👑زواج تقليدي👑

👑ﺍﻟﺤﻠﻘﺔ ﺍﻟﺜﺎﻟﺜﺔ...👑

👑👑

ﻗﻌﺪﺕ ﺧﺪﻳﺠﺔ ﺗﺒﻜﻲ ﻓﻲ ﺑﻴﺘﻬﺎ ﻭﻏﺎﻣﺔ ﻋﻠﻰ ﺭﺍﺳﻬﺎ ... ﻏﺎﻳﺬﺗﻬﺎ ﺭﻭﺣﻬﺎ .. ﻳﺤﺒﻮ ﻳﻌﺮﺳﻮﻟﻬﺎ ﻟﻮﺍﺣﺪ ﻣﺮﺗﻮ ﻣﻴﺘﺔ ﻭﻋﻨﺪﻭ ﺻﻐﻴﺮ .. ﻣﺮﺕ ﺑﻮﻫﺎ ﺍﻟﻜﻠﺒﺔ ﻣﺎﺻﺪﻗﺖ ﻟﺮﺑﻲ ﺗﺤﺐ ﺗﺮﺗﺎﺡ ﻣﻨﻬﺎ .. ﻻ ﺷﺎﻭﺭﻭﻫﺎ ﻻ ﺳﺎﻟﻮﻫﺎ .. ﺣﻴﻮﺍﻥ ﻫﻲ ﻋﺎﻳﺸﺔ ﻓﻲ ﻫﺎ ﺍﻟﺪﺍﺭ .. ﺟﺎﺀ ﺑﻮﻫﺎ ﺍﻟﺒﺎﺭﺡ ﻓﻲ ﺍﻟﻠﻴﻞ ﻗﺎﻟﻬﺎ ﻓﻤﺎ ﺷﻜﻮﻥ ﻳﺤﺐ ﻋﻠﻴﻚ ﻭﺑﺎﺵ ﻳﺠﻲ ﻏﺪﻭﺓ ﻳﺨﻄﺐ .. ﻫﻜﺎﻛﺔ ﻻ ﺗﻌﺮﻓﻮ . ﻻ ﺷﺎﻓﺘﻮ . ﻻ ﺣﻜﺎﺕ ﻣﻌﺎﻩ . ﻭﺯﻳﺪ ﻳﻘﻠﻬﺎ ﺍﺭﻣﻞ ﻭﻋﻨﺪﻭ ﻭﻟﺪ .. ﻋﻼﻩ؟ ﻳﺤﺐ ﻳﺪﻓﻨﻬﺎ ﺑﺎﻟﺤﻴﺎﺓ .. ﻳﺪﻓﻨﻠﻬﺎ ﺷﺒﺎﺑﻬﺎ ﻣﻊ ﻭﺍﺣﺪ ﻛﺒﻴﺮ .. ﺍﺵ ﻋﻤﻠﺖ؟ ﺍﺍﺍﺍﺍﺍﺍﺍﺍﺍﺍﺍﺍﺍﻩ ﻳﺎﻣﻲ ﻭﻳﻨﻚ ...؟ ﻛﺎﻥ ﺟﻴﺖ ﺣﻴﺔ ﻣﺎ ﻳﺼﻴﺮﺵ ﻓﻴﺎ ﻫﺬﺍ ﺍﻟﻜﻞ ﻻ ﻳﺰﻱ ﺍﻟﻠﻲ ﻋﺎﻧﺎﺗﻮ ﻣﻦ ﺻﻐﺮﺗﻬﺎ ﻭﺯﻳﺪ ﺑﺎﺵ ﺗﺰﻳﺪ ﺗﻌﺎﻧﻲ ...
ﺩﺧﻠﺖ ﻋﻠﻴﻬﺎ ﻣﺮﺕ ﺑﻮﻫﺎ ﺗﺼﻴﺢ ﻭﺗﻌﻴﻂ
ﻟﺘﻮ ﻣﺎﺯﻟﺘﻲ ﺑﺎﺭﻛﺔ ؟ ﻗﻮﻣﻲ ﺍﻟﻨﺎﺱ ﻋﺪﻫﺎ ﺟﺎﻳﺔ ؟ ﻗﻮﻣﻲ ﻭﺍﻧﺖ ﺗﻨﻮﺣﻲ ﻳﺮﺍﻩ ﻋﻠﻰ ﺭﺍﺳﻚ ﺍﻧﺸﺎﻟﻠﻪ .. ﻣﻴﺒﺎﻥ ﻓﻴﻚ ﺷﻲ ﺧﺮﺷﻴﺔ ... ﺍﺣﻤﺪﻱ ﺭﺑﻲ ﺍﻟﻠﻲ ﻓﻤﺎ ﺷﻜﻮﻥ ﺟﺎﺀ ﺧﻄﺒﻚ ﻭﺣﺪﺓ ﻛﻴﻔﻚ .. ﺍﻟﻔﻘﺮ ﻭﺍﻟﻔﺮﻋﻨﺔ .. ﺣﺘﻰ ﻛﻲ ﻣﺸﻴﺘﻲ ﺗﻘﺮﻱ ﻋﻤﻠﺘﻴﻨﺎ ﺍﻟﻔﻀﺢ ... ﺑﺮﻩ ﻳﻜﺐ ﺳﻌﺪﻙ ﺍﻧﺸﺎﻟﻠﻪ ﺍﻛﺜﺮ ﻣﺎﻫﻮ ﻣﻜﺒﻮﺏ .. ﻭﺯﺍﺩﺕ ﻗﺮﺑﺘﻠﻬﺎ ﺷﺪﺗﻬﺎ ﻣﻦ ﺷﻌﺮﻫﺎ ﻭﻫﻲ ﺗﺼﻴﺢ ﻭﺗﺒﻜﻲ
- ﻗﻮﻣﻰ ﺍﻟﺒﺴﻲ ﻣﺎﻛﺎﻧﺶ ﻭﺍﻟﻠﻪ ﻻﻣﺎ ﻧﻤﺮﺭﻟﻚ ﻋﻴﺸﺘﻚ ﺍﻛﺜﺮ ﻣﺎﻫﻲ ﻣﺮﺓ .
ﻭﺧﺮﺟﺖ ﻭﺧﻼﺗﻬﺎ ﺗﻐﻔﺺ ﻓﻲ ﺩﻣﻮﻋﻬﺎ .. ﻫﺰﺕ ﺭﻭﺣﻬﺎ ﺑﺎﻟﺴﻴﻒ ﻭﻟﺒﺴﺖ ﺍﻟﻘﻔﻄﺎﻥ ﺍﻟﻠﻲ ﺭﻣﺎﺗﻬﻮﻟﻬﺎ ﻓﻲ ﺍﻟﻔﺮﺵ .. ﻗﻔﻄﺎﻥ ﺧﺎﻳﺐ ﻗﺪﻳﻢ ﻣﺘﺎﻉ ﻭﺣﺪﺓ ﺃﻛﺒﺮ ﻣﻦ ﻋﻤﺮﻫﺎ .. ﻋﻤﺮﻫﺎ 25 ﺳﻨﺔ ﻣﺎ ﺷﺎﻓﺖ ﻓﻴﻬﻢ ﺣﺘﻰ ﻧﻬﺎﺭ ﺣﻠﻮ .. ﻛﺎﻥ ﺍﻟﻌﺸﺮﺓ ﺳﻨﻴﻦ ﻟﻮﻻﻧﻴﻦ ﻭﻗﺘﻠﻲ ﺃﻣﻬﺎ ﺣﻴﺔ ... ﺑﻌﺪ ﻭﻻﺕ ﺗﺬﻭﻕ ﻛﺎﻥ ﻓﻲ ﺍﻟﻤﺮﺍﺭ .. ﺳﺐ ﻭﺿﺮﺏ ﻭﺷﺘﻴﻤﺔ ﻟﻴﻦ ﺑﺪﻧﻬﺎ ﺣﻠّﻒ ﻭﺍﺳﺘﺎﻧﺲ .. ﻛﺎﻳﻨﻬﻢ ﻳﻌﺎﻗﺒﻮ ﻓﻴﻬﺎ ﻋﻠﻰ ﺟﻴﺎﻧﻬﺎ ﻟﻠﺪﻧﻴﺎ .
ﻣﺴﺤﺖ ﺩﻣﻮﻋﻬﺎ ﻭﻣﺸﻄﺖ ﺷﻌﺮﻫﺎ ﺍﻟﻄﻮﻳﻞ ﻻﻛﺤﻞ ﻭﻟﻤﺘﻮ ﻛﻌﻜﺔ .. ﻏﺰﺭﺕ ﻟﻌﻴﻨﻴﻬﺎ ﻓﻲ ﺍﻟﻤﺮﺍﻳﺔ ﻟﻘﺎﺗﻬﻢ ﺫﺍﺑﻠﻴﻦ ﻭﺣﻤﺮ . ﻣﺎ ﻋﻨﺪﻫﺎﺵ ﻣﺎﻛﻴﺎﺝ ﺑﺎﺵ ﺗﻨﺤﻲ ﺍﻟﺘﺤﻮﻳﻖ ﺍﻟﻠﻲ ﻓﻲ ﻋﻴﻨﻴﻬﺎ .. ﻭﺟﻬﻬﺎ ﺗﺎﻋﺐ ﻣﻦ ﻗﻠﺔ ﺍﻟﻨﻮﻡ ﻭﺑﺪﻧﻬﺎ ﻣﺪﻗﺪﻕ ﻣﻦ ﺍﻟﻀﺮﺏ .. ﺣﺘﻰ ﺭﺍﺳﻬﺎ ﻣﺎ ﻗﺼﺮﺵ ﺑﺎﻟﻮﺟﻴﻌﺔ .. ﺗﻲ ﺧﻴﺮ ﺧﻠﻲ ﻛﻲ ﻳﺸﻮﻓﻬﺎ ﺍﻟﺸﺎﻳﺐ ﺍﻟﻠﻲ ﺟﺎﻳﻬﺎ ﻳﻬﺮﺏ .. ﺧﻠﻲ ﺗﺠﻲ ﻣﻨﻮ ﺧﻴﺮ ..
ﻏﺰﺭ ﻣﺤﻤﻮﺩ ﻟﺤﻴﻂ ﺍﻟﺪﺍﺭ .. ﻛﺎﻧﺖ ﺧﺎﻳﺨﺔ ﻭﻗﺪﻳﻤﺔ ﺑﻌﺪ ﻏﺰﺭ ﻻﻣﻮ ﻛﺎﻳﻨﻮ ﻳﻠﻮﻡ ﻓﻴﻬﺎ ..
- ﺭﺑﻲ ﻳﻬﺪﻳﻚ ﻳﺎﻣﻲ .. ﺗﻮ ﺍﻧﺎ ﺑﺎﺵ ﺍﻟﻨﺎﺳﺐ ﻧﺎﺱ ﻛﻴﻔﻤﺎ ﻫﺎﺫﻡ ؟
ﺗﺒﺴﻤﺘﻠﻮ ﺍﻣﻮ ﻭﻫﻲ ﺷﺎﺩﺓ ﻳﻮﺳﻒ ﺑﻴﻦ ﻳﺪﻳﻬﺎ .. ﻣﺎ ﺯﺍﻟﻮ ﻛﻴﻒ ﻫﺒﻄﻮ ﻣﻦ ﺍﻟﻜﺮﻫﺒﺔ 4×4 ﻣﺘﺎﻋﻮ .. ﻛﺎﻥ ﻣﺨﻠﻴﻬﺎ ﻓﻲ ﺩﺍﺭﻫﻢ . ﺑﺎﺵ ﻛﻴﻒ ﻳﺮﻭﺡ ﻟﺘﻮﻧﺲ ﻳﻠﻘﺎ ﺑﺎﺵ ﻳﺪﻭﺭ ..
- ﻭﻟﻴﺪﻱ ﺍﺣﻨﺎ ﺍﺵ ﻳﻬﻤﻨﺎ ﻓﻴﻬﻢ .. ﻣﺎ ﻙ ﺑﺎﺵ ﺗﻬﺰ ﻣﺮﻳﺘﻚ ﻭﺗﻤﺸﻲ ﻳﺎﺧﻲ ﺑﺎﺵ ﺗﺴﻜﻦ ﻣﻌﺎﻫﻢ ﺍﻧﺖ؟
- ﺗﻲ ﺍﻧﺎ ﻣﺮﻳﺘﻲ ﻳﺎ ؟ ﺍﻧﺎ ﻣﺮﻳﺘﻲ ؟ ﻭﺍﻟﻠﻪ ﺭﺑﻲ ﻳﻬﺪﻳﻚ .. ﺍﻓﻔﻒ
ﺩﻗﻮﺍ ﺍﻟﺒﺎﺏ ﺧﺮﺟﺘﻠﻬﻢ ﻭﺣﺪﺓ ﻇﺎﻫﺮﺓ ﻣﻦ ﻭﺟﻬﻬﺎ ﺷﻤﻄﺔ ..
ﺍﻓﻔﻒ ﺍﻧﺖ ﻛﺎﻥ ﻧﺴﻴﺒﻚ ﻋﻠﻰ ﻛﻴﻔﻚ ﺿﺎﻫﺮﻟﻲ ﻣﺎﻛﺶ ﺑﺎﺵ ﺗﻜﻤﻞ ؟ ﻟﻮﺍﻩ ﻫﺬﺍ ﺍﻟﻜﻞ ؟ ﻳﺎﺧﻲ ﺑﺎﺵ ﺗﻮﻓﺎ ﺍﻟﺤﻮﺍﻳﺞ ؟ ﺗﻮ ﻛﻴﻒ ﺗﻤﺸﻲ ﻏﺎﺩﻱ ﺗﺸﺮﻱ ﺍﻟﻠﻲ ﺗﺤﺐ !!!
ﻳﺤﻜﻲ ﻋﻠﻴﻬﺎ ﻛﺎﻳﻨﻲ ﻣﻮﺵ ﻣﻮﺟﻮﺩﺓ ﺍﺻﻞ !!! ﻭﻗﻌﺪﻭ ﺛﻨﻴﺔ ﻛﺎﻣﻠﺔ ﻭﻫﻮﻣﺎ ﻳﺘﻨﺎﻗﺸﻮ ﻭﺳﻨﺎﺀ ﺗﻘﻨﻊ ﻓﻴﻪ ﻭﻫﻲ ﺷﺎﺩﺓ ﻳﻮﺳﻒ ﺣﺎﻃﺘﻮ ﻗﺪﺍﻣﻬﺎ ﻭﺗﺤﻜﻲ ﻣﻌﺎﻩ ﻭﺗﻐﺰﺭﻟﻤﺤﻤﻮﺩ ﺑﺎﻟﺴﺮﻗﺔ .. ﻭﻫﻮ ﻣﺘﻮﺗﺮ ﻭﻓﺎﺩﺩ ﻛﺎﻳﻨﻮ ﺍﻟﻤﻮﺿﻮﻉ ﻫﺬﺍ ﻣﺎ ﻳﻌﻨﻴﻬﺶ ﺟﻤﻠﺔ .. ﻛﺎﻳﻨﻮ ﻣﺎﻫﻮﺵ ﻋﺮﺳﻮ ..
ﺗﻌﺪﺍﻭ ﺍﻻﻳﺎﻣﺎﺕ ﻓﻴﺴﻊ .. ﻭﻣﺤﻤﻮﺩ ﻛﺎﻥ ﻣﺰﺭﻭﺏ ﻳﺤﺐ ﻳﺮﺟﻊ ﻟﻔﺮﻧﺴﺎ .. ﻭﺟﺎﺀ ﻧﻬﺎﺭ ﺍﻟﺼﺪﺍﻕ .. ﺑﻮﻫﺎ ﺩﻫﻦ ﺍﻟﺪﺍﺭ ﻭﺍﺳﺘﺪﻋﻰ ﺍﻟﻌﺎﻳﻠﺔ ﺍﻟﻜﻞ .. ﻭﻫﻲ ﻣﺸﺎﺕ ﻟﻠﺤﺠﺎﻣﺔ ﻭﻣﻌﺎﻫﺎ ﺳﻨﺎﺀ ... ﺍﻟﺤﺠﺎﻣﺔ ﺑﻌﻴﺪﺓ ﺷﻮﻳﺔ ﺍﻣﺎ ﻣﻌﺮﻭﻓﺔ ﻭﺳﻨﺎﺀ ﻭﺻﺎﺗﻬﺎ ﺑﺎﺵ ﻣﺎ ﺗﺼﺒﻐﺶ ﺷﻌﺮﻫﺎ ﺧﺎﺗﺮ ﺧﻮﻫﺎ ﻣﺎ ﻳﺤﺒﺶ ﺍﻟﺼﺒﺎﻳﻎ
- ﻫﻬﻬﻪ ﻛﻠﻲ ﻫﻮ ﺷﺎﻓﻨﻲ ﻭﻻ ﻣﺮﻛﺰ ﻣﻌﺎﻳﺎ .. ﺗﻲ ﺣﺘﻰ ﻟﻮﻥ ﺷﻌﺮﻱ ﻣﺎﻳﻌﺮﻓﻮﺵ ﺍﺻﻞ ﺧﻮﻙ .. ﻭﺍﻟﻠﻪ ﻣﺎﻧﻲ ﻋﺎﺭﻓﺔ ﻋﻼﺵ ﺟﺎﺀ ﺧﻄﺒﻨﻲ ؟
ﺍﻣﻲ ﻧﺎﺟﻴﺔ ﻫﻲ ﺍﻟﻠﻲ ﺗﺤﺐ ﺗﺎﺧﺬﻧﻲ ﻣﻮﺵ ﻫﻮ ..
- ﺍﺵ ﻋﻨﺪﻙ ﻓﻴﻪ ؟ ﻫﻮ ﺭﺍﻫﻮ ﻫﻜﺎﻛﺎ .. ﺗﺤﺴﻮ ﻣﺎ ﻳﺮﻛﺰﺵ ﺍﻣﺎ ﻫﻮ ﻣﺮﻛﺰ ﻋﻠﻰ ﻛﻞ ﺷﻲ ... ﻭﻣﻮﺵ ﺍﻧﺖ ﻟﻮﻻ ﻭﻻ ﻻﺧﺮﻯ ﺍﻟﻠﻲ ﺗﺄﺧﺬ ﻣﺎﺧﺬﺓ ﺗﻘﻠﻴﺪﻳﺔ .. ﺗﻮ ﺑﻌﺪ ﺗﺴﺘﺎﻧﺴﻮ ﺑﺒﻌﻀﻜﻢ .. ﻣﻮﺵ ﺑﺎﺵ ﻳﻠﻘﻰ ﺧﻴﺮ ﻣﻨﻚ ﺭﺍﻫﻮ .. ﻣﺤﺴﻮﺏ ﻫﺎﻙ ﺍﻟﻘﻮﺭّﺓ ﺍﻟﻠﻲ ﻳﺨﺎﻟﻂ ﻓﻴﻬﻢ ﻳﺒﺮﺩﻭ ﻋﻠﻰ ﺍﻟﻘﻠﺐ ﻫﻮﻣﺎ؟ .. ﻫﻬﻬﻪ ﻳﺎﺑﻨﺘﻲ ﺍﻟﻌﺮﺑﻲ ﻭﺣﺪﻭ ﻫﻬﻬﻪ ؟
ﺣﺸﻤﺖ ﻭﺿﺤﻜﺖ
ﻳﻌﻄﻚ ﺩﺍ ﻳﺎ ﺳﻨﺎﺀ ﺩﻳﻤﺎ ﺑﺒﻼﺩﺗﻚ ؟ -
ﻛﺎﺷﺨﺔ ﻓﻴﻬﺎ ..
- ﻳﻌﻄﻴﻚ ﺩﻭﺩﺓ ﻣﺤﻼﻙ ﻃﻠﻌﺖ .. ﻫﺎﻛﻲ ﺑﺎﺵ ﺗﻬﺒﻠﻴﻪ ﺑﻠﺤﻖ ﺍﻟﻴﻮﻡ ﻫﻬﻬﻬﻪ
- ﻗﻌﺪﺕ ﺍﻟﺤﺠﺎﻣﺔ ﺗﻀﺤﻚ ﻭﻫﻲ ﺑﺪﻧﻬﺎ ﻓﻮﺭ ﻣﻦ ﺍﻟﺤﺸﻤﺔ ﻣﺎﻋﺎﺩﺵ ﻓﻴﻬﺎ ... ﺗﺴﻤﻊ ﻓﻲ ﺍﻟﺘﺰﻣﻴﺮ ﺍﻟﺒﺮﺓ . ﻭﻫﻲ ﻭﻳﻦ ﺗﻠﻘﺎﻫﺎ .. ﻗﻠﺒﻬﺎ ﻭﻻ ﻳﺪﻕ .. ﻳﺪﻕ .. ﻭﻳﺪﻳﻴﻬﺎ ﺗﺮﻋﺶ ... ﻟﺒﻬﺎ ﺍﻟﻌﺮﻕ ... ﺷﺪﺗﻬﺎ ﺳﻨﺎﺀ ﻣﻦ ﻳﺪﻫﺎ ﻭﺧﺮﺟﻮ .. ﻭﻫﻲ ﺗﺤﺮﻙ ﻓﻲ ﺳﺎﻗﻴﻬﺎ ﺑﺎﻟﺴﻴﻒ ..
ﻛﺎن ﻭﺍﻗﻒ ﺑﺤﺬﺍ ﺍﻟﻜﺮﻫﺒﺔ ... ﻛﺎﻥ ﻣﺘﻠﻔﺖ ﻳﺤﻜﻲ ﻣﻊ ﺍﻣﻮ ﻭﺗﺤﺴﻮ ﻣﺘﻴﻘﺮ .. ﻏﺰﺭﺗﻠﻬﺎ ﺍﻣﻮ ﻭﺑﺪﺍﺕ ﺗﺰﻏﺮﻁ .. ﺗﻠﻔﺖ ﻣﻌﺎﻫﺎ ... ﺣﺴﺖ ﻋﻴﻨﻴﻪ ﻭﺳﺎﻋﺖ ﻭﻫﻮ ﻳﻐﺰﺭﻟﻬﺎ ... ﺍﻟﺴﺨﻄﺔ ﻣﺤﻼﻩ ﻭﻣﺎ ﺷﺒﻮ .. ﻻﺑﺲ ﻛﻮﺳﺘﻴﻢ ﻓﻲ ﺍﻟﻨﻮﺍﺭ ﻭﻛﺮﺍﻓﺎﺕ papillon ﻃﻮﻳﻞ ﻭﻛﺘﺎﻓﻮ ﻋﺮﺍﺽ ... ﻋﺴﻞ ﻋﺴﻞ ﻋﺴﻞ .. ﻳﺘﺎﻛﻞ ﺍﻟﺤﺎﺻﻞ ... ﻏﺰﺭﻟﻬﺎ ﻟﻌﻴﻨﻴﻬﺎ .. ﻭﻫﻲ ﻏﺰﺭﺗﻠﻮ .. ﻗﻌﺪﻭ ﻭﺍﻗﻔﻴﻦ ﻣﻘﺎﺑﻠﻴﻦ ﺑﻌﻀﻬﻢ ... ﻣﺎﻋﺎﺩﺵ ﺗﺴﻤﻊ ﻓﻲ ﺣﺘﻰ ﺣﺲ ﻭﻫﻮ ﻳﻐﺰﺭﻟﻬﺎ .. ﺍﻭﻝ ﻣﺮﺓ ﺗﻐﺰﺭﻟﻮ ﻟﻌﻴﻨﻴﻪ ﻭﻫﻮ ﺍﻭﻝ ﻣﺮﺓ ﻳﺜﺒﺖ ﻓﻴﻬﺎ ... ﻗﺎﻋﺪ ﺑﺎﻫﺖ .. ﺑﺎﻫﺖ ﻓﻲ ﻋﻴﻨﻴﻬﺎ ... ﻛﺤﻞ ﻓﻲ ﻟﻮﻥ ﺍﻟﻠﻴﻞ ﻭﻛﺒﺎﺭ .. ﻓﻤﻬﺎ .. ﻣﺪﻭﺭ ﻭﺻﻐﻴﺮ .. ﺧﺸﻤﻬﺎ .. ﺩﻗﻨﻮﻧﺘﻬﺎ ... ﺍﻟﻐﻤﺰﺍﺕ ﺍﻟﻠﻲ ﻓﻲ ﺧﺪﻭﺩﻫﺎ .. ﻭﻳﻦ ﻛﺎﻥ ﻣﺨﺒﻲ ﻫﺎﻟﺰﻳﻦ ﻫﺬﺍ ﺍﻟﻜﻞ؟ ﻭﻻ ﺯﻋﻤﺔ ﺍﻟﺤﺠﺎﻣﺔ ﻗﻠﺒﺘﻬﺎ ؟؟... ﺍﺷﺒﻴﻪ ﻣﺎﻧﺘﺒﻬﺶ ﻗﺒﻞ ؟ ﺑﺪﺍﺕ ﺍﻣﻮ ﺗﺠﺒﺪ ﻓﻴﻪ ﻣﻦ ﻳﺪﻭ ﻭﺗﻀﺤﻚ
- ﻫﺎﻭﻟﻴﺪﻱ ؟ ﺑﺎﺵ ﺗﻘﻌﺪ ﻭﺍﻗﻒ ﺑﺮﺷﺔ .
ﻋﺎﺩ ﻫﺰ ﻋﺮﻭﺳﺘﻚ
ﺗﻠﻔﺖ ﻻﻣﻮ ﻭﺭﺟﻊ ﻏﺰﺭﻟﻬﺎ .. ﻛﺎﻥ ﻭﺟﻬﻬﺎ ﺍﺑﻴﺾ ﺑﺮﺷﺔ ﺍﺣﻤﺎﺭ ﺍﻧﺘﺒﻪ ﺍﻟﻠﻲ ﻫﻮ ﺑﺎﻫﺖ ﻓﻴﻬﺎ ﻭﺷﻠﻖ ﻋﻠﻰ ﺭﻭﺣﻮ .. ﺍﻣﻮ ﻭﺳﻨﺎﺀ ﺷﺎﺩﻳﻦ ﺍﻟﻀﺤﻜﺔ ﺑﺎﻟﺴﻴﻒ .. ﺑﻌﺪ ﻣﻦ ﺍﻟﺒﺎﺏ ﻭﺣﻠﻬﻮﻟﻬﺎ ﻗﺎﻟﻬﺎ
- ﺗﻔﻀﻞ ..
ﺭﻛﺒﺖ ﻭﺭﻛﺎﻳﺒﻬﺎ ﺗﺮﻋﺶ .. ﻭﺟﻬﻬﺎ ﻣﻄﻤﻄﻢ .. ﻭﻗﻠﺒﻬﺎ ﺗﺤﺴﻮ ﺑﺎﺵ ﻳﺎﻗﻒ ﻣﻦ ﺍﻟﺤﺸﻤﺔ .. ﻭﻫﻮ ﺭﻛﺐ ﺑﺤﺬﺍﻫﺎ . ﺭﻳﺤﺔ ﺍﻟﺒﺎﺭﻓﺎﻥ ﻣﺘﺎﻋﻮ ﺩﻭﺧﺘﻬﺎ ... ﻣﺒﻨﻬﺎ ﻭﻣﺤﻼﻫﺎ ﺭﻳﺤﺘﻮ .. ﺭﻛﺒﺖ ﺍﻣﻮ ﻣﻦ ﻗﺪﺍﻡ .. ﻭﻳﻮﺳﻒ ﻓﻲ ﺣﺠﺮﻫﺎ .. ﻫﺰﺕ ﺭﺍﺳﻬﺎ ﻭﺿﺤﻜﺘﻠﻮ
- tu es belle ﻗﺎﻟﻬﺎ ﺑﺎﻟﺸﻮﻳﺔ ﻭﻫﻮ ﻳﻐﺰﺭﻟﻬﺎ ﻭﺑﻌﺪ ﻏﺰﺭ ﻟﺒﻮﻩ ﻭﻣﺪﻟﻮ ﻳﺪﻭ ﺣﺐ ﻳﺠﻴﻪ ..
ﻫﺰﻭ ﺑﻮﻩ ﻣﻦ ﻋﻨﺪ ﻣﻤﺎﺗﻮ ﻭﺣﻄﻮ ﺑﻴﻨﺎﺗﻬﻢ ... ﺟﺎﺕ ﻳﺪﻫﺎ ﻓﻲ ﺍﻳﺪﻭ ﻭﻫﻮﻣﺎ ﻳﻠﻌﺒﻮ ﻣﻌﺎﻩ ﺍﻟﺰﻭﺯ .. ﺣﺴﺖ ﺑﺎﻟﻜﺮﻭﻥ ﺿﺮﺑﻬﺎ ﺑﻌﺪﺕ ﻳﺪﻫﺎ ﻓﻴﺴﻊ .. ﻭﻫﻮ ﻗﻌﺪ ﻳﻐﺰﺭﻟﻬﺎ .. ﻣﺘﻔﺎﺟﺊ ... ﻛﺎﻳﻨﻮ ﺣﺲ ﺑﺤﺎﺟﺔ ﻫﻮ ﺯﺍﺩﺓ ﺍﻟﻮﻗﺖ ﻫﺬﺍﻛﺔ ...
جااااادور❤

✴✴✴✴