👑زواج تقليدي👑

👑الحلقة التاسعة والعشرون...👑

👑👑

  - تعرف محمود؟ شاهية حاجة ... كانت متكية على صدرو وهوما الزوز في البيست يشطحو سلو .... السهرية قريب توفا ..وبعد السبكتاكل اللي عملو ..الناس الكل رجعت لبلايصها ... وهو سهرية كاملة مكبش فيها ..معنقها ... حاسس كيما قال الشاعر حين ألقاكِ، يتسارع الزمن وخفقان القلب.. ليتضح لي أني رجلا فقد السيطرة.. لا الوقت لي.. ولا القلب  حاسس الدنية قاعدة تحلى وتحلى وتحلى ..وهي بين يديه ... مذابيه يقعد معنقها ... يغرسها .. يزرعها في بدنو ... هي موش حواء تخلقت من ضلع آدم؟ هو يحب يرجعها لضلعو ... يحب يخبيها وسط بدنو ..يحبها تسكن فيه وماعادش تخرج ... تنهد وكبس عليها باش يغفصها ...هزلها راسها بالشوية ..وهي عينيها ذابلة ...تبسمتلو اك التبسيمة اللي يعشقها ..التبسيمة اللي رهوجتو من اول ما عرفها ...حط شفايفو على شفايفها بالشوية وخطف منهم بوسة خفيفة .. وجهها احمار وتلفتت تغزر لعباد 
- لعباد يغزرو ياولدي ...هههه والله لا تحشمها زايد ؟
- من شكون باش نحشم؟ ههه لعباد الكل عرفوني طحت على راسي سايي ..خلي يقيدو عليا مهبول !!! موش انا مهبول؟ وزاد طبس غرس راسو في عنقها يشم فيه ..عدا خشمو على رقبتها .. وهي تكهربت ....ماكانتش تحلم في نهار ..انها تعيش اللحظات هاذم ؟..ههه.. انو راجل يحبها بالقوة هذي ؟ يعشقها... يملكها .. يغنيلها ..ههه .. يقتلها بالعشق والحنية متاعو ... - هههه هو من ناحية مهبول .؟ مهبول ... حبيبي مهبول .. مهبول وهبلني معاه .. ههه  هز راسو وضحكلها 
- محلاها ..امممم محلاها كلمة حبيبي من هاك الفم الي يتقرمش !! وشدها من يديها ووقف ... بصراحة ماعادش ننجم نقعد حتى دقيقة لهنا ...كان باش نزيد نقعد باش نزيد نعمل الفضح ...هههه ( وتلفت لشيرة ناجية ..يلقاها قاعدة تحكي مع كمشة نساء ) شقولك كان نهربو تو؟ وعدا يديه على كتافها .. حس برعشة قوية في بدنو ...وحس اللي هو بدا يفقد السيطرة على روحو .. 
- لا ؟ بلحق انت هبلت ههه؟ قالتلة بالشوية ...ياخي عرس اختك هذا ؟.. كيفاش تحبنا نمشيو ونخليوها ؟ با..
- باهي باهي ..قص عليها ..باش تقعد تعملي في محاضرة على العايلة نعرف .... (شدلها وجهها بين يديه وتبسم وعينيه كانت تلمع ) باهي مانروحوش ... نباتو هوني في الوتيل ... الثنية من هنا لزغوان بعيدة وانا ماعادش نصبر ...داكور ؟ 
- وامي ناجية تبات وحدها اليوم ؟ ويوسف اش نعملو فيه ؟ (وغزرت ليوسف كان راقد في حضن مماتو )  - ووه على بابا وعلى رقدتو !! (فد عاللخر ) شنوة تو ؟ باش تخمملي في الناس الكل كان انا ؟ (وزاد قربلها وعنقها ) برحمة امك لا عاد تخمملي في حتى حد؟ افف راك باش تهبلني ... خليها ناجية تو نتصرف معاها انا ...ويوسف تو تروح بيه معاها ..وزاد غزرلها في عينيها... حسها ذابت ساييي هههه ..عدى صبعو على خصلة شعرها الهابطة ..وهي غمضت عينيها وحطت راسها مرة أخرى على صدرو ووشوشتلو 
- اللي تعملو انت مبروك ياروحي .. وتنهدت بالشوية ...زادت هزت راسها وغزرتلو في عينيه اللي يشعلو ..تبسمت بخبث وهو عينيه وساعت وزاد جبدها ليه ..
- مالا كان نقلك اش شاهية هههه؟ 
- اممم اش شاهية عزيزتي ؟ حليب الغولة نجيبهولك كان تتطلبو .. 
- ههه لا موش حليب الغولة .. حاجة ساهلة برشة ... حاجة قدامي وهزت راسها ووشوشتلو في وذنو ... حستو داخ ..ههه...ياميمتي على هاك الغزرة ؟ ...زاد هبل في مخو ووجهو حمار ..
- نعن بو عمري !!! مالقيت وقتاش تشتهي كان تو ؟ وبدا يحل في الكرافات ... ساي ماعادش فيها هههه ..بدا يحل في السورية وهي شدتلو يدو وتضحك
- امان ..امان بربي يزي بلا فضايح ..رانا سايي مشينا في الافام ..لعباد الكل سيبو العرس وتلهاو بينا ...
- انا عباد ؟ انا عباد؟ وانت خليت فيها عباد ؟ باش ناكلك اليوم ..(كان يتنفس بالزربة ) بعدت عليه شوية وهي ماذابيها تزيد تلصق فيه اكثر ..اما حاستو موش باش يجيبها البر راجلها هههه ..قداش حست بالبرد وقتلي جبدت روحها منو ...حست بطاقتها نقصت ... الطاقة اللي كانت تاخذها من بدنو وقتلي يعنقها ويحطلها راسها في صدرو ...بدنو اللي حاستو قطعة من بدنها هي ... ثقتها في روحها ..في زينها ..في بدنها ... في انوثتها ...كانت شحنة تاخذها من عينيه وقتلي يغزرلها ...من بدنو وقتلي تحسو ملهوف عليها ...من قلبو وقتلي يبدا يدق بالقوي وهي حاطة راسها عليه ... من يديه وقتلي يبدا يعدي فيهم على شعرها بكل حنية ...من شفايفو وقتلي يحطهم على شفايفها وتحس فيهم نار ...نار تشعل في بدنها الكل ... تنهدت بالشوية وشدتو من يديه .. نزلت عليهم بيديها وبعد سيبتهم وبدات تمشي ... مشات قعدت بحذا حماتها وخذات يوسف من يديها وهو راقد وبدات تبوس فيه .. غزرت لبوه اللي قعد واقف ...كان واقف من بعيد ..الكرافات في يديه ..وشطر السورية محلولة ومتلفتلها .... الرجولية والقوة طالعة من بدنو وهو واقف .. قداش منظرو يغري ؟ وقداش حاسة بالفخر اللي الراجل هذاكة ملكها هي ؟ ملكها وحدها ...متاعها ...ههه محلاه ومبنو ... شعرو
ملكها هي ؟ ملكها وحدها ...متاعها ...ههه محلاه ومبنو ... شعرو منكوش كيف الولاد الصغار ... زاد عدا صوابعو عليه وضحكلها وغمزلها... وبعد تلفت شيرة العرايس وين كانو قاعدين وملمومين بيهم صحابهم ومشالهم يحكي معاهم ..وشد العروس من كتافو وعنقو ...بعد عنق اختو وباسها من راسها ...وقعد يحكي معاهم .. - راجلك قلع الرباط جملة اليوم هههه (قالتلها حماتها بعد ماروحو النساء اللي كانو قاعدين بحذاها ) عمل كيما حب ..فرج عليه خلق ربي الكل ... ضحكت وطبست راسها تبوس في يوسف وهي مربوثة .. غزرتلها حماتها بهاك العينين الثاقبة متاعها ... حست بوجهها حمار من الحشمة ....
-تعرفي ؟؟ قالتلها بالشوية وهي تتنهد ... تو حسيت روحي تهنيت على ولدي ...( وغزرتلها) عيش بنتي ردي بالك عليه ... حطيه في عينيك وسكري عليه هو وولدو ....
- وه امي ناجية ؟ تو هذا كلام ؟ محمود ويوسف في عينيا من غير ما تقول (وتبسمت ) وزيد بعد اللي عملو اليوم ما زلت نسلم فيه انا ؟ ههه كنشي هبلت ؟ 
- حتى انا عمري ماريتو يتصرف هكاكة ؟ (وغزرت لولدها وهو يضحك من قلبو والفرحة باينة في تصرفاتو الكل .. عينيها زغللت بالدموع اما ماحبتش تضهر ..طول عمرها مرا قوية ..موش باش تجي تو وتبين ضعفها) مهما عمل معاك عيش بنتى ؟ مهما غلط .. مهما يصير بيناتكم ديما حطي في مخك اللي هو يحبك ... نحبك تكونيلو الحضن الدافي الي وقتلي يروح تاعب يلقاه ... المرا القوية الي تكون في ضهرو وماتخليهش يطيح ولا يضعف ... المرا اللي تاقف معاه وقت الشدة اكثر من وقت الفرج ... (وغزرتلها... غزرتها كانت غامضة .. مهزومة .. حزينة..) انت اللي باش تدوميلو ... نحبك تعوضيني ... نحبك تكونيلو الام .. والصاحبة .. والمرا اللي يحبها ... ماتخليهاش بيه ... عيش بنتي ماتخليهاش بيه ... 
- امي ناجية اشبيك تحكي هكا ؟ (وشدتها من ايدها ) ربي يخليك انت ليه ... وليا ولسناء ...ربي يخليك لينا ... حتى حد مايعوض بقعة الام راهو !! 
- أي نعرف ... اما ..اما انا موش عايشة معاكم ...انا هاني لهنا ...انت الي عايشة معاه اكثر ...نقصد ..نقصد في الغربة ... انت اللي باش تواسيه في غربتو ...وتتلها بيه ..وتحن عليه ..  موش عارفة ..اما حاسه اللي حماتها موش قد بعضها ..كاينو فما حاجة مخبيتها ... المرا اللي الوقت الكل ترا فيها ديما قوية حست بضعفها من صوتها ..من كلامها... حست بخوفها ....من عينيها ... وأخيرا وفات السهرية ...العرايس ركبو في كرهبتهم وباش يمشيو ..شدتها سناء تبوس فيها وتضحك 
- تعرف ؟ كنت خايفة من الليلة هذي ههه اول السهرية وانا نخمم كيفاش باش نعدي مع طارق الليلة الأولى ؟ وقتلي ريت محمود اش عمل ؟ وريتكم سهرية كاملة كيفاش تعنقو في بعضكم شهيتوني في التعنيق ههه
- يعطيك يا سناء ههه مااعظم من خوك كان انت؟ 
- تو حاسة روحي باش ننقز عليه حتى قبل مانوصلو للوتيل هههه 
- برا برا ..مسكين اكا طارق اش باش يعاني ؟ ههههه ... اما تو تشوف حلاوتها هه والله لاتندمها 
- هههه متاكدة .. بعد اللي شفتو في عينيكم متاكدة ههه  وركبت في الكرهبة وغمزتها ...
✅
✴✴✴✴