚ ﻗﺎﻋﺪﺓ ﺍﻣﺎﻥ ؟
ﺑﻌﺪ ﻋﻠﻴﻬﺎ ﻭﺗﻠﻔﺖ ﻻﻣﻮ ﻳﻠﻘﺎﻫﺎ ﺗﻀﺤﻚ .. ﻫﺰ ﻳﻮﺳﻒ ﺑﺎﺳﻮ ﻭﻣﺸﺎ ﻻﻣﻮ ﺑﺎﺳﻬﺎ ﻣﻦ ﺟﺒﻴﻨﻬﺎ
ﻧﺠﻮﺗﺔ ﺍﻟﻐﺎﻟﻴﺔ ﻧﻌﻨﺒﻮ ﺯﻳﻨﻚ .. ﻭﺍﻟﻠﻪ ﻭﺣﺪﻙ ﻓﻲ ﺍﻟﻮﻫﺮﺓ ﻳﺎﺗﺤﻔﻮﻧﺔ
- ﻫﻬﻪ ﻫﻲ ﻫﻲ ﺯﻟﺒﺤﻨﻲ ﺯﻟﺒﺤﻨﻲ ﻳﺎ .. ( ﻗﺎﻟﺘﻬﺎﻟﻮ ﺑﺎﻟﺸﻮﻳﺔ ) ﺍﻟﻜﻼﻡ ﺍﻟﺤﻠﻮ ﻭﻻ ﻟﻤﺮﺗﻚ
- ﻫﻬﻬﻪ ﻳﺎ ﻣﻐﻴﺎﺭﺓ .. ﻣﺎﻓﻤﺎ ﺣﺘﻰ ﻭﺣﺪﺓ ﺗﺄﺧﺬ ﺑﻘﻌﺘﻚ .. ﺍﻧﺖ ﺍﻷﺻﻞ ﻭﺍﻟﺒﺎﻗﻲ ﺗﻘﻠﻴﺪ .. ﻫﻬﻪ
ﺟﺎﺕ ﺑﺤﺬﺍﻫﻢ ﺧﺪﻳﺠﺔ ﺣﻄﺖ ﺍﻟﻔﻄﻮﺭ ﻭﻫﻮ ﻳﻐﺰﺭﻟﻬﺎ ﻭﻳﻀﺤﻚ .. ﻣﺎ ﺑﻦ ﻫﺎﻙ ﺍﻟﻀﺤﻜﺔ ﻭﻣﺎ ﺣﻨﻬﺎ ... ﻗﻌﺪﺕ ﺗﻮﻛﻞ ﻓﻲ ﻳﻮﺳﻒ .. ﻭﻫﻮ ﻳﺸﺮﺏ ﻓﻲ ﺍﻟﻘﻬﻮﺓ
- ﺍﻣﻤﻢ ﺑﻨﻴﻨﺔ ﺍﻟﻘﻬﻮﺓ ﻳﻌﻄﻴﻚ ﺍﻟﺼﺤﺔ
- ﻻ ﻋﺎﺩ ﻣﻮﺵ ﺍﺑﻦ ﻣﻦ ﻗﻬﻮﺓ ﺍﻣﻲ ﻧﺎﺟﻴﺔ ؟
- ﺍﻣﻤﻢ ﻗﻬﻮﺓ ﻧﺎﺟﻴﺔ ﻣﺎﺗﺠﻲ ﻛﻴﻔﻬﺎ ﺣﺘﻰ ﻗﻬﻮﺓ ﻭﻏﻤﺰ ﺍﻣﻮ
- ﻻ ﺣﺘﻰ ﻣﺮﻳﺘﻚ ﻣﻘﺪﻳﺔ ﻭﺑﻨﺖ ﺩﺍﺭ ﻋﻠﻰ ﻗﺎﻋﺪﺓ .. ﺭﺑﻲ ﻳﻬﻨﻴﻜﻢ ﻭﻟﻴﺪﻱ .. ﻭﺭﺑﻲ ﻳﻔﺮﺣﻜﻢ
ﻗﻌﺪﻭ ﻳﺤﻜﻴﻮ ﻭﻳﻀﺤﻜﻮ ﺑﻌﺪ ﺷﻌﻞ ﺳﻴﻘﺎﺭﻭ ﻭﺑﺪﺍ ﻳﻨﻔﺦ
- ﺧﺴﺎﺭﺓ ﻭﺍﻟﻠﻪ ﺑﺎﺵ ﻧﺘﻮﺣﺸﻬ ﻫﺎﻟﻠﻤﺔ !!!
- ﻻﻩ ﻭﻟﻴﺪﻱ ﺍﻧﺸﺎﻟﻠﻪ ﺩﻳﻤﺎ ﻣﻠﻤﻮﻳﻴﻦ ؟
- ﺍﻧﺸﺎﻟﻠﻪ ﺍﻧﺸﺎﻟﻠﻪ .. ﺍﻣﺎ ﻛﻬﻮ ﻭﻗﻴﺖ ﻋﺎﺩ .. ﻳﻠﺰﻣﻨﻲ ﻧﺮﺟﻊ ﺑﺎﺵ ﻧﻘﻌﺪ ﺷﺎﺩﺩﻟﻚ ﺭﻛﺎﻳﺒﻚ ﻫﻨﺎ ﻫﻬﻪ .. ﻫﻤﻠﺖ ﺧﺪﻣﺘﻲ ﺑﺮﺷﺔ ﻭﺍﻟﻠﻪ
- ﺍﻭﻭﻭﻩ ﻳﺎ ﻭﻟﻴﺪﻱ ﺭﺍﺟﻊ
ﻭﻫﻲ ﺣﺴﺖ ﻗﻠﺒﻬﺎ ﻫﺒﻂ ﻭﺗﻔﺠﻌﺖ .. ﻧﺴﺎﺕ ﺍﻟﻠﻲ ﻫﻮ ﻳﺨﺪﻡ ﺍﻟﺒﺮﺍ ﻭﺍﻟﻠﻲ ﺣﻴﺎﺗﻮ ﺍﻟﻜﻞ ﻣﺮﺑﻮﻃﺔ ﻏﺎﺩﻱ .. ﻫﺰ ﺭﺍﺳﻮ ﻏﺰﺭﻟﻬﺎ .. ﺣﺲ ﺑﺎﻟﺨﻮﻑ ﻓﻲ ﻋﻴﻨﻴﻬﺎ .. ﺷﺪﻟﻬﺎ ﻳﺪﻫﺎ ﺣﺐ ﻳﻄﻤﻨﻬﺎ
- ﺃﻱ ﻭﻗﻴﺖ ﻳﺎﻣﻲ .. ﻳﻠﺰﻣﻨﻲ ﻧﺮﺟﻊ .. ﺑﺎﺵ ﻧﻬﺰ ﻣﺮﺗﻲ ﻭﻭﻟﺪﻱ ﻭﻧﻤﺸﻲ ..
ﻭﺿﺤﻜﻠﻬﺎ ﺿﺤﻜﺔ ﺣﻂ ﻓﻴﻬﺎ ﺍﻟﺤﻨﻴﺔ ﻣﺘﺎﻉ ﺍﻟﺪﻧﻴﺎ ﺍﻟﻜﻞ

جاااام✅✅

✴✴✴✴