👑زواج تقليدي👑

👑ﺍﻟﺤﻠﻘﺔ ﺍﻟﺜﺎﻣﻨﺔ...👑

👑👑

ﺗﺤﺲ ﻓﻲ ﻳﺪ ﺗﻤﺲ ﻓﻴﻬﺎ ﻣﻦ ﺧﺪﻫﺎ .. ﻣﺎﻧﺠﻤﺘﺶ ﺗﺤﻞ ﻋﻴﻨﻴﻬﺎ ... ﺯﺍﺩ ﻣﺴﻠﻬﺎ ﺷﻌﺮﻫﺎ .. ﺍﻣﻤﻤﻤﻤﻤﻤﻤﻤﻤﻢ . ﺣﻠﺖ ﺑﺎﻟﺸﻮﻳﺔ ﻟﻘﺎﺕ ﻳﻮﺳﻒ ﻭﺍﻗﻒ ﻗﺪﺍﻣﻬﺎ .. ﻫﻪ ﻣﺒﻨﻮ ﻭﻣﺤﻼﻩ ... ﻛﺎﻥ ﻭﺍﻗﻒ ﻗﺪﺍﻣﻬﺎ .. ﻭﺍﻟﺪﻧﻴﺎ ﺿﺎﻭﻳﺔ .. ﻣﺘﻌﺮﻓﺶ ﻋﻠﻰ ﺭﻭﺣﻬﺎ ﻛﻴﻔﺎﺵ ﺭﻗﺪﺕ ﺍﻟﺒﺎﺭﺡ .... ﻗﻌﺪﺕ ﺳﺎﻫﺮﺓ ﺳﺎﻫﺮﺓ ﻟﻴﻦ ﺩﺍﺧﺖ ﺑﺎﻟﻨﻮﻡ – ﺑﻮﻥ ﺫﻭﺭ ( ﻗﺎﻟﻬﺎ ﻳﻮﺳﻒ ﻭﺑﺎﻟﻄﺒﻴﻌﺔ ﻳﺤﻜﻲ ﺑﺎﻟﻔﺮﻧﺴﻴﺔ ) ﺫﻳﻌﺎﻥ ...
ﺗﺒﺴﻤﺘﻠﻮ ﻭﻗﺎﻣﺖ ﻫﺰﺗﻮ ﻓﻲ ﺣﻀﻨﻬﺎ ﺗﺒﻮﺱ ﻓﻴﻪ
ﻳﻌﻨﺒﻮ ﺯﻳﻨﻮ ﺍﻟﺬﻳﻌﺎﻥ ﻳﺎﺭﺑﻲ
ﻭﺗﻠﻔﺘﺖ ﻣﺎﻟﻘﺎﺗﺶ ﻫﺎﻙ ﺍﻟﻠﻲ ﻳﺘﺴﻤﻰ ﺭﺍﺟﻠﻬﺎ ﻓﻲ ﺍﻟﺒﻴﺖ .. ﺑﻘﻌﺘﻮ ﻓﺎﺭﻏﺔ
- ﻭﻳﻨﻮ ؟papa
ﺧﺮﺫ ﻣﺎﻟﻜﻴﺘﻮﺙ
- ﺑﺎﻫﻲ ﻋﺰﻳﺰﻱ ﻧﻤﺸﻴﻮ ﻧﻨﻈﻔﻮ ﺣﺎﻟﺘﻨﺎ ﺑﻌﺪ ﻧﻄﻠﺒﻮ ﻟﻔﻄﻮﺭ ﺍﻭﻙ ؟
- ﺍﻭﻙ ﻃﻠﺒﺖ ﻟﻔﻄﻮﺭ ﻓﻲ ﺍﻟﺘﻠﻴﻔﻮﻥ ﻭﺑﺪﻟﺖ ﻟﻴﻮﺳﻒ ﻭﻟﺒﺴﺖ ﻫﻲ ﺳﺮﻭﺍﻝ ﺩﺟﻴﻦ ﻭﺑﻮﺩﻱ .. ﺿﻬﺮﻭﻟﻬﺎ ﺑﺪﻧﻬﺎ ﺑﺎﻟﺒﺎﻫﻲ .. ﺍﻟﻤﺮﺍ ﻫﺎﺫﻱ ﻣﻦ ﻏﻴﺮ ﺗﻘﻮﻋﻴﺮ .. ﻣﻮﺵ ﻋﻠﻰ ﺧﺎﺗﺮﻭ .. ﺍﻣﺎ ﺑﺎﺵ ﻟﻌﺒﺎﺩ ﻣﺎ ﻳﻘﻌﺪﻭﺵ ﻳﻐﺰﺭﻭﻟﻬﺎ ﻏﺰﺭﺓ ﺩﻭﻧﻴﺔ .. ﺧﺎﺗﺮ ﺍﻟﻮﺗﻴﻞ ﻣﺬﺧﻢ ﺗﻠﻘﻰ ﻓﻴﻪ ﻛﺎﻥ ﺍﻟﻜﻌﺒﺔ ﻭﺍﺧﺘﻬﺎ .. ﻛﺎﻥ ﻋﻠﻴﻪ ﻫﻮ ﻳﺘﻔﻠﻖ . ﺑﻌﺪ ﻧﺼﻒ ﺳﺎﻋﺔ ﻛﺎﻧﺖ ﺗﻠﻌﺐ ﻫﻲ ﻭﻳﻮﺳﻒ ﻓﻲ ﺍﻟﺒﺎﻟﻜﻮﻥ ﻭﺳﻲ ﺍﻟﺸﺒﺎﺏ ﺩﺧﻞ ... ﻛﺎﻥ ﻻﺑﺲ ﺷﻮﺭﺕ ﻭﻣﺮﻳﻮﻝ ﻭﺳﺒﺎﺩﺭﻱ .. ﻭﺩﺑﻮﺯﺓ ﻣﺎﺀ ﻓﻲ ﻳﺪﻭ .. lunette ﺷﻤﺲ ﺗﺮﻋﺐ ﻋﻠﻴﻪ .. ﻧﺤﺎﻫﺎ ﻭﻏﺰﺭﻟﻬﻢ .. ﻃﺒﺴﺖ ﺭﺍﺳﻬﺎ . ﻭﻳﻮﺳﻒ ﻣﺸﺎﻟﻮ ﻳﺠﺮﻱ ﻳﺒﻮﺱ ﻓﻴﻪ .. ﻗﺎﻡ ﻳﻀﺤﻚ ..
- ﻗﻤﺖ ﻳﺎ ﻗﻄﻮﺱ ؟ ﺑﻮ ﺯﻳﻨﻚ ﻭﺑﺎﺳﻮ ﻣﻦ ﺧﺪﻭ ﻭﺗﻠﻔﺘﻠﻬﺎ
ﻓﻄﺮﺗﻮ ؟
- ﻭﻱ ﻳﻮﺳﻒ ﺟﺎﻉ ﻃﻠﺒﺖ ﺑﺎﺵ ﻳﺠﻴﺒﻮﻩ ﻫﻮﻧﻲ
ﻛﺎﻧﺖ ﻭﺍﻗﻔﺔ ﺷﻌﺮﻫﺎ ﻣﺤﻠﻮﻝ .. ﻭﻧﺴﻤﺔ ﺧﻔﻴﻔﺔ ﺗﻠﻌﺒﻠﻬﺎ ﺑﻴﻪ . ﻭﺟﻬﻬﺎ ﺻﺎﻓﻲ ﻛﻴﻒ ﻭﺟﻪ bb ﻻﺑﺴﺔ ﺩﺟﻴﻦ ﻭﻣﺮﻳﻮﻝ ﻇﻬﺮﻭﻟﻬﺎ ﻃﻮﻟﻬﺎ ... ﻗﻌﺪ ﻳﻬﺰ ﻓﻴﻬﺎ ﻭﻳﺤﻂ ... ﻋﺮﺍﻫﺎ ﻣﻦ ﻏﻴﺮ ﻣﺎ ﻳﻌﺮﻳﻬﺎ .. ﻳﺎﻣﻴﻤﺘﻲ ﻣﻼ ﻏﺰﺭﺓ ﻋﻠﻴﻪ . ﻭﻣﺎﺻﺤﻬﺎ ﺗﺬﻭﺏ ﺍﺻﻞ ... ﻭﻫﻮ ﻣﺎﻓﺎﻕ ﺑﺮﻭﺣﻮ ﺍﻟﻠﻲ ﻫﻮ ﺷﺮﺩ ﻓﻴﻬﺎ ﺍﻻ ﻣﺎ ﺷﺎﻑ ﻭﺟﻬﻬﺎ ﺍﺣﻤﺮ ﻭﻃﺒﺴﺖ ﺭﺍﺳﻬﺎ ....
- ﺏ .. ﺑﺎﻫﻲ ﻧﻤﺸﻲ ﻧﻌﻤﻞ ﺩﻭﺵ ﺑﻌﺪ ﻧﺨﺮﺟﻮ
ﺍﻭﻝ ﻣﺮﺓ ﻳﻠﻘﻰ ﺭﻭﺣﻮ ﻣﺮﺑﻮﺙ ﻭﻣﺎﻟﻘﺎﺵ ﻣﺎ ﻳﺤﻜﻲ .. ﻫﺎﻱ ﻃﻠﻌﺖ ﻣﺰﻳﺎﻧﺔ ﻭﺑﺪﻧﻬﺎ ﺣﻠﻮ ؟ ﺍﻣﺎ .. ﺍﻣﺎ ﻣﺎﻫﻴﺶ ﺳﺘﻴﻠﻮ ... ﺃﻱ ﻣﺎ ﻫﻴﺶ ﺳﺘﻴﻠﻮ ... ﺷﻨﻮﺓ ﻭﻳﻦ ﻳﺘﻜﻠﻢ ﻛﻠﻤﺔ ﻭﺟﻬﻬﺎ ﻳﺤﻤﺎﺭ؟ ﻳﺎﺧﻲ ﺑﺎﺵ ﺗﺮﺟﻌﻮ ﻟﺠﻮ ﻣﺮﺍﻫﻘﺔ ؟ ﻫﻬﻪ ﻣﺎﻻ ﻛﺎﻥ ﻳﻤﺴﻬﺎ ﺍﺵ ﺑﺎﺵ ﺗﻌﻤﻞ ؟ ﻭﺣﺲ ﺑﺒﺪﻧﻮ ﺳﺨﻦ ﻭﻫﻮ ﻳﺘﺨﻴﻞ ﻓﻴﻬﺎ ﺑﻴﻦ ﻳﺪﻳﻪ .. ﻻ ﻣﺎ ﻳﻌﺼﺮﻫﺎ ﻋﺼﺮﺍﻥ ... ﻻ ﻻ ﻣﺎ ﻳﻘﺮﻣﺸﻬﺎ ... ﺷﻨﻮﺓ ﻳﺎﻣﺤﻤﻮﺩ ﺍﻷﻓﻜﺎﺭ ﻫﺬﻱ ؟ ﻳﺎﺧﻲ ﻣﻮﺵ ﻗﻠﺖ ﻣﺎﺗﻌﺠﺒﻜﺶ ﻭﻗﻌﺮﺓ ؟ ﺃﻱ ﺍﻣﺎ ﻫﻲ ﻣﺮﺗﻮ ﺗﻮ .. ﻛﺎﺗﺐ ﻋﻠﻴﻬﺎ ﺍﻟﺼﺪﺍﻕ .. ﻭﻫﻮﺭﺍﺟﻞ .. ﻳﻌﻨﻲ ﻳﺴﺘﺤﻖ ﻣﺮﺍ ﻓﻲ ﺣﻴﺎﺗﻮ .. ﺣﺘﻰ ﻛﻴﻒ ﻣﺎﺗﺖ ﻛﺮﻳﺴﺘﻴﻦ .. ﻣﺎﻗﻄﻌﺶ ﻋﻼﻗﺎﺗﻮ ﻣﻊ ﺍﻟﻨﺴﺎﺀ .. ﻛﺎﻥ ﻳﺨﺮﺝ ﻣﻦ ﻋﻼﻗﺔ ﻳﺪﺧﻞ ﻓﻲ ﺃﺧﺮﻯ .. ﻭﺗﻮ ﺍﺵ ﺑﺎﺵ ﻳﻌﻤﻞ ؟. ﺑﺎﺵ ﻳﺨﻮﻧﻬﺎ ؟ ﻭﻫﻲ ﺍﺵ ﺑﺎﺵ ﺗﻌﻤﻞ ؟ ﻫﻲ ﻣﺎﺯﺍﻟﺖ ﺻﻐﻴﺮﺓ ﻳﻌﻨﻲ ﺑﺎﺵ ﺗﺮﺿﻰ ﺗﻌﻴﺶ ﻣﻌﺎﻩ💓
ﻣﻦ ﻏﻴﺮ ﻣﺎ ﻳﺼﻴﺮ ﺷﻲ ﺑﻴﻨﺎﺗﻬﻢ ؟ ﺍﻛﻴﺪ ﺭﺍﻫﻲ ﻛﻴﻤﺎ ﺃﻱ ﻣﺮﺍ ﺗﺤﺐ ﺗﻌﻤﻞ ﻋﻼﻗﺔ ؟ ﻫﻮ ﻣﺎﻳﻌﺮﻓﺶ ﻋﻠﻴﻬﺎ ﺣﺘﻰ ﺷﻲ .. ﻣﺎﻳﻌﺮﻓﺶ ﻋﻤﻠﺖ ﻋﻼﻗﺎﺕ ﻗﺒﻞ ﺍﻟﻌﺮﺱ ﻭﻻ ﻻ ؟ ﻫﻮ ﺃﺻﻼ ﻣﺎﻋﻨﺪﻭﺵ ﻓﻜﺮﺓ ﻋﻠﻴﻬﺎ ﺟﻤﻠﺔ ... ﺷﻨﻴﺔ ﺗﺤﺐ ﺷﻨﻴﺔ ﺗﻜﺮﻩ ؟ ﺗﻲ ﺣﺘﻰ ﻧﻮﻣﺮﻭ ﺗﻠﻴﻔﻮﻧﻬﺎ ﻣﺎ ﻳﻌﺮﻓﻮﺵ ؟ ﻳﻤﻜﻦ ﺟﻴﺔ ﻳﻮﺳﻒ ﻣﻌﺎﻫﻢ ﺟﺎﺕ ﺑﺼﻼﺡ .. ﺧﻠﻴﻪ ﻳﺴﺘﺮﺟﻊ ﺍﻓﻜﺎﺭﻭ .. ﻳﻔﻬﻢ ﺭﻭﺣﻮ ﻭﻳﺤﺎﻭﻝ ﻳﻔﻬﻤﻬﺎ .. ﻫﺎﺫﻱ ﻋﺸﺮﺓ ﻋﻤﺮ ﺑﺎﺵ ﺗﻜﻮﻥ ﺑﻴﻨﺎﺗﻬﻢ ﻣﻮﺵ ﻧﻬﺎﺭ ﻭﻻ ﺍﺛﻨﻴﻦ .. ﻭﺣﺘﻰ ﻛﺎﻥ ﺍﻣﻮ ﺩﺯﺗﻮ ﺩﺯﺍﻥ ﻟﻠﻤﺎﺧﺬﺓ . ﻫﻮ ﻣﻮﺵ ﺻﻐﻴﺮ ﻭﻭﺍﻓﻖ ﻋﻠﻴﻬﺎ .... ﺍﻛﻴﺪ ﺍﻣﻮ ﺷﺎﻓﺖ ﻓﻴﻬﺎ ﺣﺎﺟﺎﺕ ﻣﺎﺷﺎﻓﻬﻮﻣﺶ ﻫﻮ .. ﻫﻪ ﻫﺎﻛﺎ ﻧﺎﺟﻴﺔ ﺭﺍﻫﻲ ﺧﺒﻴﺜﺔ ﻭﺗﻌﺮﻓﻮ ... ﺍﻛﻴﺪ ﻣﺎﻟﻜﺪﺗﻬﺎﻟﻮﺵ ﺑﻼﺵ ﻫﻜﺎﻛﺔ ﻫﻬﻬﻪ
ﺧﺮﺝ ﻣﻦ ﺍﻟﺪﻭﺵ ﻳﻠﻘﺎﻫﺎ ﻭﺍﻗﻔﺔ ﻗﺪﺍﻡ ﺍﻟﻤﺮﺍﻳﺔ ﺗﻠﻢ ﻓﻲ ﺷﻌﺮﻫﺎ
- ﺧﻠﻴﻪ ﻣﺤﻠﻮﻝ ( ﻗﺎﻟﻬﺎ ﻣﻦ ﻏﻴﺮ ﻣﺎﻳﺸﻌﺮ )
ﻏﺰﺭﺗﻠﻮ ﻣﺴﺘﻐﺮﺑﺔ
- ﻧﻌﻢ ؟
- ﺯﺍﺩ ﻗﺮﺑﻠﻬﺎ ﺣﺘﻰ ﻟﻴﻦ ﺣﺴﺖ ﺑﺎﻟﻨﻔﺲ ﻣﺘﺎﻋﻮ ﺗﺨﻠﻂ ﺑﺎﻟﻨﻔﺲ ﻣﺘﺎﻋﻬﺎ .. ﺷﻌﻠﺖ ﻓﻴﻬﺎ ﺍﻟﻨﺎﺭ ... ﻭﺑﺪﻧﻬﺎ ﺑﺪﺍ ﻳﻔﻮﺭ .. ﺟﺎﺀ ﻫﺰ ﻳﺪﻭ ﻛﺎﻳﻨﻮ ﺑﺎﺵ ﻳﻤﺴﻮ ... ﺑﻌﺪ ﻋﺎﻭﺩ ﻫﺒﻄﻬﺎ ... ﻗﻌﺪ ﻳﻐﺰﺭﻟﻬﺎ .. ﻏﺰﺭﺓ ﻣﺎ ﻓﻬﻤﺘﻬﺎﺵ .... ﻏﺰﺭﺓ ﺫﻭﺑﺘﻬﺎ .. ﺩﻭﺧﺘﻬﺎ ... ﺩﺧﻠﺘﻬﺎ ﻓﻲ ﻋﺎﻟﻢ ﻓﻴﻪ ﻛﺎﻥ ﻋﻴﻨﻴﻪ ... ﻋﻴﻨﻴﻪ ﺍﻟﻠﻲ ﺗﺸﻮﻑ ﻓﻴﻬﻢ ﻓﻲ ﻭﺟﻬﻬﺎ tellement ﺻﺎﻓﻴﻴﻦ ... ﺳﺮﺣﺖ ﻣﻌﺎﻫﻢ ﻭﻧﺴﺎﺕ ﻛﻞ ﺷﻲ .... ﺯﺍﺩ ﻗﺮﺑﻠﻬﺎ .. ﻟﺼﻘﻬﺎ .. ﺑﺪﻧﻬﺎ ﺭﻋﺶ ﺑﻜﻠﻮ ﻏﻤﻀﺖ ﻋﻴﻨﻴﻬﺎ ﻭﺷﻔﺎﻳﻔﻬﺎ ﺭﻋﺸﻮ .. ﺣﺴﺖ ﺭﻭﺣﻬﺎ ﺑﺎﺵ ﺗﺘﺮﺷﻖ ... ﻛﺎﻥ ﺻﺪﺭﻭﻋﺮﻳﺎﻥ ﻭﻭﺍﻗﻒ ﻗﺪﺍﻣﻬﺎ ... ﻗﺪﺍﺵ ﺗﻤﻨﺎﺕ ﻓﻲ ﺍﻟﻠﺤﻈﺔ ﻫﺬﻳﻜﺔ ﺗﺤﻂ ﺭﺍﺳﻬﺎ ﻏﺎﺩﻱ .. ﻗﺪﺍﺵ ﺗﻤﻨﺎﺕ ﺗﻐﻄﺲ ﻓﻲ ﻭﺳﻄﻮ ﻭﺗﺨﻠﻴﻪ ﻳﻠﻌﺒﻠﻬﺎ ﺑﺸﻌﺮﻫﺎ ... ﻣﻦ ﺍﻭﻝ ﻣﺮﺓ ﺷﺎﻓﺘﻮ ﻓﻴﻬﺎ ﻭﻫﻲ ﺗﺤﻠﻢ ﺗﻜﻮﻥ ﻟﻴﻪ .... ﺣﺒﺘﻮ .. ﺣﺒﺘﻮ ﺣﺒﺘﻮ ... ﺗﻮ ﺗﺎﻛﺪﺕ ﻣﻦ ﻣﺸﺎﻋﺮﻫﺎ .. ﺣﺒﺘﻮ .. ﻣﺎﻫﻴﺶ ﻫﺎﺭﺑﺔ ﻣﻦ ﻣﺸﺎﻛﻠﻬﺎ ﻭﺣﻴﺎﺗﻬﺎ ﻭﻗﺘﻠﻲ ﻭﺍﻓﻘﺖ ﻋﻠﻴﻪ ... ﻭﺍﻓﻘﺖ ﺧﺎﺗﺮ ﺣﺒﺘﻮ .. ﺧﺎﺗﺮ ﻫﻮ ﺍﻟﺮﺍﺟﻞ ﺍﻟﻠﻲ ﺗﻤﻨﺎﺗﻮ ﺣﻴﺎﺗﻬﺎ ﻛﺎﻣﻠﺔ .. ﺣﺘﻰ ﻭﻫﻮ ﻳﻐﺰﺭﻟﻬﺎ ﻏﺰﺭﺓ ﺩﻭﻧﻴﺔ .. ﺣﺘﻰ ﻭﻫﻮ ﺣﺎﻗﺮﻫﺎ ... ﺣﺘﻰ ﻭﻫﻮ ﻳﺴﺘﻌﺎﺭ ﺑﻴﻬﺎ ... ﺗﺤﺒﻮ .. ﺣﺴﺖ ﺑﺼﻮﺍﺑﻊ ﻳﺪﻳﻪ ﻓﻮﻕ ﺷﻌﺮﻫﺎ .. ﻭﺫﺍﺑﺖ .. ﻛﺎﻳﻨﻚ ﺣﻄﻴﺖ ﻛﻮﺭﻧﻮ ﻗﻼﺱ ﻓﻮﻕ ﺍﻟﻨﺎﺭ ... ﺫﺍﺑﺖ ﻭﺳﺨﻨﺖ .. ﻫﺰﻟﻬﺎ ﺷﻌﺮﻫﺎ ﺑﻴﻦ ﺻﻮﺍﺑﻌﻮ ﻭﻗﺮﺑﻮ ﻟﺨﺸﻤﻮ ﻭﻗﻌﺪ ﻳﺸﻢ ﻓﻴﻪ
- ﻣﺤﻼ ﺭﻳﺤﺘﻮ ﻭﻣﺤﻼﻩ ﺷﻌﺮﻙ .. ( ﻛﺎﻥ ﻳﺤﻜﻲ ﺑﺎﻟﺸﻮﻳﺔ ﻛﺎﻳﻨﻮ ﻳﻮﺷﻮﺵ ) ﺯﺍﺩ ﻗﺮﺑﻠﻬﺎ ﻛﺎﻳﻨﻮ ﺑﺎﺵ ﻳﻌﻨﻘﻬﺎ ﻭﻫﻲ ﺗﻜﺒﺴﺖ ﻭﺯﺍﺩﺕ ﻏﻤﻀﺖ ﻋﻴﻨﻴﻬﺎ .. ﺭﻳﺤﺘﻮ ﺩﺧﻠﺖ ﻓﻲ ﺧﻨﺎﺧﺸﻬﺎ ﻃﻮﻝ . ﻛﺘﺎﻓﻮ ﻛﺒﺎﺭ ﻭﻭﺍﺳﻌﻴﻦ . ﻫﺰﻟﻬﺎ ﺭﺍﺳﻬﺎ ﺑﺎﻟﺸﻮﻳﺔ ﻭﻫﻲ ﺗﺮﻋﺶ ﻛﻴﻒ ﺍﻟﻔﺮﻭﺝ .... ﻃﺒﺲ ﺭﺍﺳﻮ ﻟﻴﻦ ﻗﺮﺑﻮ ﺷﻔﺎﻳﻔﻮ ﻟﺸﻔﺎﻳﻔﻬﺎ ... ﻭ ..
Papa - ﻣﺎﻧﺎﺵ ﺧﺎﺭﺟﻴﻦ
جادور💓

✴✴✴✴